Soane 11:52 - Tosi Tapu

⁵² Ti e leaise gato fua ki le puleaga ; kae ke fakatasii ai foki a fanau a le Atua kua mavetevete.

Soane 11:52 ပူးပေါင်းရင်းမြစ်များ

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Pesalemo 22:15

E kau faipe se vai leia e sali, Ti e mavete oku ivi fuli ; E fai loku mafu le fa silo, E okioki a ia i oku tootooga.

Pesalemo 22:27

E kai loa le kau mativa ti e lotou makokona loa, Ko latou ala e afa ia le Eteleno e fakafetai loa kiate ia. Ke mauli okoutou laumalie o lee gato !

Pesalemo 72:19

Ke fakafetai ki lona suafa fakakololia o lee gato ! Ke apele le malama nei katoa i lona kololia ! Amene ! Amene !

Esaia 49:18

Siki ake ou mata, o tio takatakai, ti ke tio : E lotou fakatasi fuli, ti e lotou au kiate koe. E kau mauli ! e pati le Eteleno, E ke kofu loa kia latou ofaipe se kofu fakateuteu, E ke nonoa loa latou i ou vakavaka ofaipe ni titi o se taine avaga.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 55:5

Ko leinei, e ke kalagai loa ni puleaga ala e leaise ke iloa, Ti e feoso mai loa kiate koe ni puleaga ala e leaise iloa ia a koe, O tupu ko le Eteleno lou Atua, O tupu ko le Sagato o Iselaele leia e fakakololia ia a koe.

Esaia 56:8

E folafola le Aliki, le Eteleno, Leia e fakatasi ia le kau popula o Iselaele : E kau fakatasi loa ni iki ake kakai kiate ia, ki lona kakai leia na toe fakatasi foki.

Esaia 60:4

Tagaki ou mata ki ou tafa, ti ke tio : E lotou fakatasi fuli, e lotou au kiate koe ; E au ou vosa mei mamao, Ti e luluku ou taineliki i lima.

Esekiele 34:12

E kau tokaga loa o tanaki laku kau ovi ofaipe le fai a se tagata tausi manu mo ka tio a ia kua mavete katoa lana kau manu. E kau ano loa o afa mai aku ovi i ganea fuli ala na fakamavete latou ki ai, i le aso veli mo fakapouli.

Luka 15:8

Pe ko ai le fafine leia, mo kapau e maua e ia ni fa talame e kau agafulu, ti puli se fa talame e tasi, e leaise tutu ia se malama, mo seu ia le fale, ti mo afa lasi o kaku ki lana maua a ia ?

Luka 2:32

Malama ke fakamalama ia a atu puleaga, Ti kololia o Iselaele, lou kakai.

Soane 1:12

Kae kia latou fuli ala na tali ia a ia, kia latou ala e tui ki lona suafa, na soli e ia le pule ke liliu ko fanau a le Atua, ala kua tupu,

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 10:16

Koi i ai foki ni iki a ovi a aku, ala e leikiaise kau ki le lotoa ovi leinei ; e tonu foki ke kau aumai latou ; e lotou logo loa ki loku leo, ti e i ai loa se kau ovi e tasi, mo se tagata tausi ovi e tasi.

Soane 12:32

Ti ko au, ka siki ake loa au ki aluga mei le kele, e kau fakatatae mai loa kiate au a tagata fuli.

Gaoi 18:10

talie e kau nofo mo koe, ti e leaise lave loa le lima o se tasi kiate koe o fai se nea veli kiate koe ; masau, talie e kau maua ia se kakai toka api i le kolo leinei.

Loma 3:29

Pe ko le Atua, ko le Atua fai a ia o le kau Sutea ? Pe leaise ko le Atua foki a ia o le kau pagani ? E io, ko le Atua foki a ia o le kau pagani,

Loma 4:17

Kua kau fakanofo a koe ko le tamana o ni puleaga mauke ai. Ko ia ko lotatou tamana i mua o leia na tui a ia ki ai, le Atua, leia e soli ia le mauli ki le kau mate, ti e pati ki nea ala e leikiaise tupu pe ni nea kua tupu.

Efeso 1:5

ti na fakatuutuu fakatomua e ia tatou i lona alofa ke tou liliu ko ana fanau fufui ia Sesu-Kilisito, o mulimuli ki lona fiafia mo lona finegalo,

Efeso 3:11

o mulimuli ki le fakatuutuu lee gato leia na fai e ia ia Sesu-Kilisito lotatou Aliki ;

Sakopo 1:1

Ko au Sakopo, ko le tagata fakasausau a le Atua ti mo le Aliki ko Sesu-Kilisito, ki faasiga e kau agafulu tupu lua ala e mavetevete mamao, alofa atu !

Uluaki tosi a Petelo 1:1

Petelo, ko le apositolo a Sesu-Kilisito, kia latou ala e matapule mo mavetevete i Ponito, mo Kalatia, mo Kapatose, mo Asia, ti mo Pitinia,

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.

Uluaki tosi a Soane 3:1

Kotou tio ki le lasi o le alofa leia na soli mai kia tatou e le Tamana, ke tou igoa ko fanau a le Atua ! Ti ko tatou ko ana fanau maoki. Kapau e leaise iloa tatou e le malama nei, talie na leaise iloa e ia le Atua.

Uluaki tosi a Soane 3:10

Ko leinei le nea leia e mailoga kesekese ai fanau a le Atua mo fanau a le Tiapolo : Ko leia e leaise mauli i le maokioki e leaise au a ia mei le Atua, tatau mo leia e leaise alofa ki lona taina.

Uluaki tosi a Soane 3:2

Alofaaga, ko fanau tatou a le Atua i le temi nei, ti e leikiaise fakasa lotatou anoaga i le temi ka au ; kae e tou iloa, ka sa loa a ia, e tou tatau loa mo ia, talie e tou tio loa kiate ia totonu.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;