Soane 17:25 - Tosi Tapu

²⁵ Tamana faitotonu, na leaise iloa a koe e le malama nei ; kae na kau iloa a koe, ti kua iloa e latou anei na ke kakau ia mai au.

Soane 17:25 ပူးပေါင်းရင်းမြစ်များ

Esaia 45:21

Kotou fakasa le nea lena, ti kotou aumai latou kiate au ! Ke lotou fakakaukau fakatasi ! Ko ai na kikite ia mei le kamataaga a nea ana, Ti na fakasa ia latou mei mamao ? Pe leaise ko au, le Eteleno ? E leaise tasi ake Atua iate au, Ko au ko le Atua faitotonu e toka tasi Ti e fakamauli ia.

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Mateo 16:16

Na tali loa Simone Petelo : Ko le Kilisito a koe, ko le Alo o le Atua mauli.

Luka 10:22

Kua tuku mai kiate au a nea fuli e loku Tamana. E leaise iloa e se tasi pe ko ai le Alo, ko le tamana toka tasi fai ; ti e leaise iloa e se tasi pe ko ai le Tamana, ko le Alo toka tasi fai ti mo leia e loto le Alo ke fakasa a ia ki ai.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 10:15

ofaipe le Tamana e iloa ia au ti mo au e iloa ia le Tamana ; ti e kau soli loku mauli o tupu ko aku ovi.

Soane 15:21

Kae e lotou fai loa kia koutou a nea fuli ana o tupu ko loku suafa, talie e leaise lotou iloa leia na kakau ia mai au.

Soane 16:27

talie e alofa le Tamana totonu kia koutou, o tupu na kotou alofa kiate au, ti na kotou tui na kau au mei le Atua.

Soane 16:3

Ti e lotou fai loa a nea ana kia koutou, talie na leaise lotou iloa le Tamana, pe ko au.

Soane 16:30

I leinei kua motou iloa papau e ke iloa a nea fuli, ti e leaise aoga ke fakavesilii a koe e se tasi ; koia kua motou tui ai na ke au mei le Atua.

Soane 17:11

E leaise koi kau nofo i le malama nei, kae e lotou nonofo i le malama nei, ti e kau natu kiate koe. Tamana maokioki, taupau latou i lou suafa leia na ke soli mai kiate au, o tupu ke lotou liliu ko se nea e tasi ofaipe taua.

Soane 17:18

Ofaipe lau kakau mai au ki le malama nei, na kau toe kakau foki latou ki le malama nei.

Soane 17:21

o tupu ke lotou liliu fuli ko se nea e tasi, ofaipe koe, Tamana, e ke nofo iate au, ti mo au iate koe, o tupu ke lotou liliu foki ko se nea e tasi ia taua : O tupu ke tui le malama nei na ke kakau mai au.

Soane 17:23

ko au ia latou, ti ko koe iate au, o tupu ke lotou liliu maoki ko se nea e tasi, ti ke iloa e le malama nei na ke kakau mai au, ti na ke alofa kia latou ofaipe lou alofa kiate au.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Soane 17:8

Talie na kau soli kia latou a folafola ala na ke tuku mai kiate au ; ti kua lotou tali latou, ti kua lotou iloa papau na kau au meiate koe, ti kua lotou tui na ke kakau ia mai au.

Soane 3:17

Talie na leaise kakau mai e le Atua lona Alo ki le malama nei ke fakamaaui e ia le malama nei, kae ke mauli le malama nei iate ia.

Soane 6:19

Na lotou foe o mamao mei le kele i ni kilometa e tolu pe ono, ti na lotou tio loa kia Sesu e saele i le tai, o au ki le vaka. Ti na lotou i lasi ai.

Soane 7:29

Ko au, e kau iloa a ia, talie e kau au meiate ia, ti ko ia leia na kakau ia mai au.

Soane 8:19

Na lotou pati loa kiate ia : Kofea lou Tamana ? Na tali loa Sesu : E leaise kotou iloa fua au, pe ko loku Tamana. Kanapau na kotou iloa au, e kotou iloa foki loku Tamana.

Soane 8:55

kae e leaise kotou iloa fua a ia ; ko au, e kau iloa a ia ; ti kapau e kau pati e leaise kau iloa a ia, e kau tatau loa mo koutou, ko se tagata gutu loiloi. Kae e kau iloa a ia, ti e kau fai lana folafola.

Gaoi 17:23

Talie, i laku taka i lokoutou kolo, ti mo laku tio ki nea fuli ala e kotou tausi ki ai, na kau maua foki se aletale leia e tuu ai le fakamailoga leinei : Ki se atua e leaise iloa ! Ko le nea leia e kotou tausi ki ai kae e leaise kotou iloa, ko ia leinei e kau fakasa atu kia koutou.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Loma 3:11

E leai se tasi fua e poto, Eleai se tasi fua e afa ia le Atua ; Kua lotou sese fuli, kua lotou fakalialia fuli ;

Loma 3:26

Kae i le temi nei e fakasa e ia lona faitotonu, o tupu ke iloa e faitotonu a ia, ti e toe fakamatatonu e ia leia e tui kia Sesu.

Uluaki tosi ki le kau Kolinto 1:21

Talie i lona poto na leaise iloa e le malama nei le Atua, kae na malie ki le Atua i lona poto ke saofaki latou ala e tui ki le valea o le akonaki.

Uluaki tosi ki le kau Kolinto 15:34

Kotou toe liliu mai kia koutou totonu, ko lena le nea leia e totonu, ti aua na kotou agasala ; talie e leaise iloa e ni iki o koutou le Atua, e kau fakasa a ia ke kotou luma ai.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Epelo 8:11

E leaise toe ako loa e se tasi se tasi, Pe e se tasi lona taina, o pati : Ke ke iloa le Aliki ! Talie e iloa loa au e tagata fuli, Mei leia e ikiiki oki o kaku ki leia e lasi oki ia latou ;

Uluaki tosi a Soane 1:9

Kapau e tou kofesio atou agasala, e maoki a ia mo agatonu ke fakamolemole atou agasala, ti mo fakamea tatou i agaveli fuli.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.

Apokalipisi 16:5

Ti na kau logo loa ki le aselo o vaitafe na pati : E ke faitotonu, a koe leia e agai nei, ti na agai i mua ; e ke maokioki, talie kua ke fakasoko le fakamaau leinei.