Soane 12:23 - Tosi Tapu

²³ Na tali loa Sesu kia laua : Kua soko mai le aso leia e tonu ke fakakololia ai le Vosa o le tagata.

Soane 12:23 ပူးပေါင်းရင်းမြစ်များ

Esaia 55:5

Ko leinei, e ke kalagai loa ni puleaga ala e leaise ke iloa, Ti e feoso mai loa kiate koe ni puleaga ala e leaise iloa ia a koe, O tupu ko le Eteleno lou Atua, O tupu ko le Sagato o Iselaele leia e fakakololia ia a koe.

Esaia 60:9

Talie amanaki malie a atu motu kiate au, Ti e muamua a vaka faikoloa o Talesisi, O aumai mei mamao au fanau, Mo alatou paaga ti mo alatou aulo, O tupu ko le suafa o le Eteleno, lou Atua, O tupu ko le Sagato o Iselaele, leia e fakakololia ia a koe.

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Mateo 26:45

Ti na toe liliu mai loa a ia ki ana tisipulo, o pati kia latou : Kotou momoe la i le lakaga nei, ti kotou malolo ! Ko leinei, kua ofi mai le ola leia e tuku ai le Vosa o le tagata ki lima o le kau agasala.

Maleko 14:35

Ti na toe fakamamao fakaikiiki atu loa a ia, ti na punou loa a ia ki le kele, o faikole ke fakamamao atu le ola lena iate ia.

Maleko 14:41

Na toe liliu mai loa a ia i le tua tolu, o pati kia latou : Kotou momoe la i le temi nei mo kotou malolo ! Kua feauga ! Kua soko mai le ola ! Ko leinei, ka tuku loa le Vosa o le tagata ki lima o le kau agasala.

Soane 12:16

Na leaise matala loa ana tisipulo ki le nea lena i le temi lena ; kae i le oki o le fakakololia o Sesu, na lotou manatui loa na tosi a nea ana kiate ia, ti na fakasoko latou kiate ia.

Soane 12:27

I le lakaga nei kua mamae loku laumalie. Ti kolea e kau pati loa ki ai ? Tamana, saofaki au mei le ola leinei ?… Kae na kau au o tupu ko le ola lena o kaku mai ki le aso nei !

Soane 13:1

I mua o le Pasikate, i le iloa e Sesu kua soko lona ola ke mavae i le malama nei ki le Tamana, na alofa loa a ia kia latou ala na nonofo i le malama nei, ti na fakakatoa loa e ia lona alofa kia latou o kaku ki le gatoaga.

Soane 7:39

Na pati a ia o uiga mo le Laumalie Maokioki leia e tonu ke tali e latou ala e tui loa kiate ia ; talie na leikiaise soli le Laumalie Maokioki, o tupu na leikiaise fakakololia Sesu.