Soane 15:24 - Tosi Tapu

²⁴ Kanapau na leaise kau fai i lotolotoga o latou ni gaoi ala na leaise fai e se tasi, e leaise sa loa lalatou agasala ; kae ko leinei kua lotou tio kia latou, ti kua lotou vesia kiate au mo loku Tamana.

Soane 15:24 ပူးပေါင်းရင်းမြစ်များ

Pesalemo 81:15

I se kemo o le mata, e kau fakaluma ia loa olatou fili, E kau fakamaliu loa loku lima kia latou ala e vesia kia latou.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Taagapati 8:36

Kae ko leia e agasala kiate au, E fai ia le veli ki lona laumalie ; Ko latou fuli ala e vesia kiate au e alofa ki le mate.

Mateo 11:5

Kua tio a kivi, kua saele a vae kito, kua mauli a kilia, kua logo a tuli, kua tuu ake a mate, ti kua fakasa le logo malie ki le kau mativa.

Mateo 21:32

Talie na au Soane kia koutou i le ala o le faitotonu, ti na leaise kotou tui kiate ia. Kae na tui kiate ia le kau popelikano mo fafine faiaga ; ti ko koutou, ala na tio ki le nea lena, na leaise kotou fakasemala o tui kiate ia.

Mateo 9:33

I le oki o le kapu o le temonio, na masau loa le gutu mate. Ti na ofolele loa le kakai, o pati : E leikiaise sa se nea feneeki i Iselaele i se aso.

Maleko 2:12

I le lakaga fai lena, na tuu ake loa le tagata palalisia ki aluga, o too lona palepale, ti na ulu loa a ia ki fafo kae nofoaki le kakai fuli : Ti na lotou ofolele fuli ai, ti na lotou fakakololia loa ki le Atua, o pati : Na leikiaise motou tio ki se nea feneeki i se aso !

Luka 24:19

Ti na la tali loa kiate ia : Le nea leia na soko kia Sesu mei Nasaleti, leia ko se polofeta makeke i gaoi mo masau i mua o le Atua ti mo mua o le kakai katoa,

Soane 10:32

Na pati loa Sesu kia latou : Kua lasi a gaoi malilie kua kau fakatio koutou ki ai mei loku Tamana : ko le gaoi fea leia e kotou tuki fatui ai au ?

Soane 10:37

Kapau e leaise kau fai a gaoi a loku Tamana, aua na kotou tui mai kiate au.

Soane 12:10

Na fono loa le kau pule faisakilifisio ke tamate foki mo Lasalo,

Soane 12:45

Ti ko leia e tio kiate au, e tio a ia ki leia na kakau ia mai au.

Soane 14:9

Na pati loa Sesu kiate ia : Kua fualoa ai laku nofo mo koutou, kae leaise ke iloa aifai a au, Filipo ! Ko leia kua tio kiate au kua tio a ia ki le Tamana ; e feaki e ke pati ai : Fakasa mai kia matou le Tamana ?

Soane 15:21

Kae e lotou fai loa kia koutou a nea fuli ana o tupu ko loku suafa, talie e leaise lotou iloa leia na kakau ia mai au.

Soane 15:22

Kanapau na leaise kau au ti kanapau na leaise kau masau kia latou, na leaise lotou maua loa se agasala ; kae i le lakaga nei e leaise lotou maua fua se nea ke kofu ai lalatou agasala.

Soane 15:23

Ko leia e vesia kiate au, e vesia foki a ia ki loku Tamana.

Soane 16:9

O uiga mo le agasala, talie e leaise lotou tui kiate au ;

Soane 3:2

leia na au loa kia Sesu i le pouli, o pati kiate ia : Pule, e motou iloa ko se toketa a koe na au mei le Atua ; talie e leaise tasi e fai ia a milakulo ana e ke fai, mo kapau e leaise nofo le Atua iate ia.

Soane 5:36

Ko au, e kau maua se fakamaoki leia e lasi ake i le fakamaoki a Soane ; talie ko gaoi ala na tuku mai e le Tamana ke kau fakasoko, a gaoi anei e kau fai, e fakamaoki kiate au ko le Tamana totonu leia na kakau ia mai au.

Soane 6:36

Kae na kau pati atu kia koutou, kua kotou tio kiate au, kae e leaise kotou tui fua.

Soane 7:31

Na tui loa se toka api o le kakai kiate ia, ti na lotou pati : Ko le Kilisito, ka au loa a ia, pe fai loa e ia ni milakulo o lasi ake i la e fai e ia leinei ?

Soane 9:32

Talu mei le kamataaga o le malama nei e leikiaise logo fua kua fakaala ia e se tasi a mata o se tagata na tupu kivi.

Soane 9:41

Na tali loa Sesu kia latou : Kanapau na kotou kivi, e leaise kotou maua loa se agasala. Kae i le lakaga nei e kotou pati : E motou tio, koia e tuumau ai lakoutou agasala.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 2:22

Tagata Iselaele, kotou fakalogo mai ki folafola anei ! Ko Sesu mei Nasaleti, le tagata lena kua fakamaoki ki ai le Atua i okoutou mua ki ni milakulo, mo ni nea fakaofolele, ti mo ni fakamailoga ala na fai e le Atua iate ia i lotolotoga o koutou, ofaipe lakotou iloa, e koutou totonu ;

Loma 1:30

Ko latou ko nea gutu mumusu, mo fatufatu, mo vesia ki le Atua, mo fakamakeke, mo fia sa, mo viki tonu, mo fakatupu veli, mo patigataa ki matua, mo sala atamai,

Tetelonome 5:9

Ke aua na ke punou loa i mua o nea ana, ti aua na ke tausi loa kia latou ; talie ko au ko le Eteleno, lou Atua, ko au ko se Atua finenonofo, leia e tautea ia le agasala a tamana ki vosa o kaku ki le tolu mo le fa o tautupu o latou ala e vesia kiate au,

Lua tosi kia Timoteo 3:4

mo fakapapau loi, mo loto oso, mo makita i le fia nealasi, mo alofa ki fiafia fakamalama o lasi ake i le Atua ;

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.