Soane 13:19 - Tosi Tapu

¹⁹ Ko leinei e kau fakasa le nea lena kia koutou kae e leikiaise soko mai a ia, o tupu ka soko mai loa a ia, ke kotou tui ko au a ia.

Soane 13:19 ပူးပေါင်းရင်းမြစ်များ

Esaia 41:23

Io, kotou fakasa mai le nea leia ka soko loa ki muli, Ke motou iloa pe ko ni atua maoki koutou ! Kotou fai fua se nea e tasi, pe malie pe veli, Ke motou tio ki ai ti ke tou tio fakatasi ki ai.

Esaia 43:10

Ko koutou ko aku tagata fakamaoki, e pati le Eteleno, Koutou mo laku tagata fakasausau leia na kau filifili, O tupu ke kotou iloa a ia, Ke kotou tui mai kiate au, ti ke kotou matala ko au : I oku mua na leaise fau se Atua, Ti i oku muli, e leaise toe maua loa se Atua.

Esaia 48:5

Na kau fakasa fakatomua kiate koe a nea ana talu mei mamao, Ti na kau fakasa atu latou kiate koe kae leikiaise lotou soko, O tupu ke aua na ke pati : Ko loku taulaatua leia na fai ia latou, Ko loku fakatata laakau pe ko loku fakatata ukamea, leia na fakatotonu ia latou.

Malakia 3:1

Ko leinei, e kau kakau loa laku tagata avelogo ; E teuteu loa e ia le ala i oku mua. Ti fokifa e ulu loa ki lona fale tapu le Aliki leia e kotou afa ; Ti ko le tagata avelogo o le sai leia e kotou oli ki ai, ko leinei, e au a ia, E pati le Eteleno o kau tau.

Mateo 11:3

Pe ko koe leia e tonu ke au, pe tonu ke motou talitali ki se tasi ake ?

Mateo 24:25

Ko leinei, kua kau fakasa fakatomua a ia kia koutou.

Luka 21:13

E soko loa le nea lena kia koutou o tupu ke kotou liliu ko se fakamaoki.

Soane 1:15

Na fakamaoki Soane kiate ia, o kalaga : Ko leinei leia na kau pati atu ki ai : Ko leia e muli mai iate au e lasi ake iate au, talie na mua a ia iate au.

Soane 14:29

E kau fakasa kia koutou a nea ana i le lakaga nei, kae e leikiaise lotou soko mai, o tupu mo ka lotou soko mai loa, ke kotou tui.

Soane 16:4

Kae kua kau fakasa a nea ana kia koutou, o tupu, ka soko mai loa le ola, ke kotou manatui na kau fakasa atu latou kia koutou. Na leaise kau fakasa atu latou kia koutou i le kamataaga, talie na kau nofo mo koutou.

Soane 4:26

Na pati loa Sesu kiate ia : Ko au totonu, a au leinei e masau atu kiate koe.

Soane 8:28

Ti na pati loa Sesu kia latou : Ka oki loa lakotou fakatuu ki aluga le Vosa o le tagata, ti e kotou iloa loa ko ai au, ti e leaise kau fai fua se nea iate au totonu, kae e kau masau o mulimuli ki le nea leia na ako mai kiate au e le Tamana.

Soane 8:58

Na pati loa Sesu kia latou : E maoki, e maoki, e kau pati atu kia koutou, i mua o le tupu o Apalaamo, e kau agai.