Soane 16:13 - Tosi Tapu

¹³ Ka au loa le Fakapelepele, le Laumalie o le maoki, e taki loa e ia koutou i le maoki katoa ; talie e leaise masau loa a ia meiate ia totonu, kae e fakasa loa e ia a nea fuli ala e logo loa a ia ki ai, ti e fakasa fakatomua loa e ia kia koutou a nea ka soko mai.

Soane 16:13 ပူးပေါင်းရင်းမြစ်များ

Esaia 11:2

E nofo loa le Laumalie o le Eteleno iate ia : Laumalie o le poto mo le atamai, Laumalie o le tokoi mo le makeke, Laumalie o le iloa mo le i ki le Eteleno.

Soele 2:28

I le oki o le nea lena, e kau liligi loa loku Laumalie ki kanofi fuli ; E kikite loa okoutou vosa mo okoutou taineliki, E fai loa e okoutou matua ni moe miti, Ti mo okoutou tagata tupulaga ni tio.

Soane 12:49

Talie na leaise kau masau iate au totonu ; kae ko le Tamana, leia na kakau ia mai au, na fakatotonu mai kiate au le nea leia e tonu ke kau fakasa, ti mo le nea leia e tonu ke kau akonaki ki ai.

Soane 14:17

le Laumalie o le maoki, leia e leaise feala ke tali e le malama nei, talie e leaise tio a ia kiate ia ti e leaise iloa e ia a ia ; kae ko koutou, e kotou iloa a ia, talie e nofo a ia mo koutou, ti e nofo loa a ia ia koutou.

Soane 14:26

Kae ko le Fakapelepele, le Laumalie Maokioki, leia e kakau mai loa e loku Tamana i loku suafa, e ako ia loa kia koutou a nea fuli, ti mo fakamanatu atu loa kia koutou a nea fuli ala kua kau fakasa atu kia koutou.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 15:26

Ka au loa le Fakapelepele, leia e kau kakau mai loa kia koutou mei le Tamana, le Laumalie o le maoki, leia e au mei le Tamana, e fakamaoki loa a ia kiate au ;

Soane 16:12

Koi lasi ai a nea ala e kau fia fakasa atu kia koutou, kae e leaise mafai ke kotou amo latou i le temi nei.

Soane 3:32

e fakamaoki a ia ki nea ala na tio a ia mo logo ki ai, ti e leaise tali fua e se tasi lana fakamaoki.

Soane 8:38

E kau pati ki le nea leia na kau tio ki ai i loku Tamana ; ti ko koutou, e kotou fai le nea leia na kotou logo ki ai mei lokoutou tamana.

Gaoi 11:28

Ko se tasi o latou na igoa ko Akapusi, na tuu loa ki aluga o fakasa i le Laumalie, e to loa se oge lasi i le malama nei katoa. Ti na to loa le oge lena i le temi o Kolote, sau o le kau Loma.

Gaoi 20:23

Kae ko leinei, kua fakamaoki kiate au le Laumalie Maokioki, e talitali mai loa kiate au ni sai mo ni mamae i kolo fuli.

Gaoi 27:24

o pati mai kiate au : Paulo, aua na ke i, talie e tonu ke ke tuu i mua o Sesale, ti ko leinei, kua soli atu e le Atua kiate koe le mauli o latou fuli ala e folau mo koe.

Lua tosi ki le kau Tesalonika 2:12

ti ke tautea ai latou fuli ala na leaise tui ki le maoki, kae na fiafia ki le lee agatonu.

Lua tosi ki le kau Tesalonika 2:3

Ke aua na kakai koutou e se tasi i se nea fua ; talie e tonu ke soko le aposetasia i mua ti ke fakasa le tagata o le agasala, ko le vosa o le malaia,

Epelo 1:1

I mua, na masau le Atua i ni temi kesekese ti mo ni fai kesekese ki otatou tamana i le kau polofeta,

Uluaki tosi a Soane 2:20

Kia koutou, kua kotou maua le Laumalie Maokioki mei leia e maokioki, ti kua kotou iloa fuli le maoki.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.

Uluaki tosi a Soane 4:6

Ko tatou, e tou kau ki le Atua ; ko leia e iloa ia le Atua, e logo a ia kia tatou ; ko leia e leaise kau ki le Atua, e leaise logo a ia kia tatou : I le nea lena e tou iloa ai le Laumalie o le maoki ti mo le laumalie o le sese.

Uluaki tosi a Soane 5:6

Ko ia, Sesu-Kilisito, leia na au mo le vai ti mo le toto ; leai mo le vai fuai, kae mo le vai ti mo le toto ; ti ko le Laumalie leia e fakamaoki, talie ko le Laumalie ko le maoki a ia.

Apokalipisi 1:1

Fakasa o Sesu-Kilisito, leia na tuku e le Atua kiate ia ke fakailo ki ana tagata fakasausau a nea ala e tonu ke soko vave, ti na fakailo e ia, i le kakau o lana aselo, ki lana tagata fakasausau ko Soane ;

Apokalipisi 1:19

Tosi le nea leia kua ke tio ki ai, le nea leia e soko nei, ti mo le nea leia e tonu ke soko ki muli.