Soane 14:10 - Tosi Tapu

¹⁰ Pe leaise ke tui e kau nofo i le Tamana, ti e nofo le Tamana iate au ? Ko folafola ala e kau fakasa kia koutou, e leaise kau fakasa latou iate au totonu ; kae ko le Tamana, leia e nofo iate au, ko ia leia e fai ia a gaoi.

Soane 14:10 ပူးပေါင်းရင်းမြစ်များ

Soane 10:30

Ko au mo le Tamana e ma toka tasi.

Soane 10:38

Kae kapau e kau fai latou, tatau foki pe leaise kotou tui mai kiate au, kotou tui fua ki gaoi ana, o tupu ke kotou iloa ti ke kotou fakamaoki e nofo iate au le Tamana, ti mo au e nofo i le Tamana.

Soane 11:26

ti ko leia e mauli mo tui kiate au e leaise toe mate loa a ia. Pe ke tui ki ai ?

Soane 12:49

Talie na leaise kau masau iate au totonu ; kae ko le Tamana, leia na kakau ia mai au, na fakatotonu mai kiate au le nea leia e tonu ke kau fakasa, ti mo le nea leia e tonu ke kau akonaki ki ai.

Soane 14:11

Kotou tui mai kiate au, e kau nofo i le Tamana, ti e nofo le Tamana iate au ; kotou tui fua o tupu ko gaoi ana.

Soane 14:20

I le aso lena, e kotou iloa loa e kau nofo i loku Tamana, e kotou nofo iate au, ti e kau nofo ia koutou.

Soane 14:24

Ko leia e leaise alofa kiate au e leaise fai e ia aku folafola. Ti ko folafola ala e kotou logo ki ai e leaise ko folafola a ia a aku, kae a le Tamana leia na kakau ia mai au.

Soane 17:8

Talie na kau soli kia latou a folafola ala na ke tuku mai kiate au ; ti kua lotou tali latou, ti kua lotou iloa papau na kau au meiate koe, ti kua lotou tui na ke kakau ia mai au.

Soane 3:2

leia na au loa kia Sesu i le pouli, o pati kiate ia : Pule, e motou iloa ko se toketa a koe na au mei le Atua ; talie e leaise tasi e fai ia a milakulo ana e ke fai, mo kapau e leaise nofo le Atua iate ia.

Soane 5:17

Kae na tali loa Sesu kia latou : Koi gaoi loku Tamana i le temi nei ; ko au foki, e kau gaoi.

Soane 5:19

Ti na toe masau loa Sesu kia latou, o pati : E maoki, e maoki, e kau pati atu kia koutou, e leaise feala ke fai e le Alo se nea iate ia totonu, e fai e ia le nea leia e tio a ia e fai e le Tamana ; ti ko nea fuli ala e fai e le Tamana, e toe fai foki e le Alo.

Soane 7:16

Na tali loa Sesu kia latou : E leaise au laku akonaki meiate au, kae mei leia na kakau ia mai au.

Soane 8:28

Ti na pati loa Sesu kia latou : Ka oki loa lakotou fakatuu ki aluga le Vosa o le tagata, ti e kotou iloa loa ko ai au, ti e leaise kau fai fua se nea iate au totonu, kae e kau masau o mulimuli ki le nea leia na ako mai kiate au e le Tamana.

Soane 8:38

E kau pati ki le nea leia na kau tio ki ai i loku Tamana ; ti ko koutou, e kotou fai le nea leia na kotou logo ki ai mei lokoutou tamana.

Soane 8:40

Kae ko leinei e kotou afa ke tamate au, a au leia na fakasa atu ia kia koutou le maoki leia na kau logo mei le Atua. Na leaise fai fua le nea lena e Apalaamo.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Kolose 1:19

Talie na loto le Atua ke nofo a apeleaga fuli iate ia ;

Kolose 2:9

Talie e nofo fakatino iate ia le apeleaga katoa o le Atua.

Uluaki tosi a Soane 5:7

Talie e fakamaoki se toka tolu :