Soane 14:11 - Tosi Tapu

¹¹ Kotou tui mai kiate au, e kau nofo i le Tamana, ti e nofo le Tamana iate au ; kotou tui fua o tupu ko gaoi ana.

Soane 14:11 ပူးပေါင်းရင်းမြစ်များ

Soane 10:25

Na tali loa Sesu kia latou : Kua oki i laku fakasa atu kia koutou, kae e leaise kotou tui. Ko gaoi ala e kau fai i le suafa o loku Tamana e fakamaoki kiate au.

Soane 10:32

Na pati loa Sesu kia latou : Kua lasi a gaoi malilie kua kau fakatio koutou ki ai mei loku Tamana : ko le gaoi fea leia e kotou tuki fatui ai au ?

Soane 10:38

Kae kapau e kau fai latou, tatau foki pe leaise kotou tui mai kiate au, kotou tui fua ki gaoi ana, o tupu ke kotou iloa ti ke kotou fakamaoki e nofo iate au le Tamana, ti mo au e nofo i le Tamana.

Soane 14:10

Pe leaise ke tui e kau nofo i le Tamana, ti e nofo le Tamana iate au ? Ko folafola ala e kau fakasa kia koutou, e leaise kau fakasa latou iate au totonu ; kae ko le Tamana, leia e nofo iate au, ko ia leia e fai ia a gaoi.

Soane 14:20

I le aso lena, e kotou iloa loa e kau nofo i loku Tamana, e kotou nofo iate au, ti e kau nofo ia koutou.

Soane 5:36

Ko au, e kau maua se fakamaoki leia e lasi ake i le fakamaoki a Soane ; talie ko gaoi ala na tuku mai e le Tamana ke kau fakasoko, a gaoi anei e kau fai, e fakamaoki kiate au ko le Tamana totonu leia na kakau ia mai au.

Gaoi 2:22

Tagata Iselaele, kotou fakalogo mai ki folafola anei ! Ko Sesu mei Nasaleti, le tagata lena kua fakamaoki ki ai le Atua i okoutou mua ki ni milakulo, mo ni nea fakaofolele, ti mo ni fakamailoga ala na fai e le Atua iate ia i lotolotoga o koutou, ofaipe lakotou iloa, e koutou totonu ;

Epelo 2:4

ti na fakamaoki foki le Atua kia latou i ni fakamailoga, mo ni nea fakaofolele, mo ni milakulo kesekese, ti mo ni nea alofa o le Laumalie Maokioki ala na tufaki o mulimuli ki lona finegalo.