Soane 16:23 - Tosi Tapu

²³ I le aso lena, e leaise kotou toe fakavesilii loa au ki se nea. E maoki, e maoki, e kau pati atu kia koutou, ko le nea leia e kotou kole loa ki le Tamana, e soli atu loa e ia a ia kia koutou i loku suafa.

Soane 16:23 ပူးပေါင်းရင်းမြစ်များ

Esaia 65:24

I mua o lalatou fetapa mai kiate au, E kau tali loa ; I mua o le tuku o lalatou masau, e kau tali loa.

Mateo 21:22

Ko nea fuli ala e kotou kole loa i le tui i le faikole, e kotou maua loa a ia.

Mateo 7:7

Kotou kole, ti e soli atu loa kia koutou ; kotou afa, ti e kotou maua loa ; kotou fitifiti, ti e fakamavaa atu loa kia koutou.

Soane 14:20

I le aso lena, e kotou iloa loa e kau nofo i loku Tamana, e kotou nofo iate au, ti e kau nofo ia koutou.

Soane 14:22

Ko Suta, leia e leaise ko le Isekaliote, na pati loa kiate ia : Aliki, kolea e ke fakasa ai loa a koe kia matou, kae leai ki le malama nei ?

Soane 14:5

Na pati loa Tomasi kiate ia : Aliki, e leaise motou iloa pe ke ano kifea ; ti e feaki loa ke motou iloa le ala ?

Soane 15:7

Kapau e kotou nonofo iate au, ti e nofo aku folafola ia koutou, kotou kole se nea fua leia e kotou loto loa ki ai, ti e soli atu loa a ia kia koutou.

Soane 16:19

Ko Sesu, i lana iloa e lotou fia fakavesilii a ia, na pati loa kia latou : E kotou fevesiliaki o uiga mo le nea leia na kau masau ki ai ! Koi toe fua se ga temi ikiiki, ti e leaise kotou toe tio loa kiate au ; ti e koi toe se tasi ga temi ikiiki, ti e kotou toe tio loa kiate au.

Soane 16:26

I le aso lena e kotou kole loa i loku suafa, ti e leaise kau pati atu kia koutou e kau faikole loa ki le Tamana kia koutou ;

Soane 16:30

I leinei kua motou iloa papau e ke iloa a nea fuli, ti e leaise aoga ke fakavesilii a koe e se tasi ; koia kua motou tui ai na ke au mei le Atua.

Efeso 2:18

talie iate ia, ko koutou mo matou, e tou maua se uluaga ki le Tamana i se Laumalie e tasi.

Uluaki tosi a Soane 2:1

Ei aku fanau liliki, e kau tosi atu a nea anei, o tupu ke aua na kotou agasala. Ti kapau na agasala se tasi, e tou maua se avoka i tafa o le Tamana, ko Sesu-Kilisito ko le tagata agatonu.