Soane 14:12 - Tosi Tapu

¹² E maoki, e maoki, e kau pati atu kia koutou, ko leia e tui kiate au, e fai foki e ia a gaoi ala e kau fai, ti e toe fai loa e ia ni gaoi lalasi ake, talie e kau ano ki le Tamana ;

Soane 14:12 ပူးပေါင်းရင်းမြစ်များ

Mateo 21:21

Na tali loa Sesu kia latou : E kau pati maoki atu kia koutou, kapau e kotou maua le tui ti e leaise kotou toe lotolotolua fua, e leaise kotou fai fua le nea leinei kua fai ki le fiki nei, kae ka kotou pati loa ki le mauga leinei : Mavae i lena, o ano ki le tai, ti e soko loa le nea a ia.

Maleko 11:13

I lana tio mei mamao ki se fiki laulau, na ano loa a ia o tio pe maua i ai se nea ; ti e i lana fakafeofi ki ai, na maua loa e ia ni lau ata, talie e leaise ko le temi a ia o fiki.

Maleko 16:17

Ti ko nei a milakulo ala e soko loa kia latou ala e tui loa : E lotou kapu loa a temonio i loku suafa ; e lotou masau loa i ni masau foou ;

Soane 14:28

Kua kotou logo na kau pati kia koutou : E kau ano ti e kau toe liliu mai kia koutou. Kapau e kotou alofa kiate au, e kotou fiafia loa i laku ano ki le Tamana ; talie e lasi ake le Tamana iate au.

Soane 16:7

Kae e kau fakasa kia koutou le maoki : E aoga kia koutou ke kau ano, talie kapau e leaise kau ano, e leaise au loa le Fakapelepele kia koutou ; kae kapau e kau ano, e kau kakau mai loa a ia kia koutou.

Soane 4:37

Ti e maoki ai le taagapati leinei : E to e le tasi kae tuuti e le tasi.

Soane 5:20

Talie e alofa le Tamana ki le Alo, o fakasa e ia kiate ia a nea fuli ala e fai e ia ; ti e fakasa loa e ia kiate ia ni gaoi lalasi ake i gaoi anei, o tupu ke kotou ofolele ai.

Soane 7:33

Na pati loa Sesu : Koi kau nofo mo koutou i se ga temi ikiiki, ti e kau ano loa ki leia na kakau ia mai au.

Soane 7:39

Na pati a ia o uiga mo le Laumalie Maokioki leia e tonu ke tali e latou ala e tui loa kiate ia ; talie na leikiaise soli le Laumalie Maokioki, o tupu na leikiaise fakakololia Sesu.

Gaoi 10:46

Talie kua lotou logo kia latou e masau i masau kesekese, o fakakololia ki le Atua.

Gaoi 16:18

Ti na fai loa e ia le nea lena i le lolotoga o ni aso mauke ai. I lona kaekae, na mafuli ake loa Paulo o pati ki le temonio : E kau fakatotonu atu kiate koe, i le suafa o Sesu-Kilisito, mavae meiate ia. Ti na mavae aifai le laumalie.

Gaoi 19:12

o kaku ai ki le fakalave o ni kie pe ko ni musuala kua lave ki lona tino ki le kau masaki, ti na mavae a masaki mo temonio meia latou.

Gaoi 2:33

Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.

Gaoi 2:41

Ko latou ala na tali ia loa lana folafola na papitema loa ; ti i le aso fai lena, na lasi loa le api o le kau tisipulo i laumalie e tino afe tolu.

Gaoi 4:16

Talie kua sa ki le kakai katoa o Selusalemi kua la fai le milakulo lasi lena, ti e leaise mafai ke tou fakafiti ki ai.

Gaoi 4:33

Ti na fakamaoki le kau apositolo ki le toe tuuake o le Aliki Sesu i le makeke katoa, ti na nofo ia latou fuli se kalasia lasi.

Gaoi 4:4

Kae na tui loa se toka api o latou ala na logo ki le folafola, ti na lau loa ki tino afe e lima le api o tagata.

Gaoi 5:15

Koia na lotou kamata fata ai a masaki ki ala, o fakamomoe i ni palepale mo ni moelaga, o tupu, ka fakalaka loa Petelo, ke lave a ia ki ni iki o latou, pe ko lona malu fua.

Gaoi 6:7

Na mafola le folafola a le Atua, ti na tupu o api ai le kau tisipulo i Selusalemi, ti na fakalogo ki le tui se kakai toka api o le faisakilifisio.

Gaoi 8:7

Talie na mavae loa ni laumalie veli mei se toka api leia na avagaia, o tagi leo lasi, ti na fakamauli se toka lasi na palalisia mo kito.

Gaoi 9:34

Na pati loa Petelo kiate ia : Eneo, e fakamauli a koe e Sesu-Kilisito ; tuu ki aluga, o fakatoka lou palepale. Ti na tuu aifai a ia ki aluga.

Gaoi 9:40

Ti na fakamavae loa e Petelo le kakai katoa ki fafo, ti na tuutuli loa a ia o faikole ; ti na maliu loa a ia ki le mate, o pati : Tapita, tuu ki aluga ! Ti na fakamavaa loa e ia ona mata, ti i lana tio kia Petelo, na tonatona loa a ia.

Loma 15:19

ki le makeke o milakulo mo nea fakamanamana, ki le makeke o le Laumalie o le Atua ; koia na kau fakamafola o lasi ai le Evaselio a Kilisito, o fai mei Selusalemi, o takatakai i fenua fuli o kaku ki Ililia.