Soane 17:2 - Tosi Tapu

² Talie kua ke tuku kiate ia le pule ki tagata fuli, o tupu ke soli e ia le mauli lee gato kia latou fuli ala kua ke soli ki ai.

Soane 17:2 ပူးပေါင်းရင်းမြစ်များ

Pesalemo 110:1

A Tavite. Pesalemo. Folafola a le Eteleno ki loku Aliki : Nofo a koe i loku fetuu atamai, O kaku ki laku fai ki ou fili lou tekiaga vae.

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Mateo 25:46

Ti e ano loa latou anei ki le tautea lee gato, kae e ano loa le kau agatonu ki le mauli lee gato.

Mateo 28:18

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Soane 17:6

Kua kau fakasa lou suafa ki tagata ala na ke soli mai kiate au mei loto malie o le malama nei. Ko tagata latou a au, ti na ke soli mai latou kiate au ; ti kua lotou fakalogo ki lau folafola.

Soane 17:9

E kau faikole kia latou. E leaise kau faikole ki le malama nei, kae kia latou ala na ke soli mai kiate au, talie a au latou ;

Soane 3:35

E alofa le Tamana ki le Alo, ti kua tuku e ia a nea fuli ki ona lima.

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Soane 6:37

Ko latou fuli ala e soli mai kiate au e loku Tamana e au loa kiate au, ti e leaise kau tuku loa ki fafo leia e au kiate au ;

Soane 6:39

Ti ko le finegalo o leia na kakau ia mai au, ke aua na kau tuku ke puli se tasi fua o latou fuli ala na soli mai e ia kiate au ; kae ke kau toe fakatuuake latou i le aso fakamuli.

Loma 6:23

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Uluaki tosi ki le kau Kolinto 15:25

Talie e tonu ke pule a ia o kaku ki lana tuku ia ona fili fuli ki lalo o ona vae.

Efeso 1:20

i lana fakatuuake a Kilisito mei le kau mate, o fakanofo a ia i lona lima atamai i potu fakalagi,

Filipe 2:10

o tupu ke tutuli i le igoa o Sesu a tuli fuli i le lagi, mo le kele, ti mo le lalo kele,

Uluaki tosi kia Timoteo 1:16

Kae na kau maua le manavaalofa, o tupu ke fakasa e Sesu-Kilisito iate au, ko le uluaki, lona alofa kataki fualoa, ti ke kau liliu ko se faifaitakiaga kia latou ala e tui loa kiate ia mo tali ia loa le mauli lee gato.

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.

Uluaki tosi a Petelo 3:22

leia kua pale ki Selo ti e nofo nei i le fetuu atamai o le Atua, ti kua fakataulalo kiate ia le kau aselo, mo le kau pule, ti mo le kau makeke.

Uluaki tosi a Soane 1:2

talie na fakasa le mauli, ti na motou tio ki ai, ti e motou fakamaoki ki ai, ti e motou fakasa atu kia koutou le mauli lee gato, leia na agai i le Tamana, ti na fakasa mai kia matou,

Uluaki tosi a Soane 2:25

Ti ko leinei le fakapapau leia na fai e ia kia tatou : ko le mauli lee gato.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.

Suta 1:21

ke kotou nofo mau i le alofa o le Atua, o talitali ki le manavaalofa o lotatou Aliki ko Sesu-Kilisito o uiga mo le mauli lee gato.