Soane 14:27 - Tosi Tapu

²⁷ E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Soane 14:27 ပူးပေါင်းရင်းမြစ်များ

Lua tosi o Koloniko 20:30

Ti na fimalie loa le puleaga o Sosafate, talie na soli loa kiate ia e lona Atua le tokamalie i ona tafatafa fuli.

Sopo 34:29

Kae i le tasi anoaga, kapau e leaise loto le Atua ke fai ia se nea, ko ai e fakalakasala ia a ia ? Ti kapau e mumuni a ia, ti ko ai e feala ke toe tio kiate ia ? E fai fakatatau e ia ki se puleaga, pe ko se tagata,

Pesalemo 11:1

Ki le pule o le kau sua. Pesalemo a Tavite. Ko le Eteleno leia e kau afa ai se mumuniaga. Pe mafai feaki ke kotou pati mai kiate au : Sola ki okoutou mauga, ofaipe se manu lele ?

Pesalemo 112:7

E leaise tuania e ia ni logo veveli ; E makeke lona loto, o fanaki ki le Eteleno.

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 28:3

Aua na ke ave au mo le kau agaveli ti mo le kau aga fakalialia, Ala e masau ki le tokamalie ki olatou oloi, kae e lotou maua i olatou loto le kaka.

Pesalemo 29:11

E soli e le Eteleno le makeke ki lona kakai. E tapuaki le Eteleno ki lona kakai, ti e fakafiafia e ia a ia.

Pesalemo 56:11

E kau fakamalo loa ki le Atua, i lana folafola ; E kau fakamalo loa ki le Eteleno, i lana folafola ;

Pesalemo 56:3

I le aso katoa e tuli au e latou ala e fakafesagai kiate au : E lotou fakatasi ke taui au ti mo pulei au !

Pesalemo 72:2

E fakamaau loa e ia lou kakai i le faitotonu, Ti mo lau kau mativa i le maoki.

Pesalemo 72:7

I ona aso e matalatala loa le tagata agatonu ofaipe se sei laakau, Ti e lasi loa le tokamalie o kaku ki le puli o le masina.

Pesalemo 85:10

Io, e ofi lona fakamauli kia latou ala e i kiate ia, O tupu ke nofo le kololia i lotatou fenua.

Pesalemo 91:5

E leaise ke i loa ki nea fakaii o le pouli, Pe ki le gasau leia e lele i le ao,

Taagapati 3:25

Aua na ke tuania se tutamaki fakapunamauli, Pe ko se pikoi a le kau agaveli ;

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 54:13

E liliu loa ou vosa fuli ko tisipulo a le Eteleno, Ti e lasi loa le manuia o ou vosa.

Esaia 55:12

Io, e kotou mavae loa i le fiafia, Ti e takitaki loa koutou i le tokamalie ; E fakamapaa loa e mauga lalasi mo mauga liliki ni sua fakafiafia i okoutou mua, Ti e pasipasi loa a lima o laakau fuli o le vao.

Esaia 57:19

E kau tuku loa le fakafetai ki ona laugutu. Tokamalie, tokamalie ki leia e mamao ti mo leia e feofi ! e pati le Eteleno. E kau fakamauli loa latou.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 1:8

Aua na ke i kia latou, talie e kau nofo mo koe o saofaki a koe, e pati le Eteleno.

Tagi laulau a Selemia 3:17

Kua ke too iate au le tokamalie ; E leaise koi kau iloa le fiafia.

Esekiele 2:6

Ti ko koe, vosa o le tagata, aua na ke i kia latou, aua na ke i kia alatou masau, logo ai e ke maua i ou tafa ni laakau talatala mo ni laakau sukisuki, ti e ke nofo fakatasi mo ni sekolopio ; aua na ke i o tupu ko alatou masau, ti aua na ke lulu o tupu ko olatou mata, talie ko se famili latou o ni kau agatuu.

Taniela 4:1

Ko le sau ko Nepukatenesale, ki kakai fuli, mo puleaga, mo tagata o masau kesekese fuli, e nonofo i le malama nei katoa. Ke soli atu kia koutou le tokamalie o lasi !

Taniela 6:25

I le sili o le nea lena, na fai loa e le sau ko Taliusi se tosi ki kakai fuli, mo puleaga fuli, mo tagata mei faasiga masau kesekese, ala na nonofo i le malama nei katoa : Ke soli atu kia koutou le tokamalie o lasi !

Sakalia 6:13

E fakatuu loa e ia le fale tapu o le Eteleno ; e tau loa e ia a fakamailoga o le pule fakasau ; e ekeeke loa a ia i lona ekeekeaga fakasau o pule ki le kakai ; e faisakilifisio loa a ia i lona ekeekeaga fakasau, ti e fakatasi malie loa a nea ana e lua iate ia.

Numelo 6:26

Ke fakasa e le Eteleno lona agamalie kiate koe, ti ke tuku atu e ia kiate koe lona tokamalie !

Mateo 10:26

Aua na kotou i kia latou, talie e leaise nea fua leia e munia e leaise tonu ke sa, ti e leaise nea fua leia e lilo e leaise tonu ke iloa.

Luka 1:79

Ke fakamalama latou ala e tonatona i le fakapouli mo le malu o le mate, Ke taki otou vae i le ala o le tokamalie.

Luka 10:5

I fale ala e kotou ulu ki ai, kotou pati mua : Ke nofo le tokamalie i le fale leinei !

