Soane 16:30 - Tosi Tapu

³⁰ I leinei kua motou iloa papau e ke iloa a nea fuli, ti e leaise aoga ke fakavesilii a koe e se tasi ; koia kua motou tui ai na ke au mei le Atua.

Soane 16:30 ပူးပေါင်းရင်းမြစ်များ

Uluaki tosi o Sau 17:24

Ti na pati loa le fafine kia Elia : E kau iloa i le lakaga nei ko se tagata a koe a le Atua, ti e maoki le folafola a le Eteleno i lou gutu.

Soane 16:17

Koia na pati loa ni iki o ana tisipulo : Kolea le uiga o lana pati mai kia tatou, koi toe fua se ga temi ikiiki, ti e leaise kotou toe tio loa kiate au ; ti koi toe se tasi ga temi ikiiki, ti e kotou toe tio loa kiate au ? : talie e kau ano ki le Tamana ?

Soane 16:23

I le aso lena, e leaise kotou toe fakavesilii loa au ki se nea. E maoki, e maoki, e kau pati atu kia koutou, ko le nea leia e kotou kole loa ki le Tamana, e soli atu loa e ia a ia kia koutou i loku suafa.

Soane 16:26

I le aso lena e kotou kole loa i loku suafa, ti e leaise kau pati atu kia koutou e kau faikole loa ki le Tamana kia koutou ;

Soane 16:31

Na tali loa Sesu kia latou : E kotou tui i le lakaga nei.

Soane 17:8

Talie na kau soli kia latou a folafola ala na ke tuku mai kiate au ; ti kua lotou tali latou, ti kua lotou iloa papau na kau au meiate koe, ti kua lotou tui na ke kakau ia mai au.

Soane 2:11

Ko le uluaki milakulo loa a ia, leia na fai loa e Sesu i Kana i Kalilea. Na fakasa loa e ia lona kololia, ti na tui loa ana tisipulo kiate ia.

Soane 21:17

Na toe pati loa Sesu kiate ia, ko lona tua tolu a ia : Simone, vosa o Sonasi, pe ke alofa kiate au ? Ti na mamae ai Petelo i lana vesili tua tolu kiate ia : Pe ke alofa kiate au ? Ti na tali loa Simone Petelo kia Sesu : Aliki, e ke iloa a nea fuli, e kau alofa kiate koe. Na pati loa Sesu kiate ia : Fagai aku ovi fafine.

Soane 5:20

Talie e alofa le Tamana ki le Alo, o fakasa e ia kiate ia a nea fuli ala e fai e ia ; ti e fakasa loa e ia kiate ia ni gaoi lalasi ake i gaoi anei, o tupu ke kotou ofolele ai.

Soane 8:42

Na pati loa Sesu kia latou : Kanapau na koutou tamana ki le Atua, e kotou alofa loa kiate au, talie na kau au mei le Atua, ti ko ia leia na kakau ia mai au ki leinei ; na leaise kau au i loku loto faitalisa, kae ko ia leia na kakau ia mai au.

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.