Soane 12:40 - Tosi Tapu

⁴⁰ Kua fakakivi e ia olatou mata ; Ti kua fakafefeka e ia olatou loto, Ke aua na lotou tio ki olatou mata, Ke aua na lotou matala i olatou loto, Ti ke aua na lotou tafoki, ti ke aua na kau fakamauli latou.

Soane 12:40 ပူးပေါင်းရင်းမြစ်များ

Uluaki tosi o Sau 22:20

Ti na pati loa le Eteleno : Ko ai leia ka fakalotoi ia loa Akapo ke pale o taui Lamoti i Kalaate, o tupu ke tamate ai a ia ?

Pesalemo 147:3

E fakamauli e ia latou ala e loto fatifati, E sai e ia olatou lavea.

Pesalemo 41:4

E fakamakeke a ia e le Eteleno i lona moeaga o le mamae, E ke faitoo a ia i ona masaki fuli.

Pesalemo 6:2

Eteleno ! aua na ke tautea au i lou ita, Ti aua na ke taai au i lou ita lasi.

Ekesote 10:1

Na pati loa le Eteleno kia Moisese : Ano kia Falaone, talie kua kau fakafefeka ia lona loto mo le loto o ana tagata fakasausau, o tupu ke fakasa ai aku fakamailoga i loto malie o latou.

Ekesote 11:10

Na fai loa e Moisese mo Alone a milakulo fuli ana i mua o Falaone, ti na fakafefeka loa e le Eteleno le loto o Falaone leia na leaise tuku ia loa fanau a Iselaele ke mavae i lona fenua.

Ekesote 14:17

Ko au, e kau fakafefeka loa le loto o le kau Esipito, ti e lotou natu loa i okoutou muli ; ti e fakasa loa loku kololia e Falaone, mo lana solia katoa, mo ana saliote, ti mo lana kau ekeosi.

Ekesote 14:4

E kau fakafefeka loa le loto o Falaone, ti e tuli loa e ia koutou ; kae e kau fakaaoga loa Falaone mo lana solia katoa ke fakasa ai loku kololia, ti e iloa loa e le kau Esipito ko au ko le Eteleno. Ti na fai loa ki ai fanau a Iselaele.

Ekesote 14:8

Na fakafefeka loa e le Eteleno le loto o Falaone, sau o Esipito, ti na tuli loa e Falaone a fanau a Iselaele. Na mavae loa fanau a Iselaele mo lima na siki i aluga.

Ekesote 4:21

Na pati loa le Eteleno kia Moisese : E ke toe liliu loa ki Esipito, tio, kua kau tuku a nea fakamanamana kesekese ki lou lima : e ke fai loa latou i mua o Falaone. Ti ko au, e kau fakafefeka ia loa lona loto, ti e leaise tuku loa e ia le kakai ke ano.

Ekesote 7:13

Na fakafefeka loa e Falaone lona loto, ti na leaise fakalogo loa a ia kia Moisese mo Alone o mulimuli ki le nea leia na pati ki ai le Eteleno.

Ekesote 7:3

Ti ko au, e kau fakafefeka loa le loto o Falaone, ti e kau liuliuga loa aku fakamailoga mo aku milakulo i le fenua o Esipito.

Ekesote 9:12

Na fakafefeka loa e le Eteleno le loto o Falaone, ti na leaise fakalogo loa Falaone kia Moisese mo Alone, o mulimuli ki le nea leia na fakasa e le Eteleno kia Moisese.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 29:10

Talie kua liligi e le Eteleno kia koutou se laumalie o le tulemoe ; Ti kua tapono e ia okoutou mata, kau polofeta, Ti kua puloui e ia okoutou ulu, kau faikikite.

Esaia 53:5

Kae na lavea a ia o tupu ko atatou agasala, Fatii o tupu ko atatou agaveli ; Ko le tautea leia e soli ia kia tatou le tokamalie na vilo kiate ia, Ti ko ona kafo ala e tou mauli ai.

Esaia 6:10

Ke ke fakaliliu le loto o le kakai leinei ke logo noa ; Ke ke fakatulituli ona taliga, ti mo tapono ona mata, Talie ke aua na tio loa ona mata, mo logo loa ona taliga, Mo matala loa lona loto, Mo tafoki loa, ti ke kau fakamauli loa a ia.

