Soane 18:32 - Tosi Tapu

³² Ti na fakasoko ai le folafola a Sesu, i lana fakasa le mate leia e tonu ke mate ai a ia.

Soane 18:32 ပူးပေါင်းရင်းမြစ်များ

Pesalemo 22:16

E malo loku makeke ofaipe le kele kula, Ti e pipiki loku alelo ki loku gutu ; E ke tuku au ki le efu o le mate.

Mateo 20:19

ti e lotou tuku loa a ia ki le kau pagani, ke lotou gologolo kiate ia, mo sasa a ia ki laakau, ti mo tutuki a ia i le koluse ; ti e toe tuuake loa a ia i le tolu o aso.

Mateo 26:2

E kotou iloa koi toe fai ni ga aso e lua ki le Pasikate, ti e tuku loa le Vosa o le tagata ke tutuki i le koluse.

Maleko 10:33

Ko leinei, e tou pale ki Selusalemi, ti e fakatau loa le Vosa o le tagata ki le kau pule faisakilifisio ti mo le kau sekelipa. E lotou fakatuaa loa a ia ki le mate, ti e lotou tuku loa a ia ki le kau pagani,

Soane 10:31

Na toe too loa e le kau Sutea ni fatu ke tuki fatui a ia.

Soane 10:33

Na tali loa le kau Sutea kiate ia : E leaise motou tuki fatui a koe o tupu ko se gaoi malie, kae tupu ko se fatituu ki le Atua, talie ko koe leia ko se tagata noa, e ke fia Atua.

Soane 13:18

E leaise kau masau kia koutou fuli ; e kau iloa latou ala kua kau filifili. Kae e tonu ke fakasoko le Tosi : Ko leia e kai ia mo au le pane Kua siki lona mulivae kiate au.

Soane 18:31

I le nea lena, na pati loa Pilato kia latou : Kotou too a ia, ti kotou fakamaaui a ia o mulimuli ki lakoutou lao. Na pati loa le kau Sutea kiate ia : E leaise taga kia matou ke motou tamate se tasi.

Soane 21:19

Na fakasa e ia le nea lena ke fakailo ai le mate leia e fakakololia ai loa e Petelo le Atua. I le oki o lana masau lena, na pati loa Sesu kiate ia : Muli mai iate au.

Soane 3:14

Ti ofaipe Moisese na fakatuu ia le gata i le toafa, e tonu foki ke fakatuu le Vosa o le tagata ki aluga,

Soane 8:28

Ti na pati loa Sesu kia latou : Ka oki loa lakotou fakatuu ki aluga le Vosa o le tagata, ti e kotou iloa loa ko ai au, ti e leaise kau fai fua se nea iate au totonu, kae e kau masau o mulimuli ki le nea leia na ako mai kiate au e le Tamana.

Gaoi 7:59

Ti na lotou tuki fatui loa Setefano, leia na faikole, o pati : Aliki Sesu, tali loku laumalie !

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Tetelonome 21:23

e leaise ke tuku loa le mate ke tau i le laakau i le pouli ki le ao. Kae e ke tanu loa a ia i le aso lena, talie ko leia e tau i le laakau ko se malaia a ia i mua o le Atua, ti e leaise ke fakakelekele loa le fenua leia e tuku atu loa kiate koe e le Eteleno, lou Atua, ke ke maua tofiga.