Soane 12:49 - Tosi Tapu

⁴⁹ Talie na leaise kau masau iate au totonu ; kae ko le Tamana, leia na kakau ia mai au, na fakatotonu mai kiate au le nea leia e tonu ke kau fakasa, ti mo le nea leia e tonu ke kau akonaki ki ai.

Soane 12:49 ပူးပေါင်းရင်းမြစ်များ

Soane 14:10

Pe leaise ke tui e kau nofo i le Tamana, ti e nofo le Tamana iate au ? Ko folafola ala e kau fakasa kia koutou, e leaise kau fakasa latou iate au totonu ; kae ko le Tamana, leia e nofo iate au, ko ia leia e fai ia a gaoi.

Soane 14:24

Ko leia e leaise alofa kiate au e leaise fai e ia aku folafola. Ti ko folafola ala e kotou logo ki ai e leaise ko folafola a ia a aku, kae a le Tamana leia na kakau ia mai au.

Soane 14:31

Kae o tupu ke iloa e le malama nei e kau alofa ki le Tamana, ti e kau fai o mulimuli ki le fakatotonu a le Tamana kiate au, kotou tutuu ki aluga, ke tou mavae i leinei.

Soane 15:15

E leaise kau toe fakaigoa koutou ko tagata fakasausau, talie e leaise iloa e le tagata fakasausau le nea leia e fai e lona pule ; kae kua kau fakaigoa koutou ko kaukaunea, talie kua kau fakasa kia koutou a nea fuli ala kua kau ako mei loku Tamana.

Soane 17:8

Talie na kau soli kia latou a folafola ala na ke tuku mai kiate au ; ti kua lotou tali latou, ti kua lotou iloa papau na kau au meiate koe, ti kua lotou tui na ke kakau ia mai au.

Soane 3:11

E maoki, e maoki, e kau pati atu kiate koe, e motou pati ki le nea leia e motou iloa, ti e motou fakamaoki ki le nea leia na motou tio ki ai ; kae e leaise kotou tali lamatou fakamaoki.

Soane 3:32

e fakamaoki a ia ki nea ala na tio a ia mo logo ki ai, ti e leaise tali fua e se tasi lana fakamaoki.

Soane 5:19

Ti na toe masau loa Sesu kia latou, o pati : E maoki, e maoki, e kau pati atu kia koutou, e leaise feala ke fai e le Alo se nea iate ia totonu, e fai e ia le nea leia e tio a ia e fai e le Tamana ; ti ko nea fuli ala e fai e le Tamana, e toe fai foki e le Alo.

Soane 5:30

E leaise kau mafai fua se nea iate au totonu : E kau fakamaau o mulimuli ki le nea leia e kau logo ki ai ; ti e maoki laku fakamaau, talie e leaise kau afa ia loku finegalo, kae e kau afa le finegalo o leia na kakau ia mai au.

Soane 6:68

Na tali loa Simone Petelo kiate ia : Aliki, ke motou ano loa kiate ai ? E nofo iate koe a folafola o le mauli lee gato.

Soane 7:16

Na tali loa Sesu kia latou : E leaise au laku akonaki meiate au, kae mei leia na kakau ia mai au.

Soane 8:26

E lasi ai a nea ala e kau fia masau ki ai mo fia valoki ia koutou ; kae ko leia na kakau ia mai au e maoki, ti ko le nea leia na kau logo meiate ia, e kau fakasa a ia ki le malama nei.

Soane 8:28

Ti na pati loa Sesu kia latou : Ka oki loa lakotou fakatuu ki aluga le Vosa o le tagata, ti e kotou iloa loa ko ai au, ti e leaise kau fai fua se nea iate au totonu, kae e kau masau o mulimuli ki le nea leia na ako mai kiate au e le Tamana.

Soane 8:42

Na pati loa Sesu kia latou : Kanapau na koutou tamana ki le Atua, e kotou alofa loa kiate au, talie na kau au mei le Atua, ti ko ia leia na kakau ia mai au ki leinei ; na leaise kau au i loku loto faitalisa, kae ko ia leia na kakau ia mai au.

Tetelonome 18:18

E kau fakatupu loa i ou fetaina se polofeta e tatau mo koe, e kau tuku loa aku folafola ki lona gutu, ti e fakasa loa e ia kia latou a nea fuli ala e kau fakatotonu loa kiate ia.

Apokalipisi 1:1

Fakasa o Sesu-Kilisito, leia na tuku e le Atua kiate ia ke fakailo ki ana tagata fakasausau a nea ala e tonu ke soko vave, ti na fakailo e ia, i le kakau o lana aselo, ki lana tagata fakasausau ko Soane ;