Soane 15:6 - Tosi Tapu

⁶ Kapau e leaise nofo se tasi iate au, e tiaki a ia ki fafo ofaipe le laa vite, ti e malo a ia ; ti e tanaki a ia o ti ki le afi, ke ulaula i ai.

Soane 15:6 ပူးပေါင်းရင်းမြစ်များ

Lua tosi a Samuele 23:7

Ko leia e fafa kia latou e tonu ke too e ia se ukamea pe ko se laakau loa, Ti e tutu e ia latou ki le afi i le ganea lena.

Sopo 15:30

E leaise sao loa a ia mei le fakapouli o le mate, Ti e tutu loa e le afi ona uli, Kae e tamate loa a ia e le Atua ki le tukumanava o lona gutu.

Pesalemo 80:15

Ei Atua o kau tau, toe liliu mai ! Tagaki mei lagi, o tio ! Fai se nea ki le vite leinei !

Esaia 14:19

Kae ko koe, kua ti a koe o mamao i lou tanuma, Ofaipe se toe leia na vilo kua fakalialia, Ofaipe ni tino o ni iki na motumotu i le seleta, Ti na tiaki fakaveliveli ki fatu o le kau ala, Ofaipe se mate na takatakafi e vae i le tau.

Esaia 27:10

Talie kua tuu toka tasi le kolo tau, Ti kua liliu a ia ko se nofoaga kua tiaki noa mo lavaki ofaipe se toafa ; E kai mutie i ai le uviki pipi, e moe a ia i ai, ti e kai lau laakau a ia i ai.

Esekiele 17:9

Ke ke pati : E folafola le Aliki, le Eteleno, o pati : Pe tupu malie loa le vite lena ? Pe leaise taaki loa e le uluaki Akuila ona aka, pe leaise motumotusi loa e ia ona fua, ke tupu ai sona gae, ti ke gini ai ona lau fuli ala na sosomo ? Ti e leaise aoga loa se makeke lasi pe ko se kakai toka api ke taaki ia ona aka.

Mateo 13:41

E kakau loa e le Vosa o le tagata ana aselo, ke lotou taaki i lona Puleaga a nea fuli ala e fakatupu veli ti mo latou ala e fai ia a aga fakalialia :

Mateo 27:5

Na ti loa e Sutasi a fa paaga siliva ki le fale tapu, ti na mavae loa a ia o ano, o nonoa lona ua ke tautau.

Mateo 3:10

Kua tuu foki le toki i le aka o laakau : ko laakau fuli e leaise fua ki ni fua malilie e tuuti loa o ti ki le afi.

Mateo 7:19

Ko laakau fuli ala e leaise tupu i ai ni fua malilie e tuuti loa, o ti ki le afi.

Soane 15:2

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Epelo 10:27

kae ko se talitali fakaii ki le fakamaau ti mo se afi kaka leia e tutu ia loa le kau fili o le Atua.

Lua tosi a Petelo 2:20

Koia, kapau i le oki o lolatou mavae mei nea kelekele o le malama nei, o tupu kua lotou iloa le Aliki mo le Fakamauli ko Sesu-Kilisito, e lotou toe tuku loa a nea ana ke toe too ia latou, ti ke toe malo ia latou, e toe veli ake loa lolatou mauli fakamuli i le uluaki.

Uluaki tosi a Soane 2:19

Na lotou malaga ki aluga mei loto malie o tatou, kae na leaise lotou kau ia tatou ; talie kapau na lotou kau ia tatou, na lotou nonofo loa mo tatou, kae na soko le nea lena, o tupu ke fakasa ai e leaise lotou kau fuli ia tatou.

Apokalipisi 20:15

Ko leia na leaise maua kua tosi i le tosi o le mauli, na ti loa a ia ki le tai afi.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.