Soane 15:21 - Tosi Tapu

²¹ Kae e lotou fai loa kia koutou a nea fuli ana o tupu ko loku suafa, talie e leaise lotou iloa leia na kakau ia mai au.

Soane 15:21 ပူးပေါင်းရင်းမြစ်များ

Pesalemo 69:7

Ko latou ala e tuku lalatou amanaki malie kiate koe, ke aua na luma o tupu ko au, Aliki, Eteleno o kau tau ! Ko latou ala e afa ia a koe, ke aua na luma o tupu ko au, Atua o Iselaele !

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Mateo 10:18

e taki loa koutou, o tupu ko au, ki mua o ni kovana, ti mo ni sau, ke kotou liliu ko ni fakamaoki kia latou ti mo le kau pagani.

Mateo 10:22

E vesiainai loa koutou e le kakai fuli, o tupu ko loku suafa ; kae ko leia e kataki fualoa loa o kaku ki le fakaoki e saofaki loa.

Mateo 10:39

Ko leia e taupau ia loa lona mauli e fakapuli noa ia loa a ia, ti ko leia e fakapuli noa ia loa lona mauli o tupu ko au e toe maua ia loa a ia.

Mateo 24:9

Ti e tuku loa koutou ke tautea, mo tamate, ti e vesiainai loa koutou e puleaga fuli, o tupu ko loku suafa.

Mateo 5:11

Manuia loa koutou, mo ka pativelii loa koutou, mo ka fakavelivelii loa koutou pe lau loa kia koutou a veli kesekese, o tupu ko au.

Maleko 13:13

E vesiainai loa koutou e kakai fuli, o tupu ko loku suafa, kae ko leia e kataki fualoa loa o kaku ki le fakaoki e saofaki loa.

Luka 21:12

Kae, i mua o nea fuli ana, e too loa koutou, ti e fakavelivelii loa koutou ; e ave loa koutou ki ni sinakoka, e laku loa koutou ki ni pilisoni, e ave loa koutou ki mua o ni sau mo ni kovana o tupu ko loku suafa.

Luka 21:17

E vesiainai loa koutou e tagata fuli, o tupu ko loku suafa.

Luka 6:22

Manuia loa koutou mo ka e vesia loa a tagata kia koutou, mo ka e kapu loa koutou, mo ka e lauveli loa kia koutou, ti mo tiaki loa okoutou igoa, o tupu ko le Vosa o le tagata !

Soane 15:24

Kanapau na leaise kau fai i lotolotoga o latou ni gaoi ala na leaise fai e se tasi, e leaise sa loa lalatou agasala ; kae ko leinei kua lotou tio kia latou, ti kua lotou vesia kiate au mo loku Tamana.

Soane 16:3

Ti e lotou fai loa a nea ana kia koutou, talie na leaise lotou iloa le Tamana, pe ko au.

Soane 17:25

Tamana faitotonu, na leaise iloa a koe e le malama nei ; kae na kau iloa a koe, ti kua iloa e latou anei na ke kakau ia mai au.

Soane 8:19

Na lotou pati loa kiate ia : Kofea lou Tamana ? Na tali loa Sesu : E leaise kotou iloa fua au, pe ko loku Tamana. Kanapau na kotou iloa au, e kotou iloa foki loku Tamana.

Soane 8:54

Na tali loa Sesu : Kapau e kau fakakololia kiate au totonu, ti e noa loku kololia. Ko loku Tamana leia e fakakololia kiate au, a ia leia e kotou pati ko lokoutou Atua,

Soane 8:55

kae e leaise kotou iloa fua a ia ; ko au, e kau iloa a ia ; ti kapau e kau pati e leaise kau iloa a ia, e kau tatau loa mo koutou, ko se tagata gutu loiloi. Kae e kau iloa a ia, ti e kau fai lana folafola.

Gaoi 17:23

Talie, i laku taka i lokoutou kolo, ti mo laku tio ki nea fuli ala e kotou tausi ki ai, na kau maua foki se aletale leia e tuu ai le fakamailoga leinei : Ki se atua e leaise iloa ! Ko le nea leia e kotou tausi ki ai kae e leaise kotou iloa, ko ia leinei e kau fakasa atu kia koutou.

Gaoi 26:9

Kiate au foki, na kau manatu e tonu ke kau fakafesagai fakamakeke ki le suafa o Sesu mei Nasaleti.

Gaoi 3:17

Ti ko leinei, fetaina, e kau iloa na kotou fai i le fakapouli, ti e tatau foki mo okoutou pule.

Gaoi 4:17

Kae, o tupu ke aua na toe mafola le nea leinei i le kakai, tou tapui fakamakeke kia laua le toe masau ki se tasi ki le igoa lena.

Gaoi 5:41

Ti na ano loa le kau apositolo mei mua o le fono lasi i le fiafia, talie kua lotou aoga ki le tali o lauveli o tupu ko le suafa o Sesu.

Gaoi 9:14

ti e maua e ia i leinei ni fakataga mei le kau pule faisakilifisio, ke sai latou fuli ala e faikole i lou suafa.

Gaoi 9:16

ti e kau fakasa loa kiate ia a nea fuli ala e tonu ke mamae ai o tupu ko loku suafa.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Uluaki tosi ki le kau Kolinto 15:34

Kotou toe liliu mai kia koutou totonu, ko lena le nea leia e totonu, ti aua na kotou agasala ; talie e leaise iloa e ni iki o koutou le Atua, e kau fakasa a ia ke kotou luma ai.

Uluaki tosi ki le kau Kolinto 2:8

Poto leia na leaise iloa e se tasi fua o le kau pule o le sekulo leinei, talie, kanapau na lotou iloa a ia, na leaise lotou tutuki loa i le koluse le Aliki o le kololia.

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Uluaki tosi a Soane 3:1

Kotou tio ki le lasi o le alofa leia na soli mai kia tatou e le Tamana, ke tou igoa ko fanau a le Atua ! Ti ko tatou ko ana fanau maoki. Kapau e leaise iloa tatou e le malama nei, talie na leaise iloa e ia le Atua.

Tolu tosi a Soane 1:7

Talie kua lotou ano, o tupu ko le suafa o Sesu-Kilisito, ti na leaise lotou tali se tokoi mei le kau pagani.

Apokalipisi 2:3

e ke maua le kataki fualoa, ti na ke mamae o tupu ko loku suafa, ti na leaise ke loto gaegae.