Soane 13:27 - Tosi Tapu

²⁷ I le temi fai leia na soli ai le potu pane, na ulu loa Satana kia Sutasi. Ti na pati loa Sesu kiate ia : Ko le nea leia e ke fai, fai a ia ke vave.

Soane 13:27 ပူးပေါင်းရင်းမြစ်များ

Uluaki tosi o Sau 18:27

I le lalatea, na gologolo loa Elia kia latou, o pati : Kotou kalaga leo lasi, talie e atua a ia ; e lagi manatu a ia ki se nea, pe lagi e visia a ia, pe lagi kua folau a ia ; pe lagi moe a ia, pe lagi koi ala ake a ia.

Pesalemo 109:6

Ke ke tuku latou ki le pule a se tagata agaveli, Ti ke tuu Satana i lona fetuu atamai !

Taagapati 1:16

Talie e makape olatou vae ki le veli, Ti e lotou fakatavili o liligi le toto.

Ekelesiasi 9:3

Ko leinei se tasi a veli i nea fuli ala e fai i le lalo laa : Ko leinei e i ai se ikuaga e tasi ki tagata fuli ; koia e apele ai le loto o vosa o le tagata i le agaveli, ti e nofo le valea i olatou loto i le lolotoga olatou mauli ; kae i le fakaoki e lotou ano ki le nofoaga o le kau mate. Talie ko ai e kese loa ?

Taniela 2:15

Na masau loa a ia, o pati kia Alioke, pule o le kau leo a le sau : Kolea e mamafa ai le fono a le sau ? Ti na fakamatala loa e Alioke le nea kia Taniela.

Mateo 12:45

Ti e ano a ia, o aumai ni iki ake laumalie veli e fitu ala e itaita ake iate ia ; ti e lotou ulu ki le fale, o nonofo i ai, ti e veli ake loa le mauli fakamuli o le tagata lena i le uluaki. E toe fenaaki loa le tautupu agaveli leinei.

Mateo 4:10

Na pati loa Sesu kiate ia : Fakamamao atu iate au Satana ! Talie e tuu i le Tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Maleko 6:25

Na ulu fakatavili aifai le taine ki le sau, o fai kiate ia le kole leinei : E kau loto ke ke soli mai nei kiate au, i se pa, le fa ulu o Soane-Patita.

Luka 22:3

Kae, na ulu loa Satana kia Sutasi, na fakaigoa ko Isekaliote, leia na kau ki le tino agafulu tupu lua.

Soane 13:2

I le lolotoga o le kai afiafi, kua tuku e le temonio ki le loto o Sutasi Isekaliote, vosa o Simone, le manatu ke fakatau a ia,

Soane 13:28

Kae na leaise matala loa se tasi o latou ala na nonofo i le laupapa pe kolea le nea na pati a ia kiate ia.

Soane 6:70

Na tali loa Sesu kia latou : Pe leaise ko au leia na filifili ia koutou, koutou ko le tino agafulu tupu lua ? Ti ko se tasi ia koutou ko se temonio !

Gaoi 5:3

Na pati loa Petelo kiate ia : Ananiasi, kolea kua ke tuku ai Satana ke fakaapele ia lou loto, o tupu ai lau loiloisi le Laumalie Maokioki, ti mo lau taofi se potu o le paaga o le kele ?