Soane 15:5 - Tosi Tapu

⁵ Ko au ko le tafito vite, ko koutou ko laa vite. Ko leia e nofo iate au, ti e kau nofo iate ia, e fua a ia o lasi, talie ka sala mo au e leaise kotou mafai se nea.

Soane 15:5 ပူးပေါင်းရင်းမြစ်များ

Taagapati 11:30

Ko le fua o le tagata agatonu ko se laakau o le mauli, Ti ko leia e fakamauli ia ni laumalie e poto.

Oseo 4:8

E lotou kai a agasala o loku kakai, E lotou oli mamae ai ki ana agaveli.

Mateo 13:21

Kae e leaise maua e ia ni aka iate ia totonu, ti e leaise kataki fualoa a ia, ti ka soko mai fai se fakafesagai pe ko se fakaveliveli o tupu ko le folafola, e maua e ia i ai se faigamalie ke siga.

Soane 12:24

E maoki, e maoki, e kau pati atu kia koutou, kapau e leaise vilo le fuai fulumeto ki le kele o pala, e nofo toka tasi a ia ; kae kapau e pala a ia, e fua a ia o lasi ai.

Soane 15:16

E leaise ko koutou ala na filifili ia au ; kae ko au, kua kau filifili koutou, ti kua kau fakanofo koutou, o tupu ke kotou ano, ti ke kotou maua se fua, ti ke tologa lokoutou fua, o tupu ko nea fuli ala e kotou kole loa ki loku Tamana i loku suafa, ke soli atu e ia kia koutou.

Soane 5:19

Ti na toe masau loa Sesu kia latou, o pati : E maoki, e maoki, e kau pati atu kia koutou, e leaise feala ke fai e le Alo se nea iate ia totonu, e fai e ia le nea leia e tio a ia e fai e le Tamana ; ti ko nea fuli ala e fai e le Tamana, e toe fai foki e le Alo.

Soane 9:33

Kapau na leaise au le tagata lena mei le Atua, na leaise mafai fua e ia se nea.

Gaoi 4:12

E leaise fakamauli i se tasi kese, talie e leaise se tasi ake igoa i le lalo lagi nei kua soli ki le tagata, leia e tonu ke tou mauli ai.

Loma 12:5

e tatau foki mo tatou, e tou toka api, ti e tou fau se tino e tasi ia Kilisito, ti e tou feaogaaki fuli, ofaipe ni koga tino e pipiki tasi.

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Loma 7:4

Koia, ei oku fetaina, ko koutou foki, kua kotou mamate, i le tino o Kilisito, ki nea o le lao, o tupu ke kotou fakalogo ki se tasi ake, ki leia kua toe tuuake mei le kau mate, talie ke tou maua ni fua ki le Atua.

Uluaki tosi ki le kau Kolinto 10:16

Ko le ipu o le tapuakina leia e tou tapuakii, pe leaise ko le komunio a ia ki le toto o Kilisito ? Ti ko le pane leia e tou tofitofi, pe leaise ko le komunio a ia ki le tino o Kilisito ?

Uluaki tosi ki le kau Kolinto 12:12

Talie, ofaipe le tino e tasi kae maua e ia ni koga tino mauke, ti ko koga tino fuli o le tino, logo ai lolatou mauke, kae lotou fau se tino e tasi : e tatau foki mo Kilisito.

Uluaki tosi ki le kau Kolinto 12:27

Ko le tino koutou o Kilisito, ti ko ona koga tino koutou taki toka tasi.

Lua tosi ki le kau Kolinto 13:8

Talie e leaise ma maua se makeke ke agatuu ki le maoki ; kae ke kau fakatasi mo le maoki.

Lua tosi ki le kau Kolinto 9:10

Ko leia E soli ia se fakaili ki le tagata gaoi kele, Ti mo se pane ki lana nea kai, E soli ia loa kia koutou ti mo liuliuga ia loa kia koutou le fakaili, ti e fakalasi loa e ia a fua o akoutou gaoi malilie fuli.

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Efeso 5:9

Talie ko le fua o le malama ko agamalie fuli, mo faitotonu fuli, ti mo maoki.

Filipe 1:11

ti ke kotou apele i le fua o le maokioki leia ia Sesu-Kilisito, ke kotou fakakololia ai mo fakavikiviki ai ki le Atua.

Filipe 4:13

E kau mafai a nea fuli i leia e fakamakeke ia au.

Filipe 4:17

E leaise kau afa ni nea alofa, kae e kau afa le fua leia e fakalasi ia okoutou kau pepa.

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,

Kolose 1:6

Kua kaku atu a ia kia koutou, ti mo le malama nei katoa ; ti kua fua a ia, ti kua mafola a ia, o fai foki pe koutou, talu mei le aso leia na kotou logo ai mo iloa ai le kalasia o le Atua i le maoki,

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.

Uluaki tosi a Petelo 2:4

Kotou fakafeofi kiate ia, ko le fatu mauli, leia kua tiaki maoki e tagata, kae kua filifili e le Atua, ti e mauiga kiate ia ;

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !