Soane 14:13 - Tosi Tapu

¹³ ti ko nea fuli ala e kotou kole loa i loku suafa, e kau fai loa latou, o tupu ke fakakololia le Tamana i le Alo.

Soane 14:13 ပူးပေါင်းရင်းမြစ်များ

Mateo 21:22

Ko nea fuli ala e kotou kole loa i le tui i le faikole, e kotou maua loa a ia.

Mateo 7:7

Kotou kole, ti e soli atu loa kia koutou ; kotou afa, ti e kotou maua loa ; kotou fitifiti, ti e fakamavaa atu loa kia koutou.

Maleko 11:24

Koia e kau pati atu ai kia koutou : Ko nea fuli ala e kotou kole loa i le faikole, kotou tui kua kotou maua latou, ti e kotou tio loa ki lolatou fakasoko.

Luka 11:9

Ti ko au, e kau fakasa kia koutou : Kotou kole ti e soli atu loa kia koutou ; kotou afa ti e kotou maua loa ; kotou fitifiti ti e fakamavaa atu loa kia koutou.

Soane 10:30

Ko au mo le Tamana e ma toka tasi.

Soane 12:44

Ti na kalaga Sesu : Ko leia e tui kiate au, e leaise tui a ia kiate au, kae tui a ia ki leia na kakau ia mai au ;

Soane 13:31

I le kua ulu a Sutasi ki fafo, na pati loa Sesu : I le lakaga nei, kua fakakololia le Vosa o le tagata, ti kua fakakololia le Atua iate ia.

Soane 14:14

Kapau e kotou kole se nea fua i loku suafa, e kau fai loa a ia.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 15:16

E leaise ko koutou ala na filifili ia au ; kae ko au, kua kau filifili koutou, ti kua kau fakanofo koutou, o tupu ke kotou ano, ti ke kotou maua se fua, ti ke tologa lokoutou fua, o tupu ko nea fuli ala e kotou kole loa ki loku Tamana i loku suafa, ke soli atu e ia kia koutou.

Soane 15:7

Kapau e kotou nonofo iate au, ti e nofo aku folafola ia koutou, kotou kole se nea fua leia e kotou loto loa ki ai, ti e soli atu loa a ia kia koutou.

Soane 16:23

I le aso lena, e leaise kotou toe fakavesilii loa au ki se nea. E maoki, e maoki, e kau pati atu kia koutou, ko le nea leia e kotou kole loa ki le Tamana, e soli atu loa e ia a ia kia koutou i loku suafa.

Soane 16:26

I le aso lena e kotou kole loa i loku suafa, ti e leaise kau pati atu kia koutou e kau faikole loa ki le Tamana kia koutou ;

Soane 16:7

Kae e kau fakasa kia koutou le maoki : E aoga kia koutou ke kau ano, talie kapau e leaise kau ano, e leaise au loa le Fakapelepele kia koutou ; kae kapau e kau ano, e kau kakau mai loa a ia kia koutou.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Soane 5:19

Ti na toe masau loa Sesu kia latou, o pati : E maoki, e maoki, e kau pati atu kia koutou, e leaise feala ke fai e le Alo se nea iate ia totonu, e fai e ia le nea leia e tio a ia e fai e le Tamana ; ti ko nea fuli ala e fai e le Tamana, e toe fai foki e le Alo.

Soane 7:37

I le aso fakaoki, ko le aso tafito a ia o le aso lasi, na tuu loa Sesu, o kalaga : Kapau e fia inu se tasi, ke au a ia kiate au, ti ke inu a ia.

Uluaki tosi ki le kau Kolinto 14:13

Koia ko leia e masau i se masau kese, ke kole e ia le nea alofa o le fakamatala.

Efeso 2:18

talie iate ia, ko koutou mo matou, e tou maua se uluaga ki le Tamana i se Laumalie e tasi.

Efeso 3:12

iate ia e tou maua ai, i le tui kiate ia, le lauatea ke tou fakafeofi ai ki le Atua i le fanaki.

Efeso 3:14

O tupu ko le nea a ia, e kau peluki oku tuli i mua o le Tamana,

Filipe 4:13

E kau mafai a nea fuli i leia e fakamakeke ia au.

Kolose 3:17

I nea fuli ala e kotou fai, i masau mo gaoi, ke kotou fai fuli latou i le suafa o le Aliki Sesu, o fakafetai iate ia ki le Atua le Tamana.

Epelo 13:15

Koia ke tou momoli tuumau iate ia se sakilifisio o le fakavikiviki ki le Atua, ko lona uiga le fua o ni laugutu ala e fakafetai ki lona suafa.

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.

Sakopo 5:16

Koia ke kotou fekofesioaki akoutou agasala, ti kotou fefaikoleaki, o tupu ke kotou mauli. E aoga lasi ai le faikole fakamalotoloto a le tagata agatonu.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Uluaki tosi a Soane 3:22

Ti ko se nea fua leia e tou kole, e tou maua a ia meiate ia, talie e tou fai ana fakatotonu, ti e tou fai le nea leia e malie kiate ia.

Uluaki tosi a Soane 5:14

E tou maua i ona mua le loto toa leinei, kapau e tou kole se nea o mulimuli ki lona finegalo, e fakalogo mai a ia kia tatou.