Soane 15:22 - Tosi Tapu

²² Kanapau na leaise kau au ti kanapau na leaise kau masau kia latou, na leaise lotou maua loa se agasala ; kae i le lakaga nei e leaise lotou maua fua se nea ke kofu ai lalatou agasala.

Soane 15:22 ပူးပေါင်းရင်းမြစ်များ

Esekiele 2:5

Logo ai pe lotou fakalogo, pe leaise lotou fakalogo, talie ko se famili fakatutuu latou, e lotou iloa loa e i ai se polofeta i lotolotoga o latou.

Luka 12:46

e au loa le pule o le tagata fakasausau lena i le aso leia e leaise amanaki a ia ki ai ti mo le ola leia e leaise iloa e ia, ti e maumaui loa e ia a ia, o soli kiate ia lona vaega mo le kau agaveli.

Soane 12:48

Ko leia e tiaki ia au ti e leaise tali ia aku folafola e maua e ia lona tui fakamaau ; ko le folafola leia na kau fakasa, ko ia leia e fakamaaui ia loa a ia i le aso fakamuli.

Soane 15:23

Ko leia e vesia kiate au, e vesia foki a ia ki loku Tamana.

Soane 15:24

Kanapau na leaise kau fai i lotolotoga o latou ni gaoi ala na leaise fai e se tasi, e leaise sa loa lalatou agasala ; kae ko leinei kua lotou tio kia latou, ti kua lotou vesia kiate au mo loku Tamana.

Soane 16:9

O uiga mo le agasala, talie e leaise lotou tui kiate au ;

Soane 19:11

Na tali loa Sesu : E leaise ke maua loa se pule kiate au, mo kanapau na leaise tuku atu a ia kiate koe mei aluga. Koia ko leia e tuku ia au kiate koe e fai ia se agasala lasi ake.

Soane 9:41

Na tali loa Sesu kia latou : Kanapau na kotou kivi, e leaise kotou maua loa se agasala. Kae i le lakaga nei e kotou pati : E motou tio, koia e tuumau ai lakoutou agasala.

Gaoi 17:30

Kae na leaise fakaaoga e le Atua a temi ala na nofo ai a tagata i le fakapouli, kae kua fakasa e ia i le temi nei ki tagata fuli i ganea fuli, e tonu ke lotou fakasemala,

Loma 1:20

Koia, kua lotou tio mata ai ki malilie fakapulipuli o le Atua, mo lona mafimafi, mo lona natula fakaatua, talu mei le kamataaga o le malama nei, mo kapau e lotou tio ki ana gaoi. Koia e leaise lotou maua ai se solaaga.

Loma 2:1

Ei tagata, ko ai a koe, a koe leia e fakamaau, e leaise ke sao loa ; talie, i lau fakamaaui ala ake, e ke fakamaaui a koe totonu, talie ko koe leia e fakamaaui e toe fai ia a nea ana.

Sakopo 4:17

Koia ko leia e iloa ia le fai o le nea leia e malie, kae e leaise fai e ia a ia, e fai e ia se agasala.

Uluaki tosi a Petelo 2:16

Kotou faipe ni tagata lauatea ; kae ke aua na kotou fakaaoga lokotou lauatea ofaipe se kie ke uufi ai lakoutou agaveli, kae ke kotou faipe ni tagata fakasausau a le Atua.