Soane 14:17 - Tosi Tapu

¹⁷ le Laumalie o le maoki, leia e leaise feala ke tali e le malama nei, talie e leaise tio a ia kiate ia ti e leaise iloa e ia a ia ; kae ko koutou, e kotou iloa a ia, talie e nofo a ia mo koutou, ti e nofo loa a ia ia koutou.

Soane 14:17 ပူးပေါင်းရင်းမြစ်များ

Taagapati 14:10

E iloa e le loto ona mamae o ona, Ti e leaise feala ke kau se tasi kese i ona fiafia.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Esekiele 36:27

E kau tuku loa loku Laumalie kia koutou, ti e kau fakalotoi loa koutou ke kotou mulimuli i aku fakatotonu, ti ke kotou tausi mo fai aku lao.

Mateo 10:20

talie e leaise ko koutou ala e masau loa, kae ko le Laumalie Maokioki o lokoutou Tamana leia e masau loa ia koutou.

Soane 14:16

Ti ko au, e kau kole loa ki le Tamana, ti e tuku atu loa e ia kia koutou se tasi Fakapelepele, o tupu ke nofo a ia mo koutou o lee gato,

Soane 14:23

Na tali loa Sesu kiate ia : Kapau e alofa se tasi kiate au, ti e fai loa e ia laku folafola, ti e alofa loa loku Tamana kiate ia ; e ma au loa kiate ia, ti e ma fai loa loma nofoaga iate ia.

Soane 15:26

Ka au loa le Fakapelepele, leia e kau kakau mai loa kia koutou mei le Tamana, le Laumalie o le maoki, leia e au mei le Tamana, e fakamaoki loa a ia kiate au ;

Soane 16:13

Ka au loa le Fakapelepele, le Laumalie o le maoki, e taki loa e ia koutou i le maoki katoa ; talie e leaise masau loa a ia meiate ia totonu, kae e fakasa loa e ia a nea fuli ala e logo loa a ia ki ai, ti e fakasa fakatomua loa e ia kia koutou a nea ka soko mai.

Soane 6:40

Ko le finegalo o loku Tamana, ko leia e tio ki le Alo ti e tui kiate ia ke maua e ia le mauli lee gato, ti ke kau toe fakatuuake a ia i le aso fakamuli.

Uluaki tosi ki le kau Kolinto 14:15

Kolea loa ke fai ? E kau faikole loa i le laumalie, kae e kau toe faikole foki i loku atamai ; e kau sua loa i le laumalie, kae e kau toe sua foki i loku atamai.

Uluaki tosi ki le kau Kolinto 2:14

Kae e leaise tali e le tagata fakanatula a nea o le Laumalie o le Atua, talie ko se valea latou kiate ia, ti e leaise mafai ke iloa e ia latou, talie koi iloa fakalaumalie fai latou.

Uluaki tosi ki le kau Kolinto 3:16

Pe leaise kotou iloa ko le fale tapu koutou o le Atua, ti e nofo le Laumalie o le Atua ia koutou ?

Uluaki tosi ki le kau Kolinto 6:19

Pe leaise kotou iloa ko lokoutou tino ko le fale tapu a ia o le Laumalie Maokioki leia ia koutou, leia kua kotou tali mei le Atua, ti e leaise kotou maua koutou totonu.

Lua tosi ki le kau Kolinto 13:5

Ke kotou fakatiotio kia koutou totonu, ke iloa pe kotou nonofo i le tui ; kotou asiasii koutou totonu. Pe leaise kotou iloa e nofo Sesu-Kilisito ia koutou ? Kae na saga e leaise kotou maua ia ni fakamaoki o lakoutou tui.

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Kalate 4:6

Tie talie ko vosa koutou, kua kakau mai e le Atua ki otou loto le Laumalie o lona Alo, leia e kalaga : Apa ! Tamana !

Efeso 2:22

Iate ia kua fau foki koutou ke liliu ko se nofoaga o le Atua i le Laumalie.

Efeso 3:17

o tupu ke nofo Kilisito i okoutou loto i le tui ; ti ke kotou tauaka mo fakatafito i le alofa,

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Lua tosi kia Timoteo 1:14

Taupau le koloa malie, i le Laumalie Maokioki leia e nofo ia tatou.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.

Uluaki tosi a Soane 3:24

Ko leia e fai ia ana fakatotonu, e nofo i le Atua, ti e nofo le Atua iate ia ; ti e tou iloa e nofo a ia ia tatou, o tupu ko le Laumalie leia na soli mai e ia kia tatou.

Uluaki tosi a Soane 4:4

Ko koutou, fanau liliki, e kotou au mei le Atua, ti kua kotou malo i le kau polofeta loi, talie ko leia e nofo ia koutou e lasi ake i leia e nofo i le malama nei.

Uluaki tosi a Soane 4:6

Ko tatou, e tou kau ki le Atua ; ko leia e iloa ia le Atua, e logo a ia kia tatou ; ko leia e leaise kau ki le Atua, e leaise logo a ia kia tatou : I le nea lena e tou iloa ai le Laumalie o le maoki ti mo le laumalie o le sese.

Uluaki tosi a Soane 5:7

Talie e fakamaoki se toka tolu :

Apokalipisi 2:17

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia : Ki leia e malo loa e kau soli loa kiate ia le mane fakapulipuli, ti e kau soli loa kiate ia se fa fatu tea ; ti e tosi loa se igoa foou i le fa fatu lena, leia e leaise iloa e se tasi, gato fai ki leia e tali ia le igoa lena.