Esaia 6:9

Ti na pati loa a ia : Ano, o pati ki le kakai leinei : E kotou logo maoki loa, kae e leaise kotou matala loa fua ; E kotou tio maoki loa, kae e leaise kotou malama loa fua.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 5:21

Kotou fakalogo mai ki le nea leinei, kakai valea, kakai leia e leai sona mafu ! E lotou maua ni mata kae e leaise lotou tio fua, E lotou maua ni taliga kae e leaise lotou logo fua.

Esekiele 12:2

Vosa o le tagata, e ke nofo i loto malie o se famili o ni kau agatuu, ala e maua ia ni fa mata ke tio kae e leaise lotou tio fuai, ni taliga ke logo kae e leaise lotou logo fuai ; talie ko se famili o ni kau agatuu.

Esekiele 14:9

Ti kapau e kakaai loa le polofeta mo kapau e puaki e ia se folafola, ko au, le Eteleno, leia na fakataga ia ke kakaai le polofeta lena ; e kau falo loa loku lima kiate ia, ti e kau tuuti loa a ia i lotolotoga o loku kakai ko Iselaele.

Oseo 14:4

E kau fakamauli loa Iselaele i lana agatuu, E kau alofa maoki loa kia latou ; Talie kua maliu loku sausau ia latou.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Mateo 15:14

Tuku noa latou : Ko ni kivi latou ala e taki ia ni kivi ; kapau e taki e se kivi se tasi a kivi, e la vivilo toka lua loa ki se popoko.

Maleko 4:12

o tupu ke lotou tio mata, kae aua na lotou iloa ; ke lotou logo taliga, kae aua na lotou matala, talie ke aua na lotou tafoki, ti ke aua na fakamolemole alatou agasala.

Maleko 6:52

Talie na leaise lotou matala ki le milakulo o pane, o tupu na fefeka ai olatou loto.

Luka 4:18

E iate au le Laumalie o le Aliki, Talie kua fakanofo e ia au ke fakasa ia le logo malie ki le kau mativa ; Na kakau mai e ia au ke fakamauli latou ala kua loto fatifatii,

Luka 8:10

Na tali loa Sesu : Kua tuku atu kia koutou ke kotou iloa a misitelio o le Puleaga o le Atua ; kae kia latou ake ala, kua fakasa a ia i ni folafola fakatata, o tupu ke lotou tio mata kae aua na lotou tio fua, ti ke lotou logo taliga kae aua na lotou matala fua.

Soane 12:39

Ti na leaise mafai ke lotou tui, talie na toe pati Esaia :

Soane 9:39

Ti na pati loa Sesu : Na kau au ki le malama nei o tupu ko se fakamaau : talie ke tio latou ala na kivi, ti ke liliu o kivi latou ala na tio.

Gaoi 15:3

I le oki o lolatou tuku ake e le Ekelesia, na lotou soko atu loa lolatou fanoga i Fenisia mo Samalia, o fakamatala ki fetaina le tafoki o le kau pagani, ti na lotou fiafia lasi ai.

Gaoi 28:26

Ano ki le kakai lena, o pati : Ekotou logo loa i okoutou taliga, kae e leaise kotou matala loa ; Ekotou tio loa i okoutou mata, Kae e leaise kotou malama loa.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Loma 9:18

Koia e manavaalofa ai a ia ki leia e loto a ia ki ai, ti e fakafefeka e ia leia e loto a ia ki ai.

Tetelonome 29:4

Kae, o kaku mai ki le aso leinei, na leaise tuku e le Eteleno kia koutou se loto ke matala, mo ni mata ke tio, mo ni taliga ke logo.

Sosue 11:20

Talie na fakataga e le Eteleno ke fakafefeka a loto o puleaga ana o tau ki Iselaele, o tupu ke tamate latou e Iselaele, ti ke aua na maua loa se alofa kia latou, kae ke tamate latou ke puli oki, o mulimuli ki le nea leia na fakatotonu e le Eteleno kia Moisese.