Soane 14:16 - Tosi Tapu

¹⁶ Ti ko au, e kau kole loa ki le Tamana, ti e tuku atu loa e ia kia koutou se tasi Fakapelepele, o tupu ke nofo a ia mo koutou o lee gato,

Soane 14:16 ပူးပေါင်းရင်းမြစ်များ

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Soane 14:14

Kapau e kotou kole se nea fua i loku suafa, e kau fai loa a ia.

Soane 14:18

E leaise kau tuku loa koutou ke sala matua, e kau au loa kia koutou.

Soane 14:26

Kae ko le Fakapelepele, le Laumalie Maokioki, leia e kakau mai loa e loku Tamana i loku suafa, e ako ia loa kia koutou a nea fuli, ti mo fakamanatu atu loa kia koutou a nea fuli ala kua kau fakasa atu kia koutou.

Soane 15:26

Ka au loa le Fakapelepele, leia e kau kakau mai loa kia koutou mei le Tamana, le Laumalie o le maoki, leia e au mei le Tamana, e fakamaoki loa a ia kiate au ;

Soane 16:22

Ko koutou foki, e kotou nonofo i le aso nei i le mamae ; kae e kau toe tio loa kia koutou, ti e fiafia loa okoutou loto, ti e leaise too loa e se tasi lokoutou fiafia meia koutou.

Soane 17:15

E leaise kau kole atu kiate koe ke ke too latou mei le malama nei, kae ke ke saofaki latou mei le veli.

Soane 17:20

E leaise ko latou fua ala e kau faikole ki ai, kae kia latou foki ala e tui loa kiate au i lalatou folafola,

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Soane 7:39

Na pati a ia o uiga mo le Laumalie Maokioki leia e tonu ke tali e latou ala e tui loa kiate ia ; talie na leikiaise soli le Laumalie Maokioki, o tupu na leikiaise fakakololia Sesu.

Gaoi 1:4

I lana koi nofo mo latou, na fakatotonu loa e ia kia latou ke aua na lotou fakamamao i Selusalemi, kae ke lotou talitali ki le nea leia na fakapapau e le Tamana, le nea leia na kau fakasa fakatomua atu kia koutou.

Gaoi 13:52

kae na apele le kau tisipulo i le fiafia ti mo le Laumalie Maokioki.

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.

Loma 14:17

Talie ko le Puleaga o le Atua, e leaise ko le kai pe ko le inu, kae ko le maokioki, mo le tokamalie, ti mo le fiafia i le Laumalie Maokioki.

Loma 15:13

Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !

Loma 5:5

Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.

Loma 8:34

Ko ai ka tautea ia loa latou ? Ko Kilisito leia na mate ; ti kua toe tuuake foki a ia, ti kua nofo a ia i le fetuu atamai o le Atua, ti e faikole a ia kia tatou !

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Filipe 2:1

Koia kapau e i ai se fakapelepele ia Kilisito, kapau e i ai se fimalie i le alofa, kapau e i ai se komunio i le Laumalie, kapau e i ai se alofa mamae ti mo se manavaalofa,

Lua tosi ki le kau Tesalonika 2:16

Ko lotatou Aliki ko Sesu-Kilisito totonu, ti mo le Atua ko lotatou Tamana, leia na alofa kia tatou, ti na soli ia kia tatou i lona kalasia se fakapelepele lee gato ti mo se amanaki malie,

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Uluaki tosi a Soane 2:1

Ei aku fanau liliki, e kau tosi atu a nea anei, o tupu ke aua na kotou agasala. Ti kapau na agasala se tasi, e tou maua se avoka i tafa o le Tamana, ko Sesu-Kilisito ko le tagata agatonu.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.

Lua tosi a Soane 1:2

o tupu ko le maoki leia e nofo ia tatou, ti e nofo loa mo tatou o lee gato.