Soane 16:22 - Tosi Tapu

²² Ko koutou foki, e kotou nonofo i le aso nei i le mamae ; kae e kau toe tio loa kia koutou, ti e fiafia loa okoutou loto, ti e leaise too loa e se tasi lokoutou fiafia meia koutou.

Soane 16:22 ပူးပေါင်းရင်းမြစ်များ

Sopo 34:29

Kae i le tasi anoaga, kapau e leaise loto le Atua ke fai ia se nea, ko ai e fakalakasala ia a ia ? Ti kapau e mumuni a ia, ti ko ai e feala ke toe tio kiate ia ? E fai fakatatau e ia ki se puleaga, pe ko se tagata,

Pesalemo 146:2

E kau fakafetai loa ki le Eteleno i le lolotoga o loku mauli, E kau sua loa ki loku Atua i le temi katoa o loku mauli.

Pesalemo 33:21

Talie e fiafia omatou loto iate ia, Ti e motou fanaki ki lona suafa maokioki.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Mateo 28:8

Na la fakamamao fakatavili loa mei le tanuma, i se i ti mo se fiafia lasi, ti na la makape loa, o ave le logo ki le kau tisipulo.

Luka 10:42

kae ko le nea fai e tasi e aoga. Ti kua filifili e Malia le vaega malie, leia e leaise toe too loa iate ia.

Luka 16:25

Na tali loa Apalaamo : Ei laku fanau, manatui e koe na ke maua au nea malilie i le lolotoga o lou mauli, kae na maua e Lasalo a nea veveli i le lolotoga o lona mauli ; i le aso nei, kua fimalie a ia i leinei, kae ko koe, kua ke mamae.

Luka 19:26

E kau pati atu kia koutou, e soli loa ki leia e maua, kae ki leia e nofo noa e toe too loa mo le nea foki leia e maua e ia.

Luka 24:41

I le lasi o lolatou fiafia ti mo lolatou punamauli, na leaise lotou tui ko ia, ti na pati loa Sesu kia latou : Pe kotou maua i leinei se nea ke kai ?

Soane 14:1

Aua na mamae okoutou loto. Kotou tui ki le Atua, ti kotou tui foki kiate au.

Soane 14:19

Koi toe fua se ga temi ikiiki, ti e leaise toe tio loa le malama nei kiate au ; kae ko kotou, e kotou tio loa kiate au, talie e kau mauli, ti e kotou mauli loa mo koutou foki.

Soane 14:27

E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Soane 16:16

Koi toe fua se ga temi ikiiki, ti e leaise kotou toe tio loa kiate au ; ti e toe toe se tasi ga temi ikiiki, ti e kotou toe tio loa kiate au, talie e kau ano ki le Tamana.

Soane 16:20

E maoki, e maoki, e kau pati atu kia koutou, e kotou fetagisi loa ti e kotou lauga loa, kae e fiafia loa le malama nei : E kotou nonofo loa i le mamae, kae e fetogi loa lokoutou mamae o fiafia.

Soane 16:6

Kae o tupu ko laku fakasa kia koutou a nea ana, kua apele okoutou loto i le mamae.

Soane 21:7

Ti ko le tisipulo leia na alofa ki ai Sesu na pati loa kia Petelo : Ko le Aliki ! Ti ko Simone Petelo, i lana logo ko le Aliki, na tui loa lona kofu mo toi lona kilii pipi, talie na telefua a ia, o sopo ki le tai.

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Gaoi 13:52

kae na apele le kau tisipulo i le fiafia ti mo le Laumalie Maokioki.

Gaoi 16:25

I le vaeluapo, na faikole mo sua fakavikiviki ki le Atua a Paulo mo Silasi, ti na logo le kau pilisoni kia laua.

Gaoi 2:46

Na lotou fakatasi i aso fuli i le fale tapu, ti na lotou tofitofi le pane i olatou fale, ti na lotou too lalatou nea kai i le fiafia mo le loto faigaofie,

Gaoi 5:41

Ti na ano loa le kau apositolo mei mua o le fono lasi i le fiafia, talie kua lotou aoga ki le tali o lauveli o tupu ko le suafa o Sesu.

Lua tosi ki le kau Kolinto 6:10

ofaipe ni tagata e loto mamae, kae e ma fiafia tuumau ; ofaipe ni mativa, kae e ma fakakoloa ia le toka api ; ofaipe ni tagata e leaise maua ia ni nea, logo ai e ma maua a nea fuli.

Lua tosi ki le kau Tesalonika 2:16

Ko lotatou Aliki ko Sesu-Kilisito totonu, ti mo le Atua ko lotatou Tamana, leia na alofa kia tatou, ti na soli ia kia tatou i lona kalasia se fakapelepele lee gato ti mo se amanaki malie,

Epelo 10:34

Io, na kotou maua le manavaalofa kia latou ala na pilisoni, ti na kotou tali i le loto fiafia ke too o okoutou koloa, talie e kotou iloa e kotou maua loa ni koloa malilie tukupau mo tologa tuumau.

Epelo 6:18

o tupu, i nea ana e lua ala e leaise toe fetogi ti e leaise feala ke loi ai le Atua, ke tou maua se loto makeke lasi, e tatou ala ko lotatou mumuniaga e tasi ko le kukumi o le amanaki malie leia kua tuku mai kia tatou.

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,