Soane 18:33 - Tosi Tapu

³³ Na toe ulu loa Pilato ki le peletolio o kalagai Sesu, o pati kiate ia : Pe ko le sau a koe o le kau Sutea ?

Soane 18:33 ပူးပေါင်းရင်းမြစ်များ

Selemia 23:5

Ko leinei, e pati le Eteleno, e soko mai loa a aso, Ala e kau fakatupu ai loa kia Tavite se uli agatonu. E nofo loa a ia ko se sau poto mo manuia, E fai loa e ia le faitotonu mo le maoki i le fenua.

Sofoni 3:15

Kua fakamafuli kese e le Eteleno ou tautea, Kua fakamamao e ia lou fili. E nofo le sau o Iselaele, le Eteleno, i loto malie o ou ; E leaise ke toe maua ia loa se malaia.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 27:11

Na tuu loa Sesu i mua o Posio Pilato, le kovana. Ti na vesili loa le kovana kiate ia, o pati : pe ko le sau a koe o le kau Sutea ? Na tali loa Sesu kiate ia : Kua ke pati ki ai.

Mateo 27:27

Na taki loa Sesu e le kau solia a le kovana ki le peletolio, ti na lotou fakatasii loa ki ona tafa le kau solia katoa.

Maleko 15:2

Ti na vesili loa Pilato kia Sesu : Pe ko le sau a koe o le kau Sutea ? Ti na tali loa Sesu kiate ia : Kua ke pati ki ai.

Luka 23:2

Na lotou kamata fakalakasala loa a ia, o pati : Na motou maua le tagata leinei e fakatupu maveuveu ki le kakai, o tapui e ia le totogi o le tukusau kia Sesale, ti na pati a ia ko ia ko Kilisito, ko se sau.

Soane 1:49

Na tali loa Natanaele, o toe pati : Pule, ko koe ai ko le Alo o le Atua, ko le Sau o Iselaele.

Soane 12:13

ti na lotou too loa ni laai laakau, o ano o fakafelavei kiate ia, mo kalaga : Osana ! E manuia leia e saele mai i le suafa o le Aliki, le sau o Iselaele.

Soane 12:15

Aua na ke i, taine o Sione ; Ko leinei, e au lou sau, Eeke a ia i le uviki asino.

Soane 18:34

Na tali loa Sesu : Pe au meiate koe totonu le nea lena, pe na masau atu ni iki kiate koe o uiga mo au ?

Soane 18:37

Na pati loa Pilato kiate ia : Pe ko se sau koia a koe ? Na tali loa Sesu : E ke fakasa a ia, e kau sau. Na kau tupu ti na kau au ki le malama nei o fakamaoki ki le maoki. Ko leia e nofo i le maoki, e logo a ia ki loku leo.

Soane 18:38

Na pati loa Pilato kiate ia : Kolea le maoki ? I le oki o lana pati lena, na toe ulu loa a ia ki fafo ki le kau Sutea, o pati kia latou : E leaise kau maua fua se sala iate ia.

Soane 19:12

Talu mei le lakaga lena, na faiga loa Pilato ke fakamauli Sesu. Kae na kalaga le kau Sutea : Kapau e ke fakamauli a ia, ti e leaise ko le kaukau nea a koe o Sesale. Ko leia e pati, ko le sau a ia, e agatuu a ia kia Sesale.

Soane 19:3

o pati : Malo, sau o le kau Sutea ! Ti na lotou fepataki loa a ia.

Soane 19:4

Na toe ulu ake loa Pilato ki fafo, o pati ki le kau Sutea : Ko leinei, e kau aumai a ia kia koutou i fafo, o tupu ke kotou iloa e leaise kau maua fua se sala iate ia.

Soane 19:9

Ti na toe ulu loa a ia ki le peletolio, o pati kia Sesu : Pe ke au meifea ? Kae na leaise toe fai loa e Sesu se tali kiate ia.

Uluaki tosi kia Timoteo 6:13

E kau kole atu kiate koe, i mua o le Atua leia e soli ia le mauli ki nea fuli, ti mo mua o Sesu-Kilisito leia na fai ia se fakamaoki malie i mua o Posio Pilato,