Soane 17:17 - Tosi Tapu

¹⁷ Fakatapui latou ki le maoki, ko lau folafola ko le maoki.

Soane 17:17 ပူးပေါင်းရင်းမြစ်များ

Lua tosi a Samuele 7:28

I le lakaga nei, ei Aliki Eteleno, ko le Atua a koe, ti e maoki au folafola, ti kua ke fakasa le kalasia lena ki lau tagata fakasausau.

Pesalemo 119:104

E kau liliu o atamai i au fakatotonu, Koia e kau vesia ai ki ala fuli o le loi.

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Pesalemo 119:144

Ko au pelesepeto e totonu o lee gato : Soli mai kiate au le atamai, o tupu ke kau mauli !

Pesalemo 119:160

Ko le fakatafito o lau folafola ko le maoki, Ti e lee gato a lao fuli o lou faitotonu.

Pesalemo 119:9

E fakamea feaki loa e le tupulaga lona ala ? I lana tuku ke taki a ia e lau folafola.

Pesalemo 12:6

Ko leinei e pati le Eteleno : e kau tuu ki aluga, O tupu ko le kau mativa leia e fakavelivelii, Mo le kau gaegae leia e fetagisi, Ti e kau aumai le fakamauli kia latou ala e tekei ki se tua lima.

Luka 8:11

Ko leinei le uiga o le folafola fakatata lena : Ko le fakaili, ko le folafola a le Atua.

Luka 8:15

Ko leia e maluku ki le kele malie, ko latou ala e logo ki le folafola i se loto agatonu mo malie, ti e taofi ia a ia, ti e fua o tupu ko le kataki fualoa.

Soane 15:3

Kua kotou mea foki, o tupu ko le folafola leia kua kau fakasa atu kia koutou.

Soane 17:19

Ti e kau fakatapui a au totonu o tupu ko latou, o tupu ke lotou fakatapui latou totonu kiate koe.

Soane 8:32

ti e kotou iloa loa le maoki, ti e fakalauatea loa koutou e le maoki.

Soane 8:40

Kae ko leinei e kotou afa ke tamate au, a au leia na fakasa atu ia kia koutou le maoki leia na kau logo mei le Atua. Na leaise fai fua le nea lena e Apalaamo.

Gaoi 15:9

Ti na leaise fai fua e ia se fakakesekese ia tatou mo latou, o fakamea e ia olatou loto i le tui.

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Efeso 4:21

mo kapau foki kua kotou logo kiate ia, ti mo kapau foki kua akoi koutou iate ia, o mulimuli ki le maoki leia e maua ia Sesu.

Efeso 5:26

o tupu ke fakatapui a ia, mo fakamea a ia, ti mo fufulu a ia ki le vai o le folafola,

Lua tosi ki le kau Tesalonika 2:13

Kia matou, fetaina alofaina i le Aliki, e tonu ke motou fakafetai tuumau ki le Atua o tupu ko koutou, talie kua filifili koutou e le Atua talu mei le kamataaga ki le saofaki, i le fakamea a le Laumalie ti mo le tui ki le maoki.

Sakopo 1:21

Koia ke kotou tiaki ai a nea kelekele fuli ti mo agaveli fuli, kae kotou tali i le loto malu le folafola leia kua to ia koutou, leia e feala ke fakamauli ia okoutou laumalie.