Soane 12:13 - Tosi Tapu

¹³ ti na lotou too loa ni laai laakau, o ano o fakafelavei kiate ia, mo kalaga : Osana ! E manuia leia e saele mai i le suafa o le Aliki, le sau o Iselaele.

Soane 12:13 ပူးပေါင်းရင်းမြစ်များ

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Levitiko 23:40

I le uluaki aso, e kotou too loa ni fuai laakau malilie, mo ni lau palemie, mo ni taaulu laakau lalasi, ti mo ni taaulu laakau ko le sole ; ti kotou fakafiafia loa i mua o le Eteleno, ko lokoutou Atua, i ni aso e fitu.

Sofoni 3:15

Kua fakamafuli kese e le Eteleno ou tautea, Kua fakamamao e ia lou fili. E nofo le sau o Iselaele, le Eteleno, i loto malie o ou ; E leaise ke toe maua ia loa se malaia.

Mateo 23:39

talie, e kau pati atu kia koutou, e leaise kotou toe tio loa kiate au, o kaku ki lakotou pati : Tapusa leia e au i le suafa o le Aliki !

Mateo 27:42

Na saofaki e ia ala, kae e leaise mafai e ia ke saofaki a ia totonu ! Kapau ko le sau a ia o Iselaele, ke ifo a ia mei le koluse, ti e motou tui loa kiate ia !

Soane 1:49

Na tali loa Natanaele, o toe pati : Pule, ko koe ai ko le Alo o le Atua, ko le Sau o Iselaele.

Soane 12:14

Na maua loa e Sesu se uviki asino ti na eke loa a ia ki ai, o mulimuli ki le nea leia kua tosi :

Soane 12:15

Aua na ke i, taine o Sione ; Ko leinei, e au lou sau, Eeke a ia i le uviki asino.

Soane 19:15

Kae na lotou kalaga leo lasi loa : Ke mate, ke mate, ke kulusifiko a ia ! Na pati loa Pilato kia latou : Pe kau kulusifiko loa lokoutou sau ? Na tali loa le kau pule faisakilifisio : Ko lomatou sau e tasi ko Sesale.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !

Apokalipisi 19:16

Ti na tuu i lona pulupulu mo lona kauaga se igoa kua tosi : Sau o atu sau, mo Aliki o atu aliki.

Apokalipisi 7:9

I le oki o le nea lena, na kau tio loa, ti ko leinei, na i ai loa se kakai toka api ai, leia na leaise mafai ke lau e se tasi, mei puleaga fuli, mo faasiga fuli, mo kakai fuli, mo masau fuli. Na lotou tutuu i mua o le ekeekeaga fakasau ti mo le Akeno, kua lotou kofu ki ni kofu tetea, ti na lotou too ni lau palema i olatou lima.