Soane 12:27 - Tosi Tapu

²⁷ I le lakaga nei kua mamae loku laumalie. Ti kolea e kau pati loa ki ai ? Tamana, saofaki au mei le ola leinei ?… Kae na kau au o tupu ko le ola lena o kaku mai ki le aso nei !

Soane 12:27 ပူးပေါင်းရင်းမြစ်များ

Pesalemo 6:3

Eteleno, alofa mai kiate au, talie kua kau gaegae ; Fakamauli au, Eteleno, talie kua lulu oku ivi.

Pesalemo 88:3

Ke kaku atu laku kole ki lou agaiaga ! Fakalogo mai lou taliga ki aku kolekole !

Esaia 38:15

Kolea loa saku pati ke fai ? Na tali mai a ia kiate au, ti na tali e ia laku kole. E kau saele loa i le fakataulalo o kaku ki le oki o oku fetuu, I le oki o loku mamae leinei.

Esaia 53:3

Vesiaina mo tiakina e tagata, Tagata o le mamae mo masani i le mamae, Tatau mo leia e mafuli kese i ai a mata ; Na tou nukinuki kiate ia, na leaise tou tokaga fua kiate ia.

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Mateo 11:26

Io, Tamana, e kau fakafetai kiate koe talie ko lou loto ke fenaaki.

Mateo 26:42

Na toe fakamamao loa a ia i le tua lua, o faikole feneeki : Loku Tamana, kapau e leaise feala ke mamao le ipu nei kae e leaise kau inu a ia, ke fai ki lou finegalo !

Mateo 26:45

Ti na toe liliu mai loa a ia ki ana tisipulo, o pati kia latou : Kotou momoe la i le lakaga nei, ti kotou malolo ! Ko leinei, kua ofi mai le ola leia e tuku ai le Vosa o le tagata ki lima o le kau agasala.

Luka 22:44

Na logoi loa e ia se mamae lasi, ti na toe asilisili faikole fakamalotoloto a ia : ti na liliu loa lona kavakavaia ofaipe ni motii toto, ala na sasali ki le kele.

Luka 22:53

I aso fuli na kau nofo mo koutou i le fale tapu, ti na leai fua se kotou kapa kiate au. Kae ko le ola leinei o koutou, ti mo le makeke o le fakapouli.

Soane 11:41

Na lotou too loa le fatu. Ti na siki loa e Sesu ona mata ki aluga, o pati : Tamana, e kau fakafetai kiate koe, talie kua ke tali au.

Soane 12:23

Na tali loa Sesu kia laua : Kua soko mai le aso leia e tonu ke fakakololia ai le Vosa o le tagata.

Soane 13:21

I le oki o lana masau, na mamae loa Sesu i lona laumalie, ti na fakasa loa e ia : E maoki, e maoki, e kau pati atu kia koutou, e fakatagai loa au e se tasi o koutou.

Soane 18:37

Na pati loa Pilato kiate ia : Pe ko se sau koia a koe ? Na tali loa Sesu : E ke fakasa a ia, e kau sau. Na kau tupu ti na kau au ki le malama nei o fakamaoki ki le maoki. Ko leia e nofo i le maoki, e logo a ia ki loku leo.

Uluaki tosi kia Timoteo 1:15

Ko se folafola maoki ti mo gali ke tali, na au Sesu-Kilisito ki malama nei o fakamauli le kau agasala, ti ko au ko le uluaki o latou.

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.