Soane 17:15 - Tosi Tapu

¹⁵ E leaise kau kole atu kiate koe ke ke too latou mei le malama nei, kae ke ke saofaki latou mei le veli.

Soane 17:15 ပူးပေါင်းရင်းမြစ်များ

Senesi 48:16

ki le aselo leia na saofaki ia au mei tutamaki fuli, e kau kole kiate ia ke tapuaki ki fanau anei ! Ke la fakamauli loku igoa ofaipe le igoa o loku tamana ko Apalaamo mo Isaake, ti ke la liuliuga o lasi i le fenua katoa !

Uluaki tosi o Koloniko 4:10

Na tagi loa Saepete ki le Atua o Iselaele, o pati : Kapau e ke tapuaki mai loa kiate au, mo ke fakalaulasi loa oku koiga, kapau e kau loa lou lima mo au, ti kapau e ke puipui loa au mei le malaia ke aua na kau nofo i le mamae !… Ti na tali loa e le Atua le nea leia na kole e ia.

Pesalemo 121:7

E taupau loa a koe e le Eteleno i veli fuli, E taupau loa e ia lou laumalie ;

Pesalemo 30:9

Eteleno ! na kau tagi kiate koe ; Na kau tagi mamae ki le Eteleno :

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Esaia 57:1

E mate le tagata agatonu, ti e leaise tokaga se tasi ki ai ; E pupuli a tagata malilie, ti e leaise tokaga se tasi. Io, e puli le tagata agatonu i mua o le malaia.

Mateo 5:37

Ko lakoutou io ke io, ti ko lakoutou leai ke leai ; ko le nea leia e fakalasi ia a ia e au mei le pule veli.

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Luka 11:4

fakamolemole mai ki amatou agasala, talie e motou fakamolemole foki kia latou ala e agasala mai kia matou ; ti aua na ke tuku matou ki le fakasala.

Luka 22:32

Kae kua kau ulufaki a koe, ke aua na puli lau tui ; ti ko koe, ka ke toe liliu mai loa, tokoi ki ou fetaina.

Kalate 1:4

leia na soli ia a ia o tupu ko atatou agasala, ti ke taaki ai tatou mei le sekulo veli leinei, o mulimuli ki le finegalo o lotatou Atua mo Tamana,

Lua tosi ki le kau Tesalonika 3:3

E agatonu le Aliki, e fakamakeke loa e ia koutou, ti e puipui loa e ia koutou mei leia e veli.

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Uluaki tosi a Soane 5:18

E tou iloa ko leia fai na tupu mei le Atua e leaise fai ia le agasala ; kae ko leia na tupu mei le Atua e taupau e ia a ia totonu, ti e leaise fafa leia e Veli kiate ia.

Uluaki tosi a Soane 5:19

E tou iloa ko tatou a le Atua, kae e malolo le malama nei katoa i le makeke o le Veli.