Soane 13:31 - Tosi Tapu

³¹ I le kua ulu a Sutasi ki fafo, na pati loa Sesu : I le lakaga nei, kua fakakololia le Vosa o le tagata, ti kua fakakololia le Atua iate ia.

Soane 13:31 ပူးပေါင်းရင်းမြစ်များ

Mateo 8:20

Na tali loa Sesu kiate ia : E maua e lenato ni olatou nofoaga, ti e maua e manu lele o le lagi ni olatou ofaga ; kae e leaise maua e le Vosa o le tagata se ganea leia ke fakamalolo ai lona ulu.

Luka 12:50

E i ai se papitema leia e tonu ke kau papitema ai, ti e kau loto ke fai ti ke soko mai la !

Soane 11:4

I lana logo ki le nea lena, na pati loa Sesu : E leaise sikuga le masaki lena ki le mate, kae ki le kololia o le Atua, o tupu ke fakasa ai le kololia o le Alo o le Atua.

Soane 12:23

Na tali loa Sesu kia laua : Kua soko mai le aso leia e tonu ke fakakololia ai le Vosa o le tagata.

Soane 12:28

Tamana, fakakololia lou suafa ! Ti na au loa se leo mei le lagi : Kua kau fakakololia a ia, ti e kau toe fakakololia loa a ia.

Soane 14:13

ti ko nea fuli ala e kotou kole loa i loku suafa, e kau fai loa latou, o tupu ke fakakololia le Tamana i le Alo.

Soane 16:14

E fakakololia loa e ia a au, talie e too loa e ia mei le nea leia a aku, o fakasa atu loa a ia kia koutou.

Soane 7:39

Na pati a ia o uiga mo le Laumalie Maokioki leia e tonu ke tali e latou ala e tui loa kiate ia ; talie na leikiaise soli le Laumalie Maokioki, o tupu na leikiaise fakakololia Sesu.

Gaoi 2:36

Ke iloa fakapapau e le fale katoa o Iselaele kua fakanofo e le Atua ke Aliki mo Kilisito le Sesu lena na kotou tutuki ki le koluse.

Gaoi 3:13

Ko le Atua o Apalaamo, mo Isaake, mo Sakopo, ko le Atua o otatou tamana, kua fakakololia ia lana tagata fakasausau ko Sesu, leia na kotou fakatau mo fakafiti ki ai i mua o Pilato, i le lakaga leia na fakatotonu ai e ia ke fakamauli Sesu.

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Efeso 1:12

o tupu ke tou fakavikiviki ki lona kololia, tatou ala kua amanaki malie fakatomua kia Kilisito.

Efeso 2:7

o tupu ke fakasa i sekulo ka au le mou koloa lee gato o lona kalasia i lona agamalie kia tatou ia Sesu-Kilisito.

Efeso 3:10

Koia kua iloa ai i le aso nei e le kau pule mo le kau makeke i potu fakalagi i le Ekelesia le poto lee gato o le Atua i ona anoaga kesekese,

Filipe 2:11

ti ke fakasa e alelo fuli ko Sesu-Kilisito ko le Aliki, ki le kololia o le Atua ko le Tamana.

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.

Uluaki tosi a Petelo 2:12

Kotou maua i lotolotoga o le kau pagani se mauli malie, o tupu, i le nea leia e lauvelii ai koutou ofaipe ni tagata veveli, ke lotou tio ki akoutou gaoi malilie, ti ke lotou fakafetai ki le Atua, i le aso leia e fakatele ai loa a ia kia latou.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !