Soane 15:7 - Tosi Tapu

⁷ Kapau e kotou nonofo iate au, ti e nofo aku folafola ia koutou, kotou kole se nea fua leia e kotou loto loa ki ai, ti e soli atu loa a ia kia koutou.

Soane 15:7 ပူးပေါင်းရင်းမြစ်များ

Uluaki tosi o Sau 3:5

I Kapaone, na sa loa le Eteleno i se moe kia Salomone i le pouli, ti na pati loa le Atua kiate ia : Kole mai le nea leia e ke loto ke kau soli atu kiate koe.

Sopo 22:26

Ti e ke fai loa ki le Mafimafi lou fiafiaaga, Ti e ke siki loa kiate ia ou mata.

Sopo 23:12

Na leaise kau tiaki a lao o ona laugutu ; Na kau peluki loku loto ki folafola o lona gutu.

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Pesalemo 37:4

Ke ke fai ki le Eteleno lou fiafiaaga lasi, Ti e soli atu loa e ia kiate koe le nea leia e oli ki ai lou loto.

Taagapati 10:24

Ko le nea leia e tuania ia e le tagata agaveli, e soko kiate ia ; Kae e tuku ki le kau agatonu le nea leia e lotou oli ki ai.

Taagapati 4:4

I le temi lena, na ako e ia au, ti na pati a ia kiate au : Ke fakamaumau e lou loto aku masau ; Taupau aku pelesepeto, ti e ke mauli loa.

Esaia 58:8

Ti e sa loa lou malama ofaipe le mafoata, Ti e somo vave loa lou fakamauli ; E saele loa lau faitotonu i ou mua, Ti e ano loa le kololia o le Eteleno mo koe.

Selemia 15:16

Na kau tali au folafola, ti na kau kai latou ; Ko au folafola ko le fiafiaaga mo le nekenekeaaga o loku loto ; Talie kua kalagai lou suafa kiate au, Eteleno, Atua o kau tau !

Mateo 7:7

Kotou kole, ti e soli atu loa kia koutou ; kotou afa, ti e kotou maua loa ; kotou fitifiti, ti e fakamavaa atu loa kia koutou.

Soane 14:13

ti ko nea fuli ala e kotou kole loa i loku suafa, e kau fai loa latou, o tupu ke fakakololia le Tamana i le Alo.

Soane 15:16

E leaise ko koutou ala na filifili ia au ; kae ko au, kua kau filifili koutou, ti kua kau fakanofo koutou, o tupu ke kotou ano, ti ke kotou maua se fua, ti ke tologa lokoutou fua, o tupu ko nea fuli ala e kotou kole loa ki loku Tamana i loku suafa, ke soli atu e ia kia koutou.

Soane 16:23

I le aso lena, e leaise kotou toe fakavesilii loa au ki se nea. E maoki, e maoki, e kau pati atu kia koutou, ko le nea leia e kotou kole loa ki le Tamana, e soli atu loa e ia a ia kia koutou i loku suafa.

Soane 8:31

Ti na pati loa a ia ki le kau Sutea ala na tui kiate ia : Kapau e kotou nonofo mau i laku folafola, ti ko aku tisipulo maoki koutou ;

Soane 8:37

E kau iloa ko le sakoga koutou o Apalaamo ; kae e kotou afa ke kotou tamate au, talie e leaise ulu laku folafola ia koutou.

Kalate 4:2

talie e fakalogo a ia ki le kau tagata fai sekola mo le kau tagata taupau koloa, o kaku ki le temi leia kua fakatuutuu e lona tamana.

Kalate 5:16

Koia e kau pati atu ai : Kotou saele i le Laumalie, ti e leaise kotou fakasoko ia loa a oli o le kanofi.

Tetelonome 6:6

Ti ke nofo loa i lou loto a folafola anei ala e kau tuku atu kiate koe i le aso nei.

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Uluaki tosi a Soane 2:14

Na kau fai tosi atu kia koutou, tamana, talie na kotou iloa leia na agai talu mei le kamataaga. Na kau fai tosi atu kia koutou, kau tupulaga, talie e kotou makeke, ti e nofo le folafola a le Atua ia koutou, ti na kotou malo i leia e agaveli.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.

Uluaki tosi a Soane 3:22

Ti ko se nea fua leia e tou kole, e tou maua a ia meiate ia, talie e tou fai ana fakatotonu, ti e tou fai le nea leia e malie kiate ia.

Uluaki tosi a Soane 5:14

E tou maua i ona mua le loto toa leinei, kapau e tou kole se nea o mulimuli ki lona finegalo, e fakalogo mai a ia kia tatou.