Soane 18:37 - Tosi Tapu

³⁷ Na pati loa Pilato kiate ia : Pe ko se sau koia a koe ? Na tali loa Sesu : E ke fakasa a ia, e kau sau. Na kau tupu ti na kau au ki le malama nei o fakamaoki ki le maoki. Ko leia e nofo i le maoki, e logo a ia ki loku leo.

Soane 18:37 ပူးပေါင်းရင်းမြစ်များ

Esaia 55:4

Ko leinei, na kau fakanofo a ia ke fakamaoki i mua o ni kakai, Ke takimua mo pule ki atu puleaga.

Mateo 26:64

Na tali loa Sesu kiate ia : Kua ke pati ki ai. Ti e tasi foki, e kau fakasa kia koutou, e kotou tio loa ki le Vosa o le tagata e nofo i le fetuu atamai o le mafimafi o le Atua, ti e au i ao o le lagi.

Mateo 27:11

Na tuu loa Sesu i mua o Posio Pilato, le kovana. Ti na vesili loa le kovana kiate ia, o pati : pe ko le sau a koe o le kau Sutea ? Na tali loa Sesu kiate ia : Kua ke pati ki ai.

Maleko 14:62

Na tali loa Sesu : Ko au ko le Kilisito. Ti e kotou tio loa ki le Vosa o le tagata e nofo i le lima atamai o le mafimafi o le Atua, ti mo saele mai i ao o le lagi.

Maleko 15:2

Ti na vesili loa Pilato kia Sesu : Pe ko le sau a koe o le kau Sutea ? Ti na tali loa Sesu kiate ia : Kua ke pati ki ai.

Luka 22:70

Na lotou pati fuli loa : Ko koe ai ko le Alo o le Atua ? Ti na tali loa a ia kia latou : Kua kotou pati ki ai, ko au totonu.

Luka 23:3

Ti na vesili loa Pilato kiate ia, o pati : Pe ko le sau a koe o le kau Sutea ? Na tali loa Sesu kiate ia : Kua ke pati ki ai.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 3:32

e fakamaoki a ia ki nea ala na tio a ia mo logo ki ai, ti e leaise tali fua e se tasi lana fakamaoki.

Soane 7:17

Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.

Soane 8:14

Ti na tali loa Sesu kia latou : Kapau e kau fakamaoki kiate au totonu, e maoki laku fakamaoki, talie e kau iloa le ganea leia e kau au mei ai ti mo le ganea leia e kau ano ki ai ; kae ko koutou, e leaise kotou iloa pe kau au meifea ti e kau ano kifea.

Soane 8:45

Ti ko au, talie e kau fakasa le maoki, e leaise kotou tui mai kiate au.

Soane 8:46

Ko ai ia koutou e maua ia loa se agasala iate au ? Kapau e kau fakasa le maoki, kolea e leaise kotou tui mai ai loa kiate au ?

Soane 8:47

Ko leia e tupu mei le Atua e fakalogo a ia ki folafola a le Atua ; e leaise kotou fakalogo, talie e leaise kotou tupu mei le Atua.

Uluaki tosi kia Timoteo 6:13

E kau kole atu kiate koe, i mua o le Atua leia e soli ia le mauli ki nea fuli, ti mo mua o Sesu-Kilisito leia na fai ia se fakamaoki malie i mua o Posio Pilato,

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Uluaki tosi a Soane 2:21

Na kau fai tosi atu kia koutou, o leaise tupu e leaise kotou iloa le maoki, kae tupu na kotou iloa a ia ; ti e kotou iloa foki e leaise feala ke au se loi mei le maoki.

Uluaki tosi a Soane 3:14

E tou iloa na tou sao mei le mate ki le mauli, talie e tou alofa ki fetaina. Ko leia e leaise alofa, e nofo a ia i le mate.

Uluaki tosi a Soane 3:19

Ko le nea lena e tou iloa ai loa e tou nofo i le maoki, ti e tou fakafimalie ai loa otou loto i ona mua ;

Uluaki tosi a Soane 4:6

Ko tatou, e tou kau ki le Atua ; ko leia e iloa ia le Atua, e logo a ia kia tatou ; ko leia e leaise kau ki le Atua, e leaise logo a ia kia tatou : I le nea lena e tou iloa ai le Laumalie o le maoki ti mo le laumalie o le sese.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.

Apokalipisi 1:4

Ko au Soane ki Ekelesia e fitu ala e tuu i Asia : Ke soli atu kia koutou le kalasia mo le tokamalie mei leia e agai, leia na agai, leia e au, ti mei Laumalie e fitu ala i mua o lona ekeekeaga fakasau,

Apokalipisi 3:14

Tosi ki le aselo o le Ekelesia o Laotise : Ko leinei le pati a le Amene, le tagata fakamaoki agatonu mo maoki, le tupuaga o nea ala na fakatupu e le Atua :