Soane 15:11 - Tosi Tapu

¹¹ Kua kau fakasa a nea ana kia koutou, o tupu ke nofo loku fiafia ia koutou, ti ke katoa lokoutou fiafia.

Soane 15:11 ပူးပေါင်းရင်းမြစ်များ

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Esaia 62:4

E leaise toe fakaigoa loa a koe ko tiakina, Ti e leaise toe fakaigoa loa lou fenua ko lavaki ; Kae e fakaigoa loa a koe : Ko loku fiafiaaga iate ia, Ti e fakaigoa loa lou fenua ko le fafine avaga ; Talie e maua loa e le Eteleno lona fiafia iate koe, Ti e maua loa e le fenua lona avaga.

Selemia 32:41

E kau fiafia loa i le fai o le nea leia e malie kia latou, Ti e kau to fakamaokioki loa latou i le fenua leinei, I loku loto katoa mo loku laumalie katoa.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Luka 15:23

Ti kotou aumai le uviki pipi peti, ti kotou tamate a ia. Tou kai ti tou fiafia ;

Luka 15:32

kae na tonu mua ke tou kai mo fakafiafia, talie ko lou taina leinei na mate kae kua toe mauli a ia, ti na puli kae kua toe maua a ia.

Luka 15:5

Ka maua e ia a ia, e teki e ia a ia ki ona tuauma i le fiafia,

Luka 15:9

Ka maua e ia a ia, ti e kalagai e ia ona kaukau nea mo ona vasaa fale : Kotou fiafia mo au, talie kua kau maua laku fa talame leia na puli !

Soane 16:24

O kaku mai ki le lakaga nei, na leaise kotou kole fua se nea i loku suafa. Kotou kole, ti e kotou tali loa, o tupu ke katoa lokoutou fiafia.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Soane 17:13

Ti ko leinei, e kau natu kiate koe, ti e kau fakasa a nea ana i le malama nei, o tupu ke katoa ia latou loku fiafia.

Soane 3:29

Ko leia a ana le fafine avaga, ko le tagata avaga ; kae ko le kaukaunea o le tagata avaga, leia e tuu i ona tafa o logo kiate ia, e logoi e ia se fiafia lasi, o tupu ko le leo o le tagata avaga : koia ko le fiafia lena, leia ko looku foki, kua katoa.

Loma 15:13

Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !

Lua tosi ki le kau Kolinto 1:24

kae leaise tupu ke ma pulei ai lakoutou tui, kae tupu ke ma tokoi ki lokotou fiafia, talie kua kotou tuu makeke i le tui.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Filipe 1:25

Ti e kau iloa papau i loku loto, e kau iloa e kau mauli loa o nofo mo koutou fuli, ki lokoutou saele ki mua ti mo lokoutou fiafia i le tui,

Uluaki tosi ki le kau Tesalonika 5:16

Kotou fiafia tuumau.

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,

Uluaki tosi a Soane 1:4

Ti e motou tosi a nea anei, o tupu ke katoa lomatou fiafia.

Lua tosi a Soane 1:12

E lasi a nea ala e kau fia masau atu kia koutou, kae e leaise kau loto ke tosi atu latou kia koutou i le pepa mo le vaitosi ; kae e kau amanaki malie ke kau natu kia koutou, ti ke kau masau gutu atu kia koutou, o tupu ke tou apele i le fiafia.