Soane 19:11 - Tosi Tapu

¹¹ Na tali loa Sesu : E leaise ke maua loa se pule kiate au, mo kanapau na leaise tuku atu a ia kiate koe mei aluga. Koia ko leia e tuku ia au kiate koe e fai ia se agasala lasi ake.

Soane 19:11 ပူးပေါင်းရင်းမြစ်များ

Uluaki tosi o Koloniko 29:11

A au, Eteleno, le taualuga, mo le makeke, mo le maumau, mo le gigila, ti mo le kololia, talie ko nea fuli i le lagi mo le kele a au ; a au, Eteleno, le pule, talie e ke malaga o taualuga i nea fuli !

Pesalemo 39:9

Saofaki au i aku agatuu fuli ! Aua na ke tuku au ke kau luma i mua o le tagata valea !

Pesalemo 62:11

Ke aua na kotou fanaki ki le fakamakeke, Ti ke aua na kotou tuku se fanaki sala ki le kaia ; Ka tupu a koloa o lasi, Ke aua na pipiki ki ai okoutou loto.

Tagi laulau a Selemia 3:37

Ko ai e pati loa e soko se nea, Kae na leaise fakatotonu a ia e le Aliki ?

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 4:25

E kapu loa a koe mei loto malie o tagata, ti e ke maua loa lou nofoaga i loto malie o manu o faisaga, ti e tuku loa kiate koe se mutie ke kai, ofaipe pipi ; e susu loa a koe i le sasau o le lagi, ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Taniela 5:21

Na kapu loa a ia mei loto malie o fanau o tagata, ti na liliu loa lona loto o tatau mo le loto o manu, ti na tuu fakatasi loa lona nofoaga mo leia o asino vao ; na soli loa kiate ia se mutie ke kai ofaipe pipi, ti na susu loa lona tino i le sasau o le lagi, o kaku ki lana iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Mateo 26:65

Ti na sae loa e le pule faisakilifisio ona kofu, o pati : Kua fatituu a ia ki le Atua ! Kolea koi aoga mai ai ni tagata fakamaoki ? Ko leinei kua kotou logo ki lana fatituu ki le Atua.

Mateo 27:2

Na lotou sai loa a ia, ti na lotou ave loa a ia kia Posio Pilato, le kovana.

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Maleko 14:44

Ko leia na fakatau ia loa a ia na tuku ia kia latou le fakamailoga leinei : Ko leia e kau sogi loa ki ai, ko ia ; kotou too a ia, o ave.

Luka 22:53

I aso fuli na kau nofo mo koutou i le fale tapu, ti na leai fua se kotou kapa kiate au. Kae ko le ola leinei o koutou, ti mo le makeke o le fakapouli.

Soane 18:13

Ti na lotou uluaki taki loa a ia ki le fale o Anasi ; talie ko le tamana a ia o le avaga o Kaifa, leia na pule faisakilifisio i le fetuu lena.

Soane 18:3

Ti na ano foki ki ai Sutasi, o taki le kau solia, ti mo ni fakasausau ala na kakau e le kau pule faisakilifisio mo le kau faliseo mo ni malama taki, mo ni afi taume, ti mo ni masafu tau.

Soane 19:10

Na pati loa Pilato kiate ia : Pe ko au leia e leaise ke fia masau mai ki ai ? Pe leaise ke iloa e kau nofo mo le pule ke kulusifiko a koe, ti e kau nofo mo le pule ke fakamauli a koe ?

Soane 3:27

Na tali loa Soane : E maua fai e le tagata le nea leia na tuku kiate ia mei le lagi.

Soane 7:30

Na lotou afa loa ke too a ia, kae na leaise fafa loa le lima o se tasi kiate ia, talie na leikiaise soko lona ola.

Soane 9:41

Na tali loa Sesu kia latou : Kanapau na kotou kivi, e leaise kotou maua loa se agasala. Kae i le lakaga nei e kotou pati : E motou tio, koia e tuumau ai lakoutou agasala.

Gaoi 2:23

ko le tagata lena na fakatau o mulimuli ki le fakatuutuu mo le poto o le Atua, ti na kotou tutuki a ia i se koluse, ti na kotou tuku a ia ke tamate e le lima o tagata agasala.

Gaoi 3:13

Ko le Atua o Apalaamo, mo Isaake, mo Sakopo, ko le Atua o otatou tamana, kua fakakololia ia lana tagata fakasausau ko Sesu, leia na kotou fakatau mo fakafiti ki ai i mua o Pilato, i le lakaga leia na fakatotonu ai e ia ke fakamauli Sesu.

Gaoi 4:28

o fai a nea fuli ala na fakatuutuu fakatomua e lou lima ti mo lou poto.

Loma 11:36

Ko nea fuli e tupu meiate ia, e maua iate ia, ti e kaku kiate ia. Kiate ia le kololia i sekulo fuli ! Amene !

Loma 13:1

Ke fakataulalo a tagata fuli ki pule taualuga ; talie e leai se pule leia e leaise au mei le Atua, ti ko latou ala kua fakanofo, na fakanofo latou e le Atua.

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.

Sakopo 4:17

Koia ko leia e iloa ia le fai o le nea leia e malie, kae e leaise fai e ia a ia, e fai e ia se agasala.