Soane 17:6 - Tosi Tapu

⁶ Kua kau fakasa lou suafa ki tagata ala na ke soli mai kiate au mei loto malie o le malama nei. Ko tagata latou a au, ti na ke soli mai latou kiate au ; ti kua lotou fakalogo ki lau folafola.

Soane 17:6 ပူးပေါင်းရင်းမြစ်များ

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Pesalemo 22:22

Ke ke fakamau au i le gutu o le laione, Ke ke saofaki au i tala o le pipi vao !

Ekesote 9:16

Kae na kau fakamauli a koe, o tupu ke fakasa iate koe loku makeke, ti ke fakamafola loku suafa i le malama nei katoa.

Taagapati 2:10

Talie e au loa le poto ki lou loto, Ti e fai loa e le iloa ni nea malilie ki lou laumalie ;

Taagapati 23:23

Totogi le maoki, ti aua na ke fakatau a ia, Mo le poto, mo le akonaki, ti mo le atamai.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 12:28

Tamana, fakakololia lou suafa ! Ti na au loa se leo mei le lagi : Kua kau fakakololia a ia, ti e kau toe fakakololia loa a ia.

Soane 15:19

Kanapau ko kotou a le malama nei, e alofa loa le malama nei ki lana nea. Kae tupu e leaise ko koutou a le malama nei, ti na kau filifili koutou mei loto malie o le malama nei, koia e vesia ai le malama nei kia koutou.

Soane 15:3

Kua kotou mea foki, o tupu ko le folafola leia kua kau fakasa atu kia koutou.

Soane 15:7

Kapau e kotou nonofo iate au, ti e nofo aku folafola ia koutou, kotou kole se nea fua leia e kotou loto loa ki ai, ti e soli atu loa a ia kia koutou.

Soane 17:12

I laku koi nofo mo latou i le malama nei, na kau taupau latou i lou suafa. Na kau taupau latou ala na ke soli mai kiate au, ti na leaise puli se tasi o latou, kae gato fai ki le vosa o le malaia, o tupu ke fakasoko ai le Tosi.

Soane 17:14

Kua kau tuku kia latou lau folafola ; ti kua vesia le malama nei kia latou, talie e leaise lotou kau i le malama nei, ofaipe au e leaise kau kau i le malama nei.

Soane 17:16

E leaise lotou kau i le malama nei, ofaipe au e leaise kau kau i le malama nei.

Soane 17:2

Talie kua ke tuku kiate ia le pule ki tagata fuli, o tupu ke soli e ia le mauli lee gato kia latou fuli ala kua ke soli ki ai.

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Soane 17:26

Ti na kau fakasa kia latou lou suafa, ti e kau toe fakasa loa a ia kia latou, o tupu ke nofo ia latou le alofa leia kua ke alofa ai kiate au, ti ke kau nofo ia latou.

Soane 17:7

I le lakaga nei kua lotou iloa ko nea fuli ala na ke soli mai kiate au e au meiate koe.

Soane 18:9

Na fai e ia le pati lena, o tupu ke fakasoko le folafola leia na fakasa e ia : Na leaise kau tuku ke puli se tasi fua o latou ala na ke soli mai kiate au.

Soane 6:37

Ko latou fuli ala e soli mai kiate au e loku Tamana e au loa kiate au, ti e leaise kau tuku loa ki fafo leia e au kiate au ;

Soane 6:39

Ti ko le finegalo o leia na kakau ia mai au, ke aua na kau tuku ke puli se tasi fua o latou fuli ala na soli mai e ia kiate au ; kae ke kau toe fakatuuake latou i le aso fakamuli.

Soane 8:51

E maoki, e maoki, e kau pati atu kia koutou, kapau e tausi e se tasi laku folafola, e leaise tio loa a ia i se aso ki le mate.

Soane 8:52

Na pati loa le kau Sutea kiate ia : I le lakaga nei, e motou iloa e nofo iate koe se temonio. Kua mate Apalaamo, mo le kau polofeta foki, ti e ke pati : Ko leia e tausi ia laku folafola e leaise mate loa a ia i se aso.

Gaoi 13:48

Na fiafia ai le kau pagani i lalatou logo ki le nea lena, ti na lotou fakakololia ki le folafola a le Aliki, ti na tui loa latou fuli ala na fakatuutuu ki le mauli lee gato.

Loma 11:2

Na leaise tiaki e le Atua lona kakai, leia na iloa fakatomua e ia. Pe leaise kotou iloa le nea e fakasa e le Tosi o uiga mo Elia, lana tagi leia na fai ki le Atua o uiga mo Iselaele :

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Lua tosi kia Timoteo 1:13

Too mau i le tui mo le alofa leia ia Sesu-Kilisito, le faifaitaki o masau maoki ala na ke tali meiate au.

Epelo 2:12

i lana pati : E kau fakasa loa lou igoa ki oku fetaina. Ekau sua fakafetai loa kiate koe i le fakatasi.

Epelo 3:6

kae ko Kilisito, e agatonu a ia ofaipe le Vosa i lona fale totonu ; ti ko lona fale ko tatou, mo kapau e tou kukumi mau le tui makeke mo le amanaki malie o le kololia o kaku ki le fakaoki.

Uluaki tosi a Petelo 1:1

Petelo, ko le apositolo a Sesu-Kilisito, kia latou ala e matapule mo mavetevete i Ponito, mo Kalatia, mo Kapatose, mo Asia, ti mo Pitinia,

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.

Apokalipisi 2:13

E kau iloa le ganea leia e ke nofo ai, e kau iloa e tuu i ai le ekeekeaga sau o Satana. E ke taofi mau loku suafa, ti na leaise ke fakafiti ki le tui kiate au, io, i aso foki o Atipasi, ko laku tagata fakamaoki agatonu, leia na tamate ia koutou, i le ganea leia e tuu ai le nofoaga o Satana.

Apokalipisi 3:10

Talie na ke tausi le folafola o le kataki fualoa iate au, e kau tausi loa a koe i le ola o le asiasii leia ka au ki le malama nei katoa, ke asiasii ai le kakai o le malama nei.

Apokalipisi 3:8

E kau iloa au gaoi. Ko leinei, kua kau tuku i ou mua se matapa kua mavaa, leia e leaise mafai ke tapono e se tasi : talie e ke maua se makeke ikiiki fua, ti na ke tausi laku folafola, ti na leaise ke fakafiti ki loku igoa.