Soane 12:43 - Tosi Tapu

⁴³ Talie na lasi ake lalatou fia fai ki le kololia o le tagata i le kololia o le Atua.

Soane 12:43 ပူးပေါင်းရင်းမြစ်များ

Pesalemo 22:29

Talie maua e le Eteleno le pule : E pule a ia ki atu puleaga.

Taagapati 29:25

Ko le i ki tagata ko se masele, Kae ko leia e fanaki ki le Eteleno e puipui a ia.

Mateo 6:2

Koia ka ke soli ia se nea, aua na ke pupusi le fakatagi i ou mua, ofaipe le fai e le kau malualoi i sinakoka ti mo ala, o tupu ke viki ai latou e tagata. E kau pati maokioki atu kia koutou, kua lotou maua lolatou fakapale.

Luka 16:15

Na pati loa a ia kia latou : Ko koutou, e kotou fia agatonu i mua o le tagata, kae e iloa e le Atua okoutou loto ; talie ko le nea leia e mauiga lasi ki tagata e fakalialia i mua o le Atua.

Luka 19:17

Na pati loa le sau kiate ia : Malie, tagata fakasausau agamalie ; talie na ke agatonu i se ganea ikiiki, tali e koe le pule ki ni kolo e kau agafulu.

Soane 12:26

Kapau e tausi se tasi kiate au, ke muli mai a ia iate au ; ti ko le ganea leia e kau nofo ai, e toe nofo ai foki laku tagata fakasausau. Kapau e tausi se tasi kiate au, e fakakololia loa a ia e le Tamana.

Soane 5:41

E leaise kau tali loku kololia mei tagata.

Soane 5:44

E feaki le mafai ke kotou tui, koutou ala e afa ia lokoutou kololia ia koutou, kae e leaise kotou afa le kololia leia e au mei le Atua toka tasi ?

Soane 7:18

Ko leia e masau iate ia totonu, e afa ia lona kololia toka tasi ; kae ko leia e afa ia le kololia o leia na kakau ia a ia e maoki a ia, ti e leaise se nea fua iate ia e sala.

Soane 8:54

Na tali loa Sesu : Kapau e kau fakakololia kiate au totonu, ti e noa loku kololia. Ko loku Tamana leia e fakakololia kiate au, a ia leia e kotou pati ko lokoutou Atua,

Loma 2:29

Kae ko le Sutea, ko ia leia e nofo i le loto, ti ko le silikosisio ko leia o le loto, i le Laumalie, kae e leai i le matai tosi. E leaise au le fakavikiviki a le Sutea lena mei tagata kae mei le Atua.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi ki le kau Kolinto 10:18

Talie e leaise ko leia e vikiviki kiate ia totonu e fakamaoki ki ai, kae ko leia e fakamaoki ki ai le Aliki.

Uluaki tosi ki le kau Tesalonika 2:6

Na leaise motou afa le kololia leia e au mei tagata, pe meia koutou, pe mei ni iki ake ; i lomatou uiga ko apositolo a Kilisito na feala ke motou pulei fakamakeke koutou,

Uluaki tosi a Petelo 3:4

kae ke kotou maua le teuga munia o le loto leia ko le mea lee popo o se loto agamalu mo tokamalie, leia e mauiga lasi i mua o le Atua.

Uluaki tosi a Samuele 15:30

Na toe pati loa Saulo : Kua kau agasala ! I le lakaga nei, e kau kole atu kiate koe, fakaapaapa mai kiate au i mua o le kau matua o loku kakai mo mua o Iselaele : toe au mo au, ti e kau atolasio loa ki le Eteleno, lou Atua.

Uluaki tosi a Samuele 2:30

Koia ko leinei le nea leia e fakasa e le Eteleno, le Atua o Iselaele : Na kau fakasa e saele loa lou fale mo le fale o lou tamana i oku mua o lee gato. Kae i le aso nei, e pati le Eteleno : Ke mamao le nea lena iate au ! talie e kau siki loa ki aluga leia e fakaapaapa loa kiate au, kae e kau tuku loa ki lalo leia e nukinuki loa kiate au.