Soane 18:36 - Tosi Tapu

³⁶ Na tali loa Sesu : E leaise kau loku puleaga i le malama nei. Kana kau loku puleaga i le malama nei, e tau loa aku tagata fakasausau kiate au o tupu ke aua na tuku au ki le kau Sutea ; kae i le lakaga nei e leaise kau loku puleaga i lalo nei.

Soane 18:36 ပူးပေါင်းရင်းမြစ်များ

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 26:53

Pe ke pati e leaise mafai ke kau kole ki loku Tamana, ke tuku mai e ia i le lakaga nei fai ni fa solia aselo e tino agafulu tupu lua pe lasi atu ?

Luka 12:14

Na tali loa Sesu kiate ia : Tagata, ko ai leia na fakanofo ia au ke fakamaau ia akoutou visi, pe ke vae ia okoutou koloa ?

Soane 18:35

Na tali loa Pilato : Pe ko au ko se Sutea ? Kua aumai a koe kiate au e lou kakai mo le kau pule faisakilifisio : Kolea na ke fai ?

Soane 6:15

I le iloa e Sesu, ka lotou au loa o too a ia ke fakasau, na toe ano loa a ia toka tasi ki le mauga.

Soane 8:15

E kotou fakamaaui o mulimuli ki le kanofi, ko au, e leaise kau fakamaaui fua se tasi.

Loma 14:17

Talie ko le Puleaga o le Atua, e leaise ko le kai pe ko le inu, kae ko le maokioki, mo le tokamalie, ti mo le fiafia i le Laumalie Maokioki.

Uluaki tosi kia Timoteo 6:13

E kau kole atu kiate koe, i mua o le Atua leia e soli ia le mauli ki nea fuli, ti mo mua o Sesu-Kilisito leia na fai ia se fakamaoki malie i mua o Posio Pilato,