Soane 14:20 - Tosi Tapu

²⁰ I le aso lena, e kotou iloa loa e kau nofo i loku Tamana, e kotou nofo iate au, ti e kau nofo ia koutou.

Soane 14:20 ပူးပေါင်းရင်းမြစ်များ

Soane 10:38

Kae kapau e kau fai latou, tatau foki pe leaise kotou tui mai kiate au, kotou tui fua ki gaoi ana, o tupu ke kotou iloa ti ke kotou fakamaoki e nofo iate au le Tamana, ti mo au e nofo i le Tamana.

Soane 14:10

Pe leaise ke tui e kau nofo i le Tamana, ti e nofo le Tamana iate au ? Ko folafola ala e kau fakasa kia koutou, e leaise kau fakasa latou iate au totonu ; kae ko le Tamana, leia e nofo iate au, ko ia leia e fai ia a gaoi.

Soane 14:11

Kotou tui mai kiate au, e kau nofo i le Tamana, ti e nofo le Tamana iate au ; kotou tui fua o tupu ko gaoi ana.

Soane 16:23

I le aso lena, e leaise kotou toe fakavesilii loa au ki se nea. E maoki, e maoki, e kau pati atu kia koutou, ko le nea leia e kotou kole loa ki le Tamana, e soli atu loa e ia a ia kia koutou i loku suafa.

Soane 16:26

I le aso lena e kotou kole loa i loku suafa, ti e leaise kau pati atu kia koutou e kau faikole loa ki le Tamana kia koutou ;

Soane 17:11

E leaise koi kau nofo i le malama nei, kae e lotou nonofo i le malama nei, ti e kau natu kiate koe. Tamana maokioki, taupau latou i lou suafa leia na ke soli mai kiate au, o tupu ke lotou liliu ko se nea e tasi ofaipe taua.

Soane 17:26

Ti na kau fakasa kia latou lou suafa, ti e kau toe fakasa loa a ia kia latou, o tupu ke nofo ia latou le alofa leia kua ke alofa ai kiate au, ti ke kau nofo ia latou.

Soane 17:7

I le lakaga nei kua lotou iloa ko nea fuli ala na ke soli mai kiate au e au meiate koe.

Soane 6:56

Ko leia e kai ia loku tino ti e inu ia loku toto e nofo a ia iate au, ti mo au iate ia.

Loma 16:7

Avake oku alofa kia Atoloniko mo Suniasi, ko oku kaiga ti ko oku kaukau nea i le pilisoni, ala na alofainai lasi i le kau apositolo ti na uluaki tafoki iate au kia Kilisito.

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Lua tosi ki le kau Kolinto 12:2

E kau iloa se tagata ia Kilisito, kua sili ki ai ni fetuu e kau agafulu tupu fa, na ave a ia ki le tolu o lagi (pe na ave a ia i lona tino, e leaise kau iloa, pe sala i lona tino, e leaise kau iloa, ko le Atua e iloa ia).

Lua tosi ki le kau Kolinto 13:5

Ke kotou fakatiotio kia koutou totonu, ke iloa pe kotou nonofo i le tui ; kotou asiasii koutou totonu. Pe leaise kotou iloa e nofo Sesu-Kilisito ia koutou ? Kae na saga e leaise kotou maua ia ni fakamaoki o lakoutou tui.

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Kolose 1:19

Talie na loto le Atua ke nofo a apeleaga fuli iate ia ;

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 2:9

Talie e nofo fakatino iate ia le apeleaga katoa o le Atua.

Uluaki tosi a Soane 4:12

Na leikiaise tio se tasi ki le Atua i se aso ; kapau e tou fealofaaki ia tatou, e nofo le Atua ia tatou, ti kua malie tukupau lona alofa ia tatou.