Luka 12:4

E kau pati atu kia koutou, kia koutou ala ko oku kaukau nea : Aua na kotou i kia latou ala e tamate ia le tino, ti oki, ti e leaise lotou mafai se tasi ake a nea.

Luka 2:14

Kololia ki le Atua i potu taualuga, Ti tokamalie i le kele ki tagata ala e alofa a ia ki ai !

Soane 14:1

Aua na mamae okoutou loto. Kotou tui ki le Atua, ti kotou tui foki kiate au.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Soane 20:19

I le afiafi o le aso lena, leia ko le uluaki aso o le vasaa, kua tapono a matapa o le ganea leia na fakatasi ai le kau tisipulo, o tupu ko lolatou i ki le kau Sutea, na au loa Sesu, o tuu i loto malie o latou, o pati kia latou : Ke nofo ia koutou le tokamalie !

Soane 20:21

Na toe pati loa Sesu kia latou : Ke nofo ia koutou le tokamalie ! Ofaipe loku kakau mai e le Tamana, ko au foki e kau kakau koutou.

Soane 20:26

Sili ni aso e valu, na toe fakatasi le kau tisipulo a Sesu i le fale, ti na nofo Tomasi mo latou. Na au loa Sesu, kae kua tapono a matapa, o tuu i loto malie o latou, o pati : Ke nofo ia koutou le tokamalie !

Gaoi 10:36

Na kakau e ia le folafola ki vosa o Iselaele, o fakasa kia latou le tokamalie ia Sesu-Kilisito, leia ko le Aliki o tagata fuli.

Gaoi 18:9

Ti na pati loa le Aliki kia Paulo i se tio i le pouli : Aua na ke i ; kae ke masau, ti aua na ke fakalologo,

Loma 1:7

kia latou fuli i Loma ko alofaaga o le Atua, ala kua kalagai ke maokioki ki le vokasio : Ke soli atu kia koutou le kalasia mo le tokamalie e le Atua, lotatou Tamana, ti mo le Aliki ko Sesu-Kilisito !

Loma 15:13

Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !

Loma 5:1

Koia i lotatou fakamatatonu i le tui, e tou maua ai le tokamalie mo le Atua i lotatou Aliki ko Sesu-Kilisito,

Loma 5:10

Talie kapau, i le temi leia na tou fefiliaki ai, na fakatokatoka tatou mo le Atua i le mate o lona Alo, e toe tasi ake loa lotatou saofaki e lona mauli i le oki o lotatou fakatokatoka mo le Atua.

Loma 8:6

Ko le tokaga ki nea o le kanofi, ko le mate ; kae ko le tokaga ki nea o le Laumalie, ko le mauli mo le tokamalie.

Uluaki tosi ki le kau Kolinto 1:3

Ke soli atu le kalasia mo le tokamalie kia koutou e le Atua ko lotatou Tamana ti mo le Aliki ko Sesu-Kilisito !

Kalate 1:3

Ke soli atu kia koutou le kalasia mo le tokamalie e le Atua ko le Tamana ti mo le Aliki ko Sesu-Kilisito,

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Kalate 6:16

Tokamalie mo manavaalofa kia latou fuli ala e mulimuli loa ki le lekula lena, ti mo le Iselaele o le Atua !

Filipe 4:7

ti ko le tokamalie o le Atua, leia e fakalaka ake i atamai fuli, e taupau ia loa okoutou loto mo akoutou manatu ia Sesu-Kilisito.

Kolose 1:2

ki le kau maokioki mo fetaina agatonu ia Sesu-Kilisito ala e nonofo i Kolose : Ko le kalasia mo le tokamalie ke soli atu kia koutou e le Atua ko lotatou Tamana !

Kolose 1:20

ti na loto a ia ke fakatokatoka iate ia a nea fuli mo ia totonu, tatau a nea ala i le malama nei ti mo nea ala i le lagi, o fai le tokamalie iate ia i le toto o lona koluse.

Kolose 3:15

Ti ke pule i okoutou loto le tokamalie o Kilisito, leia na kalagai koutou ki ai ke kotou fau se tino e tasi. Ti ke kotou loto fakafetai.

Lua tosi ki le kau Tesalonika 1:2

Ko le kalasia mo le tokamalie ke soli atu kia koutou e le Atua ko lotatou Tamana ti mo le Aliki ko Sesu-Kilisito !

Lua tosi ki le kau Tesalonika 3:16

Ke alofa le Aliki o le tokamalie o soli totonu kia koutou le tokamalie i temi fuli, i nea fuli ! Ke nofo le Aliki mo koutou fuli !

Lua tosi kia Timoteo 1:7

Talie e leaise soli mai e le Atua kia tatou le Laumalie ke tou manava ikiiki ai ; kae e fakaapele tatou e lona Laumalie ki le makeke, mo le alofa, ti mo le poto.

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Epelo 7:2

ti na soli loa e Apalaamo kiate ia le vaega kau agafulu o nea fuli ; ko le uluaki uiga o lona igoa, ko le sau o le faitotonu, ti ko le lua ko le sau o Salemi, ko lona uiga ko le sau o le tokamalie.

Apokalipisi 1:4

Ko au Soane ki Ekelesia e fitu ala e tuu i Asia : Ke soli atu kia koutou le kalasia mo le tokamalie mei leia e agai, leia na agai, leia e au, ti mei Laumalie e fitu ala i mua o lona ekeekeaga fakasau,

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.