Soane 13:34 - Tosi Tapu

³⁴ E kau tuku kia koutou se fakatotonu foou : Kotou fealofani ia koutou ; ofaipe loku alofa kia koutou, ko koutou foki, kotou fealofani ia koutou.

Soane 13:34 ပူးပေါင်းရင်းမြစ်များ

Pesalemo 119:63

Ko le kaukaunea au o latou fuli ala e i kiate koe, Ti mo latou ala e tausi ia au fakatotonu.

Pesalemo 16:3

Kae ko le kau sagato leia e nonofo i le fenua Mo le kau agatonu, ko le tauaga latou o loku alofa katoa.

Levitiko 19:18

Aua na ke taui veli loa, ti aua na ke taofi loa se kona i lou loto ki fanau o lou kakai. E ke alofa loa ki lou oloi ofaipe koe totonu. Ko au ko le Eteleno.

Levitiko 19:34

E kotou fai loa kiate ia ofaipe se tasi o koutou ; e kotou alofa loa kiate ia ofaipe koutou totonu, talie na kotou matapule foki i le fenua o Esipito. Ko au ko le Eteleno, ko lokoutou Atua.

Mateo 5:44

Kae ko au, e kau pati atu kia koutou : Kotou alofa ki okoutou fili, kotou tapuaki kia latou ala e tutuku ia koutou, kotou fai le nea leia e malie kia latou ala e vesia mai kia koutou, ti kotou ulufaki latou ala e fai nea veli mai kia koutou ti mo fakaveliveli mai kia koutou,

Soane 15:17

Ko le nea leia e kau fakatotonu atu kia koutou : kotou fealofani.

Soane 17:21

o tupu ke lotou liliu fuli ko se nea e tasi, ofaipe koe, Tamana, e ke nofo iate au, ti mo au iate koe, o tupu ke lotou liliu foki ko se nea e tasi ia taua : O tupu ke tui le malama nei na ke kakau mai au.

Loma 12:10

Ke kotou fealofani i se alofa fakatautaina ; ke kotou tokaga ki le fakaapaapa i okoutou vasaa.

Loma 13:10

E leaise fai e le alofa se veli ki le oloi : koia ko le alofa ko le katoaaga a ia o le lao.

Loma 13:8

Aua na kotou tuu maua ki se tasi, kae ke kotou maua fealofani i okoutou vasaa, talie ko leia e alofa ki la ake kua fai ia le lao.

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Kalate 6:10

Koia, i le koi tou maua ia le faigamalie, tou fai le nea leia e malie ki tagata fuli, kae tafito ki fetaina i le tui.

Kalate 6:2

Kotou feamoaki a koutou kavega, ti e kotou fakasoko loa i ai le lao a Kilisito.

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Kolose 1:4

talu mei lama logo ki lakoutou tui kia Sesu-Kilisito ti mo lokoutou alofa ki le kau sagato fuli,

Uluaki tosi ki le kau Tesalonika 3:12

Ti ke fakatuputupua mo fakaapele e ia le alofa leia e kotou maua i okoutou vasaa, ti ki tagata fuli, o faifaitaki ki le alofa leia e motou maua kia koutou ;

Lua tosi ki le kau Tesalonika 1:3

E tonu, fetaina, ke motou fakafetai tuumau ki le Atua o tupu ko koutou, ti e totonu le nea lena, talie e saele lasi ki mua lakotou tui, ti e tuputupua lokoutou fealofani fakatautaina.

Epelo 13:1

Ke kotou kataki fualoa i le alofa fakatautaina.

Sakopo 2:8

Kapau e kotou fai le lao o le puleaga, o mulimuli ki le Tosi : E ke alofa loa ki lou oloi o tatau mo koe totonu, e kotou fai malie.

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Lua tosi a Petelo 1:7

e le alofa ki le Atua le alofa fakatautaina, e le alofa fakatautaina le alofa.

Uluaki tosi a Soane 3:11

Talie ko le nea leia na fakasa atu kia koutou ti na kotou logo ki ai talu mei le kamataaga : e tonu ke tou fealofani ia tatou ;

Uluaki tosi a Soane 3:23

Ti ko leinei lana fakatotonu : Ke tou tui ki le suafa o lona Alo ko Sesu-Kilisito, ti ke tou fealofaaki ia tatou, o mulimuli ki lana fakatotonu kia tatou.

Uluaki tosi a Soane 4:21

Ti e tou maua meiate ia le fakatotonu leinei : Ko leia e alofa ki le Atua ke alofa foki a ia ki lona taina.

Lua tosi a Soane 1:5

Ti ko leinei le nea leia e kau kole atu kiate koe, Kilia, o leaise kau tosi atu se fakatotonu foou, kae ko le nea leia na tou maua talu mei le kamataaga, ke tou fealofaaki ia tatou.