Soane 12:48 - Tosi Tapu

⁴⁸ Ko leia e tiaki ia au ti e leaise tali ia aku folafola e maua e ia lona tui fakamaau ; ko le folafola leia na kau fakasa, ko ia leia e fakamaaui ia loa a ia i le aso fakamuli.

Soane 12:48 ပူးပေါင်းရင်းမြစ်များ

Esaia 53:3

Vesiaina mo tiakina e tagata, Tagata o le mamae mo masani i le mamae, Tatau mo leia e mafuli kese i ai a mata ; Na tou nukinuki kiate ia, na leaise tou tokaga fua kiate ia.

Mateo 10:15

E kau pati maoki atu kia koutou : I le aso o le fakamaau, e tautea loa le fenua o Sotoma mo Komola o maamaa ake i le kolo lena.

Mateo 21:42

Na pati loa Sesu kia latou : Pe na leaise kotou lau i le Tosi : Ko le fa fatu leia na tiaki e le kau tufuga Kua liliu ko le fatu tafito o le agele ; Ko le nea lena e au mei le Aliki, Ti ko se nea fakaofolele ki otatou mata ?

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Maleko 12:10

Pe na leaise kotou lau le folafola leinei o le Tosi : Ko le fatu leia na tiaki e le kau tufuga Na liliu ko le fatu tafito o le agele ;

Maleko 16:16

Ko leia e tui loa ti e papitema loa e mauli loa a ia, kae ko leia e leaise tui loa e malaia loa a ia.

Maleko 8:31

Na kamata fakasa loa e Sesu kia latou e tonu ke mamae lasi le Vosa o le tagata, ke tiaki a ia e le kau fakamatuatua o le kakai, mo le kau pule faisakilifisio, mo le kau sekelipa, ti ke tamate a ia, ti ke toe tuuake a ia i le sili o aso e tolu.

Luka 10:16

Ko leia e fakalogo kia koutou e fakalogo a ia kiate au, ti ko leia e tiaki ia koutou e tiaki e ia au ; ti ko leia e tiaki ia au e tiaki e ia leia na kakau ia mai au.

Luka 17:25

Kae e tonu ke mamae lasi a ia i mua, ti ke tiaki a ia e le tautupu nei.

Luka 20:17

Kae, na tio loa Sesu kia latou, o pati : Kolea le uiga o le folafola leinei e tuu i le Tosi : Ko le fatu leia na tiaki e le kau tufuga Kua liliu ko le fatu tafito o le agele ?

Luka 7:30

kae ko le kau faliseo mo le kau sekelipa, na lotou fakanoai le finegalo o le Atua kia latou, i lalatou fakafiti ke papitema latou e Soane.

Luka 9:22

Ti na toe pati loa Sesu : e tonu ke mamae lasi ai le Vosa o le tagata, ti ke tiaki a ia e le kau fakamatuatua, mo le kau pule faisakilifisio, mo le kau sekelipa, ti ke tamate a ia, ti ke toe tuuake loa a ia i le tolu o aso.

Luka 9:26

Kapau e luma loa se tasi kiate au ti mo aku folafola, e toe luma loa le Vosa o le tagata kiate ia, mo ka au loa a ia i lona kololia ti mo leia o le Tamana mo le kau aselo maokioki.

Soane 11:24

Na tali loa Maleta kiate ia : E kau iloa e toe tuuake loa a ia i le toe tuuake, i le aso fakamuli.

Soane 5:45

Aua na kotou manatu, ko au e kau tukugavelii ia loa koutou i mua o le Tamana, ko leia e tukugavelii ia koutou, ko Moisese, leia na kotou tuku ki ai lakoutou fanaki.

Soane 6:39

Ti ko le finegalo o leia na kakau ia mai au, ke aua na kau tuku ke puli se tasi fua o latou fuli ala na soli mai e ia kiate au ; kae ke kau toe fakatuuake latou i le aso fakamuli.

Soane 8:47

Ko leia e tupu mei le Atua e fakalogo a ia ki folafola a le Atua ; e leaise kotou fakalogo, talie e leaise kotou tupu mei le Atua.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Gaoi 3:23

ti ko leia e leaise fakalogo loa ki le polofeta lena, e motusi loa a ia mei lotomalie o lona kakai.

Loma 2:16

E sa loa le nea lena i le aso leia e fakamaaui ai loa e le Atua ia Sesu-Kilisito a gaoi fakapulipuli a tagata, o mulimuli ki laku Evaselio.

Lua tosi ki le kau Kolinto 4:3

Kapau koi fakapulou lama Evaselio, ti e fakapulou a ia kia latou ala e mamate,

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Epelo 10:25

Ke aua na tou tiaki latatou fakatasi ofaipe le fai masani a ni iki, kae tou feakonakiaki ia tatou, ti e toe asilisili ake le nea lena kua kotou tio kua ofi mai le aso.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Epelo 4:12

Talie ko le folafola a le Atua e mauli, mo makeke, mo matakakai ake i se seleta mata lua, mo ulu loloto o kaku ki le vaei o le loto mo le laumalie, o sokoga mo gako o ivi ; e fakamaaui e ia a manatu o le laumalie ti mo manatu o le loto.

Uluaki tosi a Petelo 1:5

kia koutou ala kua taupau i le makeke o le Atua ki le tui ki le fakamauli leia kua teuteu ke fakasa i temi fakamuli !

Lua tosi a Petelo 3:3

Kotou iloa mua, i aso fakamuli, e au loa ni kau gologolo, ala e saele loa o mulimuli ki olatou oli veveli totonu.

Lua tosi a Petelo 3:7

kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.

Uluaki tosi a Samuele 10:19

Kae i le aso nei, kua kotou tiaki lokoutou Atua, leia na saofaki ia koutou mei okoutou malaia fuli mo okoutou mamae fuli, ti kua kotou pati kiate ia : Fakanofo se sau kia matou ! Ke kotou tutuu i le temi nei i mua o le Eteleno, o mulimuli ki okoutou faasiga mo okoutou tino afe.

Uluaki tosi a Samuele 8:7

Na pati loa le Eteleno kia Samuele : Fakalogo ki le leo o le kakai i nea fuli ala e pati atu loa a ia ki ai ; talie e leaise ko koe leia e lotou tiaki, ko au leia e lotou tiaki, o tupu ke aua na kau toe pule kia latou.