Soane 17:11 - Tosi Tapu

¹¹ E leaise koi kau nofo i le malama nei, kae e lotou nonofo i le malama nei, ti e kau natu kiate koe. Tamana maokioki, taupau latou i lou suafa leia na ke soli mai kiate au, o tupu ke lotou liliu ko se nea e tasi ofaipe taua.

Soane 17:11 ပူးပေါင်းရင်းမြစ်များ

Pesalemo 79:9

Ei Atua, ko lomatou fakamauli, tokoi mai kia matou, o tupu ko le kololia o lou suafa ! Saofaki matou, ti fakamolemole kia amatou agasala, o tupu ko lou suafa !

Taagapati 18:10

Ko le suafa o le Eteleno ko se tule makeke ; E sola ki ai le tagata agatonu, ti e maua e ia se fimalie.

Esaia 27:3

Ko au le Eteleno, ko lona tagata taupau : E kau fakavai a ia i temi fuli ; Ti e kau leoleo a ia i le ao mo le pouli, Ke aua na maumaui a ia e se tasi.

Esaia 64:2

I le aso na ke fai ai ni nea fakamanamana ala na leaise motou talitali ki ai, Na ke ifo mai loa, ti na sosolo loa a mauga i ou mua.

Selemia 14:21

Aua na ke fakalialia kia matou, o tupu ko lou suafa, Aua na ke tuku ke kelekele le ekeekeaga fakasau o lou kololia ! Aua na galo iate koe, aua na ke motusi lau sai mo matou !

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Esekiele 20:22

Kae na kau taofi loku lima, ti na kau gaoi o tupu ko loku suafa, ke aua na fakalialiai a ia i mua o puleaga ala na tio ki laku fakamavae latou i Esipito.

Esekiele 20:44

Ti e kotou iloa loa ko au ko le Eteleno, mo ka kau gaoi loa kia koutou, o tupu ko loku suafa, kae e leaise tupu ko akoutou agaveli ti mo akoutou gaoi fakalialia, ei fale o Iselaele ! e pati le Aliki, le Eteleno.

Esekiele 20:9

Kae na kau fakapoipoi ki loku suafa, o tupu ke aua na fakalialia a ia i mua o puleaga ala na lotou nonofo ai, ala na iloa ia laku fakapapau ke fakamavae latou i Esipito.

Mateo 10:16

Ko leinei, e kau kakau koutou ofaipe ni ovi ki loto malie o ni lupo. Kotou poto ofaipe ni gata, ti kotou agamalie ofaipe ni lupe tea.

Mateo 5:48

Koia ke kotou malie tukupau, ofaipe lokoutou Tamana i Selo leia e malie tukupau.

Mateo 6:9

Koia e tonu ai ke kotou faikole feneeki : Lomatou Tamana leia e nofo i le atu lagi ! Ke tapusa lou suafa ;

Soane 13:1

I mua o le Pasikate, i le iloa e Sesu kua soko lona ola ke mavae i le malama nei ki le Tamana, na alofa loa a ia kia latou ala na nonofo i le malama nei, ti na fakakatoa loa e ia lona alofa kia latou o kaku ki le gatoaga.

Soane 13:3

ti kua iloa e Sesu kua tuku e le Tamana a nea fuli ki ona lima, ti na au a ia mei le Atua, ti ka toe liliu a ia ki le Atua,

Soane 14:20

I le aso lena, e kotou iloa loa e kau nofo i loku Tamana, e kotou nofo iate au, ti e kau nofo ia koutou.

Soane 16:28

Na kau au mei le Tamana, ti na kau au ki le malama nei ; ko leinei e kau mavae i le malama nei, o ano ki le Tamana.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Soane 17:23

ko au ia latou, ti ko koe iate au, o tupu ke lotou liliu maoki ko se nea e tasi, ti ke iloa e le malama nei na ke kakau mai au, ti na ke alofa kia latou ofaipe lou alofa kiate au.

Soane 17:25

Tamana faitotonu, na leaise iloa a koe e le malama nei ; kae na kau iloa a koe, ti kua iloa e latou anei na ke kakau ia mai au.

