Soane 18:4 - Tosi Tapu

⁴ Kae i le iloa e Sesu o nea fuli ala e tonu ke soko kiate ia, na saele loa a ia kia latou, o pati : Ko ai leia e kotou afa ia ?

Soane 18:4 ပူးပေါင်းရင်းမြစ်များ

Uluaki tosi o Sau 18:10

E mauli le Eteleno ! e leaise fenua pe ko se puleaga leia na leaise kakau e loku pule se tasi ke afa a koe i ai ; ti ka pati mai loa e leaise ke nofo i ai, e fakamakeke loa e ia le puleaga lena ke fakamaoki e leaise ke nofo i ai.

Neemia 6:11

Na kau tali loa : E leaise ko se tagata au ke sola ! Pe mafai loa ki se tagata pe au ke ulu ki le sagatualio kae mauli ? E leaise kau ulu loa.

Pesalemo 27:3

Kapau e tanaki se kau tau kiate au, E leaise i fua loku loto. Kapau e lagai mai se tau kiate au, E kau apele loa i le fanaki i le nea lena.

Pesalemo 3:6

E kau moe, ti e kau moe mate ; E kau ala ake, talie ko le Eteleno ko loku tokoi.

Taagapati 28:1

E sola le tagata agaveli kae e leaise tuli a ia e se tasi, Kae e loto toa le tagata agatonu ofaipe se laione muli.

Mateo 16:21

Talu loa mei ai na kamata fakasa loa e Sesu ki ana tisipulo e tonu ke ano a ia ki Selusalemi, ke mamae lasi a ia mei le kau fakamatuatua, mo le kau pule faisakilifisio ti mo le kau sekelipa, ke mate a ia, ti ke toe tuuake a ia i le tolu o aso.

Mateo 26:2

E kotou iloa koi toe fai ni ga aso e lua ki le Pasikate, ti e tuku loa le Vosa o le tagata ke tutuki i le koluse.

Mateo 26:21

I le lolotoga o le kai, na pati loa Sesu : E kau pati maoki atu kia koutou, e fakatau loa au e se tasi o koutou.

Mateo 26:31

Ti na pati loa Sesu kia latou : I le po leinei e kotou tiaki fuli loa au ; talie e tuu i le tosi : E kau taai loa le tausi ovi, ti e mavetevete loa le kau ovi.

Luka 24:44

Ti na pati loa a ia kia latou : Ko nei a nea ala na kau fakasa atu kia koutou koi kau nofo mo koutou : E tonu ke fakasoko a nea fuli ala kua tosi kiate au i le lao a Moisese, mo le kau polofeta, ti mo pesalemo.

Soane 13:1

I mua o le Pasikate, i le iloa e Sesu kua soko lona ola ke mavae i le malama nei ki le Tamana, na alofa loa a ia kia latou ala na nonofo i le malama nei, ti na fakakatoa loa e ia lona alofa kia latou o kaku ki le gatoaga.

Soane 13:11

Talie na iloa e ia leia e fakatau ia loa a ia ; koia na pati ai loa a ia : E leaise ko kotou fuli.

Soane 18:5

Na lotou tali loa kiate ia : Sesu mei Nasaleti. Na pati loa Sesu kia latou : Ko au. Ti na tuu foki mo latou a Sutasi, leia na fakatau ia a ia.

Soane 18:7

Ti na toe vesili loa Sesu kia latou : Ko ai leia e kotou afa ia ? Ti na lotou pati loa : Ko Sesu mei Nasaleti.

Soane 19:28

Sili aia, ko Sesu, leia na iloa ia kua soko nea fuli, na pati loa, o tupu ke fakasoko le Tosi : E kau fia inu.

Soane 6:64

Kae e i ai ni iki ia koutou e leaise tui. Talie na iloa e Sesu mei le kamataaga latou ala e leaise tui, ti mo leia ka fakatau ia loa a ia.

Gaoi 2:28

Kua ke fakasa kiate au a ala o le mauli ; Eke fakaapele loa au ki le fiafia i lou agai.

Uluaki tosi a Petelo 4:1

Talie na mamae Kilisito i lona tino, koia kotou teu masafu foki ki le manatu lena ; talie ko leia kua mamae i le tino kua tuku e ia le agasala,