Soane 12:35 - Tosi Tapu

³⁵ Na pati loa Sesu kia latou : Koi nofo fua le malama i se ga temi ikiiki ia koutou. Kotou saele koi kotou maua le malama, talie ke aua na maua koutou e le fakapouli : ko leia e saele i le fakapouli e leaise iloa e ia pe ano a ia kifea.

Soane 12:35 ပူးပေါင်းရင်းမြစ်များ

Taagapati 4:19

Ko le ala o le kau agaveli e faipe le fakapouli ; E leaise lotou tio ki le nea leia e fakavilo ia loa latou.

Esaia 2:5

Fale o Sakopo, Kotou au, ti ke tou saele fakatasi i le malama o le Eteleno !

Selemia 23:12

Koia e liliu ai loa lolatou ala o sekeseke mo fakapouli, E tule loa latou, ti e lotou sisiga loa. Talie e kau aumai loa kia latou le malaia, I le fetuu leia e kau tautea ai loa latou, e pati le Eteleno.

Luka 18:37

Na fakasa ake loa kiate ia : Ko Sesu mei Nasaleti leia e fakalaka.

Soane 11:10

kae kapau e saele se tasi i le pouli, e tukia a ia, talie e leaise se malama iate ia.

Soane 11:9

Na tali loa Sesu : Pe leaise ko ni ola e kau agafulu tupu lua i le aso ? Kapau e saele se tasi i le ao, e leaise tukia a ia, talie e tio a ia ki le malama o le malama nei ;

Soane 12:36

Kotou tui ki le malama koi kotou maua a ia, o tupu ke kotou liliu ko ni fanau o le malama. Na fakasa loa e Sesu a nea ana, ti na ano loa a ia, o mumuni mamao meia latou.

Soane 12:46

Na kau au ofaipe se malama ki le malama nei, o tupu ke aua na nofo i le fakapouli leia e tui mai kiate au.

Soane 16:16

Koi toe fua se ga temi ikiiki, ti e leaise kotou toe tio loa kiate au ; ti e toe toe se tasi ga temi ikiiki, ti e kotou toe tio loa kiate au, talie e kau ano ki le Tamana.

Soane 7:33

Na pati loa Sesu : Koi kau nofo mo koutou i se ga temi ikiiki, ti e kau ano loa ki leia na kakau ia mai au.

Soane 8:12

Na toe masau loa Sesu kia latou, o pati : Ko au ko le malama o le malama nei ; ko leia e muli mai iate au e leaise toe saele loa a ia i le fakapouli, kae e maua loa e ia le malama o le mauli.

Lua tosi ki le kau Kolinto 3:14

Kae kua lotou liliu o fefeka i olatou atamai. Talie o kaku mai ki le aso nei, e koi tuumau le pulou lena mo ka lotou lau le Tausi Afea, ti e leaise toe puli le kie lena, talie koi puli a ia ia Kilisito.

Kalate 6:10

Koia, i le koi tou maua ia le faigamalie, tou fai le nea leia e malie ki tagata fuli, kae tafito ki fetaina i le tui.

Efeso 5:8

talie i mua na kotou fakapouli, kae i le temi nei kua kotou malama i le Aliki. Kotou saele ofaipe ni fanau o le malama !