Soane 12:5 - Tosi Tapu

⁵ Kolea na leaise fakatau ai le kaloni lena ki ni fa tenalio e kau lelau tolu, ke soli latou ki le kau mativa ?

Soane 12:5 ပူးပေါင်းရင်းမြစ်များ

Esetalasi 4:14

Ti ko leinei, e motou kai foki le patai o le fale sau ti e leaise motou malie ia le fakanoai o le sau, koia kua motou fakakaku atu ai ki le sau a logo anei.

Ekesote 5:17

Na tali loa Falaone : Ko ni kau gasueveli koutou, ko ni kau gasueveli ! Koia leia e kotou pati ai : Tou ano o momoli ni sakilifisio ki le Eteleno !

Ekesote 5:8

Ke kotou fakamaua loa kia latou le lasi o le piliki leia e lotou fai masani, e leaise kotou toe too loa se nea ; talie ko le kau gasueveli latou ; koia leia e lotou kalaga ai, o pati : Tou ano o momoli ni sakilifisio ki lotatou Atua !

Amosi 8:5

E kotou pati : Ke oki vave la a aso lalasi o le masina foou, Kae feala ke motou toe fakatau lamatou fulumeto ! Ke oki vave la le sapato kae toe fakamavaa omatou fale tanaki fulumeto ! E motou fakaikiiki loa le kilo, kae motou siki loa lona totogi, E motou fakasalasala loa a fua ke kakaai.

Mateo 18:28

I lana ulu ki fafo, na felavei loa le tagata fakasausau lena mo se tasi i ona kaukau nea leia na tuu maua kiate ia ko le kau lelau tenalio. Na tapo loa e ia a ia, o kukumi lona ua, o pati : Ui mai lou maua kiate au.

Mateo 20:2

Na tuku loa a ia mo latou ki se fa tenalio e tasi i le aso, ti na kakau loa e ia latou ki lana vite.

Luka 12:33

Kotou fakatau okoutou koloa ti kotou soli lona paaga ki le kau mativa. Kotou fai ni taga paaga ala e leaise toe popo, kotou tanaki se koloa lee gato i le lagi, i le ganea leia e leaise kaku ki ai le tagata kaia, ti e leaise maumau ai a ugogo.

Luka 18:22

I le logo a Sesu ki le nea lena, na pati loa a ia kiate ia : Koi puli fua kiate koe le nea e tasi : Fakatau a nea fuli ala e ke maua, tufa a ia ki le kau mativa, ti e ke maua loa se koloa i le lagi. Ti ke au, o muli mai iate au.

Luka 6:41

Kolea e ke tio ai ki le ga penu i le mata o lou taina, kae e leaise ke iloa le fa alaga i lou mata ?

Soane 12:4

Ko se tasi o ana tisipulo, ko Sutasi Isekaliote, leia na tonu ke fakatau ia a ia, na pati loa :

Soane 12:6

Na pati a ia ki le nea lena, o leaise tupu na mamae a ia ki le kau mativa, kae tupu ko se tagata kaia a ia, ti e i lana taupau le kisi paaga, na tau too e ia le nea leia na tuku ki ai.

Soane 13:29

Kae, o tupu na nofo Sutasi mo le kisi paaga, na manatu ni iki na fia pati Sesu kiate ia : Totogi le nea leia e aoga mai kia tatou ki le aso lasi, pe na fakatotonu e ia kiate ia ke soli se nea ki le kau mativa.

Soane 6:7

Na tali loa Filipo kiate ia : Ko fa pane ala e mafai ke too ki ni fa tenalio e kau lelau e lua, e leaise feauga ke lotou tasi mo ia se ga pane.