Soane 12:31 - Tosi Tapu

³¹ Ko leinei le ola leia e fakamaaui ai le malama nei ; ko leinei le ola leia e ti ai loa le pule o le malama nei ki fafo.

Soane 12:31 ပူးပေါင်းရင်းမြစ်များ

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Esaia 49:24

Pe too loa le koloa o le tagata makeke iate ia ? Pe too loa mei lima o le tagata tukipo leia na popula kiate ia ?

Mateo 12:28

Kae, kapau e kau kapu le kau temonio i le makeke o le Laumalie o le Atua, ti kua au le Puleaga o le Atua kia koutou.

Soane 14:30

E leaise kau toe masau lasi loa mo koutou ; talie e au le pule o le malama nei. E leaise maua e ia sana nea fua e tasi iate au.

Soane 3:19

Ti ko leinei le fakamaau lena, na au le malama ki le malama nei, kae na filifili e tagata le fakapouli i le malama, talie na veveli alatou gaoi.

Soane 9:39

Ti na pati loa Sesu : Na kau au ki le malama nei o tupu ko se fakamaau : talie ke tio latou ala na kivi, ti ke liliu o kivi latou ala na tio.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Uluaki tosi ki le kau Kolinto 1:20

Kofea le poto ? Kofea le sekelipa ? Kofea le tagata fakavisi o le malama nei ? Pe na leaise fakamaoki le Atua ko se valea le poto o le malama nei ?

Uluaki tosi ki le kau Kolinto 1:21

Talie i lona poto na leaise iloa e le malama nei le Atua, kae na malie ki le Atua i lona poto ke saofaki latou ala e tui ki le valea o le akonaki.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Efeso 6:12

Talie e leaise tou fepoko mo le kanofi mo le toto, kae mo le kau pule, mo le kau makeke, mo le kau pule lalasi o le fakapouli, mo le kau laumalie veli i potu fakalagi.

Kolose 2:15

Ti kua maumaui e ia i le nea lena le makeke o le kau pule mo le kau makeke, ti kua tuku e ia latou ke manogii e le kakai, i lana malo ia latou i le koluse.

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Uluaki tosi a Soane 3:8

Ko leia e mauli i le agasala, e au a ia mei le Tiapolo, talie e agasala le Tiapolo talu mei le kamataaga. Na sa mai le Alo o le Atua, o tupu ke maumaui a gaoi a le Tiapolo.

Uluaki tosi a Soane 4:4

Ko koutou, fanau liliki, e kotou au mei le Atua, ti kua kotou malo i le kau polofeta loi, talie ko leia e nofo ia koutou e lasi ake i leia e nofo i le malama nei.

Uluaki tosi a Soane 5:19

E tou iloa ko tatou a le Atua, kae e malolo le malama nei katoa i le makeke o le Veli.