Soane 12:29 - Tosi Tapu

²⁹ Ko le kakai leia na nofo i ai ti na logo ki le leo na pati ko se mana leia na gugulu. Na pati a iki ko se aselo leia na masau kiate ia.

Soane 12:29 ပူးပေါင်းရင်းမြစ်များ

Sopo 40:9

Ti e kau fakavikiviki loa Ki le makeke o lou lima atamai.

Ekesote 19:16

I le tolu o aso, i le mafoata, na i ai loa ni mana, mo ni uila, ti mo se ao matotolu, i le mauga ; ti na lotou logo loa ki le leo makeke fakaii o se fakatagi pupusi ; ti na lulu fuli loa le kakai katoa leia na nofo i le nofolaga.

Ekesote 20:18

Na logo le kakai katoa ki gugulu o le mana mo le tagi o le fakatagi pupusi ; ti na lotou tio ki le ulaula o le mauga mo lona kokofu. I le nea lena, na lulu loa le kakai i le i, ti na lotou solomuli, o tuu mei mamao.

Esekiele 10:5

Ti na logo loa o kaku ki le lotoa i fafo le patu o kapakau o selupino, ofaipe le leo o le Atua mafimafi mo ka folafola.

Gaoi 9:7

Ko tagata ala na kau fanoga mo ia na tutuu loa i lolatou punamauli ; na lotou logo ki le leo kae na leaise lotou tio ki se tasi.

Apokalipisi 11:19

Ti na fakamavaa loa le fale tapu o le Atua i le lagi, ti na sa loa le aleka o lona sai i lona fale tapu. Ti na i ai loa ni uila, mo ni leo, mo ni mana, mo se mafuike, ti mo se ua fatu makeke.

Apokalipisi 14:2

Ti na kau logo loa ki se leo mei le lagi, ofaipe le gugulu o vaitafe lalasi, ofaipe le gugulu o se mana lasi ; ti ko le leo leia na kau logo ki ai na faipe le leo o ni tagata ta alepe ala e ta ia alatou alepe.

Apokalipisi 6:1

Ti na kau tio loa, i le fakamavaa e le Akeno le uluaki fakamau o fakamau e fitu, ti na kau logo loa ki le uluaki o manu mauuli e fa na pati ofaipe se leo o se mana : Au.

Apokalipisi 8:5

Ti na too loa e le aselo le tulipulo, ti na fakaapele loa e ia a ia ki le afi o le aletale, o ti a ia ki le malama nei. Ti na i ai loa ni leo, mo ni mana, mo ni uila, ti mo se mafuike.