Soane 16:20 - Tosi Tapu

²⁰ E maoki, e maoki, e kau pati atu kia koutou, e kotou fetagisi loa ti e kotou lauga loa, kae e fiafia loa le malama nei : E kotou nonofo loa i le mamae, kae e fetogi loa lokoutou mamae o fiafia.

Soane 16:20 ပူးပေါင်းရင်းမြစ်များ

Sopo 20:5

E toetoe fua le malo a le tagata agasala, Ti e leaise fualoa le fiafia a le tagata agaveli ?

Pesalemo 30:11

Fakalogo mai, Eteleno, alofa mai kiate au ! Eteleno, fakamauli au !

Pesalemo 30:5

Ke kotou sua ki le Eteleno, koutou ala e alofa kiate ia ! Ke kotou fakafetai kiate ia, o fakasa lona maokioki !

Pesalemo 97:11

E mu le malama ki le tagata agatonu, Ti mo le fiafia kia latou ala e loto sako.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Selemia 31:25

Talie e kau fakainu loa le laumalie e fia inu, Ti e kau fakamakona loa a laumalie fuli e gaegae.

Mateo 21:38

Kae i le tio a le kau tagata faivite ki le vosa, na lotou pati loa : Ko leinei le vosa leia e tonu ke maua ia le tofiga ; kotou au, tou tamate a ia, kae tou maua loa lona tofiga.

Mateo 5:4

Manuia latou ala e loto mamae, talie e fakapelepelei loa latou !

Maleko 14:72

I le lakaga fai lena, na koukoua loa se moatoa, ko le tua lua loa a ia. Ti na manatui loa e Petelo le folafola leia na fai e Sesu kiate ia : I mua o le koukoua tua lua o le moatoa, kua ke fakafiti tua tolu loa kiate au. Ti i lana manatu ki ai, na tagi loa a ia.

Maleko 16:10

Ti na ano loa a ia o ave le logo kia latou ala na nonofo mo Sesu, ti na mamae mo tagi.

Luka 22:45

I le oki o lana faikole, na tuu loa a ia ki aluga, o au ki ana tisipulo, ala na maua mai loa e ia kua tulemomoe i le mamae,

Luka 22:62

Ti na ulu loa Petelo ki fafo, o tagi mamae.

Luka 23:27

Na mulimuli iate ia se kakai toka api ai ti mo ni fafine ala na pa ia olatou fatafata, o tagi laulau kiate ia.

Luka 24:17

Na pati loa Sesu kia laua : Koa nea ala e kolua masau ki ai ? Ti na la tutuu loa, o mata mamae ai.

Luka 24:21

Na motou fanaki ko ia leia ka fakamauli ia loa Iselaele ; kae mo nea fuli ana, ko le tolu leinei o aso mei le oki o nea ana.

Luka 6:21

Manuia koutou ala e fia kai i le lakaga nei, talie e kotou makokona loa ! Manuia koutou ala e tagi i le lakaga nei, talie e kotou fiafia loa !

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Soane 16:6

Kae o tupu ko laku fakasa kia koutou a nea ana, kua apele okoutou loto i le mamae.

Soane 20:20

Ti oki lana pati a ia, na fakasa loa e ia kia latou ona lima mo lona vakavaka. Ti na fiafia loa le kau tisipulo i lalatou tio ki le Aliki.

Gaoi 5:41

Ti na ano loa le kau apositolo mei mua o le fono lasi i le fiafia, talie kua lotou aoga ki le tali o lauveli o tupu ko le suafa o Sesu.

Loma 5:11

E leaise gato fua i ai, kae e tou fiafia foki i le Atua i lotatou Aliki ko Sesu-Kilisito, leia kua tou maua ai le fakatokatoka i le temi nei.

Lua tosi ki le kau Kolinto 6:10

ofaipe ni tagata e loto mamae, kae e ma fiafia tuumau ; ofaipe ni mativa, kae e ma fakakoloa ia le toka api ; ofaipe ni tagata e leaise maua ia ni nea, logo ai e ma maua a nea fuli.

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Uluaki tosi ki le kau Tesalonika 1:6

Ti ko koutou totonu, na kotou faifaitaki mai kiate au, ti mo le Aliki, o kotou tali le folafola i ni mamae lasi ai, mo le fiafia o le Laumalie Maokioki,

Sakopo 1:2

Ei oku fetaina, ke kotou tio ki asiasii kesekese ala e feala ke kotou felavei ia ofaipe se fiafia lasi,

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,

Apokalipisi 11:10

Ti e fiafia loa le kakai o le malama nei i le mate o tagata ana e toka lua, ti e lotou fiafia lasi loa, o feaveaki alatou nea alofa, talie na fakamamaei a kakai o le malama nei e polofeta ana e toka lua.

Apokalipisi 18:7

Kotou soli kiate ia ni mamae mo ni malaia ke tatau mo lona kololia ti mo lona koloa. Talie e pati a ia i lona loto : E kau ekeeke i leinei ko le fafine aliki, e leaise kau iloa ia le mauli lokonui, ti e leaise kau iloa ia le mamae !