Soane 17:6

Kua kau fakasa lou suafa ki tagata ala na ke soli mai kiate au mei loto malie o le malama nei. Ko tagata latou a au, ti na ke soli mai latou kiate au ; ti kua lotou fakalogo ki lau folafola.

Soane 7:33

Na pati loa Sesu : Koi kau nofo mo koutou i se ga temi ikiiki, ti e kau ano loa ki leia na kakau ia mai au.

Gaoi 3:21

leia e tonu ke tali e Selo o kaku ki aso o le toe fakafoou o nea fuli, leia na masau ki ai le Atua i le gutu o ana polofeta maokioki o le temi mua.

Loma 12:5

e tatau foki mo tatou, e tou toka api, ti e tou fau se tino e tasi ia Kilisito, ti e tou feaogaaki fuli, ofaipe ni koga tino e pipiki tasi.

Loma 9:17

Talie na pati le Tosi kia Falaone : Na kau fakatupu ia fua a koe ke fakasa iate koe loku mafimafi, ti ke fakasa ia loku suafa i le malama nei katoa.

Uluaki tosi ki le kau Kolinto 1:10

Koia, fetaina, e kau kole mamae atu kia koutou i le suafa o lotatou Aliki ko Sesu-Kilisito, ke kotou masau fuli ki se masau e tasi, ti ke aua na maua ni fakavaevaega ia koutou, kae ke kotou pipiki tasi i se loto e tasi, ti mo se fakakaukau e tasi.

Kalate 3:28

E leaise koi i ai se Sutea, pe ko se Keleka ; e leaise koi i ai se tagata popula pe lauatea ; e leaise koi i ai se tagata pe ko se fafine ; talie kua kotou liliu fuli ko se nea e tasi ia Sesu-Kilisito.

Efeso 4:4

E i ai se tino e tasi, mo se Laumalie e tasi, ofai foki pe koutou ala na kalagai ki se amanaki malie e tasi i lokoutou vokasio ;

Filipe 2:9

Koia foki leia na siki ai a ia e le Atua ke taualuga oki, ti na soli ai e ia kiate ia le igoa leia e taualuga ake i igoa fuli,

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 9:24

Talie na leaise ulu Kilisito ki se sagatualio leia na fau e lima o le tagata, leia ko le fakatata o le tapenakulo maoki, kae na ulu a ia ki le lagi totonu, o tupu ke fakafofoga e ia tatou i le temi nei i mua o le Atua.

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.

Uluaki tosi a Petelo 1:5

kia koutou ala kua taupau i le makeke o le Atua ki le tui ki le fakamauli leia kua teuteu ke fakasa i temi fakamuli !

Uluaki tosi a Soane 3:12

kae aua na tou faipe Kaino, leia na au mei leia e kaka, ti na tukipooi ia lona taina. Ti kolea na tukipooi ai e ia lona taina ? Talie na veli ana gaoi, kae na maokioki a gaoi o lona taina.

Uluaki tosi a Soane 5:19

E tou iloa ko tatou a le Atua, kae e malolo le malama nei katoa i le makeke o le Veli.

Suta 1:1

Suta, ko le tagata fakasausau a Sesu-Kilisito, ti ko le taina o Sakopo, kia latou ala kua kalagai, ala kua alofaina i le Atua ko le Tamana, ti kua taupau kia Sesu-Kilisito :

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.

Apokalipisi 19:12

Na fai ona mata pe se ula o se afi ; ti na teki i lona ulu ni pala mauke ; ti na maua e ia se igoa kua tosi, kae na leaise iloa a ia e se tasi, gato fai kiate ia totonu ;

Apokalipisi 4:8

Ko manu mauuli ana e fa na tasi mo ia ni kapakau e ono, ti na lotou apele i mata, i tafa mo loto. Na leaise lotou malolo i le ao mo le po i le pati : Maokioki, maokioki, maokioki le Aliki Atua, le Mafimafi, leia na agai, leia e agai nei, leia e au !