Soane 16:32 - Tosi Tapu

³² Ko leinei, e au le ola, ti kua au foki a ia, leia e kotou mavetevete ai loa, kae kotou tuku loa au toka tasi ; kae e leaise kau toka tasi, talie e nofo le Tamana mo au.

Soane 16:32 ပူးပေါင်းရင်းမြစ်များ

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Mateo 26:31

Ti na pati loa Sesu kia latou : I le po leinei e kotou tiaki fuli loa au ; talie e tuu i le tosi : E kau taai loa le tausi ovi, ti e mavetevete loa le kau ovi.

Mateo 26:56

Kae kua soko a nea fuli ana ke fakasoko ai a folafola ala na tosi e le kau polofeta. Ti na tiaki loa a ia e le kau tisipulo fuli, kae lotou fesolaki.

Maleko 14:27

Na pati loa Sesu kia latou : E kotou siga fuli loa ; talie kua tosi : E kau taai loa le tausi ovi, ti e mavetevete loa a ovi.

Maleko 14:50

Ti na tiaki loa a ia e ana tisipulo fuli, kae lotou fesolaki loa.

Soane 12:23

Na tali loa Sesu kia laua : Kua soko mai le aso leia e tonu ke fakakololia ai le Vosa o le tagata.

Soane 16:2

E lotou kapu loa koutou mei sinakoka ; ti e soko mai loa le ola, ko leia e tamate ia loa koutou e tui loa a ia ko lana gaoi malie a ia ki le Atua.

Soane 16:25

Na kau fakasa a nea ana kia koutou i ni folafola fakatata. Kae soko mai le ola leia e leaise kau toe masau atu loa kia koutou i ni folafola fakatata, kae e kau masau fakalauatea atu loa kia koutou ki le Tamana.

Soane 16:31

Na tali loa Sesu kia latou : E kotou tui i le lakaga nei.

Soane 19:27

Ti na pati loa a ia ki le tisipulo : Ko lena lou tinana. Ti talu mei le lakaga lena, na too loa a ia e le tisipulo i lona kaiga.

Soane 20:10

Ti na toe liliu loa le sa tisipulo ki lola kaiga.

Soane 4:21

Na pati loa Sesu kiate ia : Fafine, tui mai kiate au, kua soko mai le ola leia e leaise kotou toe atolasio ai loa ki le Tamana i le mauga leinei, pe ko Selusalemi.

Soane 4:23

Kae e au le ola, ti kua soko foki a ia, leia e atolasio ai loa le kau atolasio maoki ki le Tamana i le laumalie mo le maoki ; talie ko lena le kau atolasio leia e afa e le Tamana.

Soane 5:25

E maoki, e maoki, e kau pati atu kia koutou, e au le ola, ti kua soko foki a ia, e logo ai loa le kau mate ki le leo o le Alo o le Atua ; ti ko latou ala e logo loa ki ai e mauli loa.

Soane 5:28

Aua na kotou punamauli ki le nea lena ; talie e au le ola leia e logo ai loa latou fuli ala e nonofo i tanuma ki lona leo, ti e lotou ulu loa ki tafa.

Soane 8:16

Ti kapau e kau fakamaaui, e maoki laku fakamaau, talie e leaise kau toka tasi ; kae ko au mo le Tamana leia na kakau ia mai au.

Soane 8:29

Ko leia na kakau ia mai au e nofo mo au ; na leaise tuku e ia ke kau toka tasi ; talie e kau fai tuumau le nea leia e malie kiate ia.

Gaoi 21:6

Ti i le oki o lamatou tuku poloaki, na motou sopo loa ki le vaka, kae lotou toe liliu loa ki olatou kaiga.

Gaoi 8:1

Na loto malie Saulo ki le tamate o Setefano. Na i ai loa, i le aso lena, se fakaveliveli lasi ki le Ekelesia o Selusalemi ; ti na mavetevete loa le kakai katoa i le fenua o Sutea mo Samalia, kae nofo fai le kau apositolo.