Soane 14:28 - Tosi Tapu

²⁸ Kua kotou logo na kau pati kia koutou : E kau ano ti e kau toe liliu mai kia koutou. Kapau e kotou alofa kiate au, e kotou fiafia loa i laku ano ki le Tamana ; talie e lasi ake le Tamana iate au.

Soane 14:28 ပူးပေါင်းရင်းမြစ်များ

Pesalemo 68:18

Ko saliote a le Eteleno e lau i tino lua afe, Ti tino afe mo tino afe ; E nofo le Aliki i loto malie o latou, E tuu le Sinai i le sagatualio.

Pesalemo 68:9

Na galulu loa le malama nei, na tafe loa ni vai i le kele i mua o le Atua Na lulu Sinai i mua o le Atua, le Atua o Iselaele.

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Mateo 12:18

Ko leinei laku tagata fakasausau leia na kau filifili, Loku alofaaga leia e fiafia ai loku loto. E kau tuku loa loku Laumalie kiate ia, Ti e fakasa loa e ia le faitotonu ki atu puleaga.

Soane 10:38

Kae kapau e kau fai latou, tatau foki pe leaise kotou tui mai kiate au, kotou tui fua ki gaoi ana, o tupu ke kotou iloa ti ke kotou fakamaoki e nofo iate au le Tamana, ti mo au e nofo i le Tamana.

Soane 13:16

E maoki, e maoki, e kau pati atu, e leaise lasi ake le tagata fakasausau i lona aliki, ti e leaise lasi ake le tagata fakasausau i leia na kakau ia a ia.

Soane 14:12

E maoki, e maoki, e kau pati atu kia koutou, ko leia e tui kiate au, e fai foki e ia a gaoi ala e kau fai, ti e toe fai loa e ia ni gaoi lalasi ake, talie e kau ano ki le Tamana ;

Soane 14:18

E leaise kau tuku loa koutou ke sala matua, e kau au loa kia koutou.

Soane 16:7

Kae e kau fakasa kia koutou le maoki : E aoga kia koutou ke kau ano, talie kapau e leaise kau ano, e leaise au loa le Fakapelepele kia koutou ; kae kapau e kau ano, e kau kakau mai loa a ia kia koutou.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Soane 20:21

Na toe pati loa Sesu kia latou : Ke nofo ia koutou le tokamalie ! Ofaipe loku kakau mai e le Tamana, ko au foki e kau kakau koutou.

Soane 5:18

Koia na toe asilisili faiga ai le kau Sutea ke tamate a ia, o leaise tupu fua na maumaui e ia le sapato, kae na pati a ia ko le Atua ko lona Tamana totonu, o fakatatau a ia ki le Atua.

Soane 7:33

Na pati loa Sesu : Koi kau nofo mo koutou i se ga temi ikiiki, ti e kau ano loa ki leia na kakau ia mai au.

Uluaki tosi ki le kau Kolinto 11:3

Kae e kau loto ke kotou iloa ko Kilisito ko le pule a ia o tagata fuli ; ti ko le tagata ko le pule a ia o le fafine ; ti ko le Atua ko le pule a ia o Kilisito.

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,

Apokalipisi 1:11

leia na pati : Ko le nea leia e ke tio ki ai, tosi a ia i se tosi, o fakamomoli a ia ki Ekelesia e fitu, ki Efeso, mo Similene, mo Pelekame, mo Tiatile, mo Salete, mo Filatelefia, ti mo Laotise.